ახალი ამბები
თენგიზ ჯგუშია ყოფილი გუბერნატორის დასჯას ითხოვს, მომავალს კი მოთხოვნებს უყენებს (ვიდეო)
„სამეგრელოს ხმის“ ლიდერი თენგიზ ჯგუშია სამეგრელო-ზემო სვანეთის ყოფილი გუბერნატორის ლევან შონიას წინააღმდეგ სამართლებრივი დევნის დაწყებას ითხოვს. ამის შესახებ მან სამხარეო ადმინისტრაციის წინ გამართულ ბრიფინგზე თქვა. ჯგუშია მიიჩნევს, რომ ლევან შონია უნდა დაისაჯოს და მას ბრალს სდებს.

„შონია უნდა იყოს ციხეში გუბერნატორი შონია ახორციელებდა მეთოდურად და ორგანიზებულად კონტრაბანდულ და დანაშაულებრივ ბიზნესებს, კლავდა თვითმმართველობას, ჩეხდა ხე-ტყის მასივებს, ფლანგავდა საბიუჯეტო სახსრებს. შონია უნდა დაისაჯოს, რომ ახალმა გუბერნატორმა არ გააგრძელოს მისი გზა“, - თქვა ჯგუშიამ.

გარდა ამისა, ჯგუშია გუბერნატორის ინსტიტუტს „სრულ ფარსს“ უწოდებს, მთავრობაში რეგიონული მართვის სამსახურის შექმნას კი ცენტრალიზაციისკენ გადადგმულ ნაბიჯად აფასებს და ამბობს, რომ ეს სამსახური „მაკონტროლირებელი“ ფუნქციის მატარებელია.

„ალბათ, შევარდნაძისგან იღებენ რჩევებს. ეს არის ხალხისთვის თვალებში ნაცრის შეყრა“, - ამბობს თენგიზ ჯგუშია.

მიუხედავად ამ მოსაზრებებისა, თენგიზ ჯგუშია მომავალ გუბერნატორს წარმატებებს უსურვებს.

„ახალმა გუბერნატორმა უნდა დადოს პირობა მოსახლეობასთან, რომ შეუდგება თხილის ფასებს კონტროლს, კონტრაბანდის ალაგმვას, თვითმმართველობის ინდექსი იქნება მაღალი, საჯარო გახდება მისი ყველა ხარჯი, ივლის უბრალო მანქანით და უფრო ხშირად შეხვდება ხალხს“, - აღნიშნა მან.
26 ივლისს მამუკა ბახტაძემ მთავრობის კანცელარიაში გამართულ ბრიფინგზე განაცხადა, რომ თანამდებობიდან ხუთი რეგიონის, მათ შორის სამეგრელო-ზემო სვანეთის გუბერნატორი ლევან შონის თანამდებობიდან გაათავისუფლა. ახალ გუბერნატორს კი უახლოეს დღეებში წარადგენენ.

გუბერნატორის მოვალეობას კი დროებით მისი პირველი მოადგილე კობა ქანთარია შეასრულებს.


ამავე თემაზე: 

ლევან შონია:იმედს ვიქონიებ, ახალი ხელმძღვანელი უფრო მეტს შეძლებს რეგიონის განვითარებისთვის
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების განსახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 15 °C
img
ფოთი 16 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.