ახალი ამბები
წალენჯიხაში ფერისცვალების ტაძარში წმ. ნინოს მე-14 საუკუნით დათარიღებული ფრესკა აღმოაჩინეს (ფოტო)
წალენჯიხაში, მაცხოვრის ფერისცვალების ტაძარში, სადაც კედლის მხატვრობის სარესტავრაციო სამუშაოები მიმდინარეობს, დღეს დილით წმინდა ნინოს წარწერებიანი ფრესკა აღმოაჩინეს.




სასულიერო აკადემიის ხატწერის კათედრის გამგე პროფესორი მერაბ ბუჩუკური ამბობს, რომ დღევანდელი აღმოჩენა რამდენიმე მიზეზის გამოა მნიშვნელოვანი. უმთავრესი კი ის არის, რომ ფრესკა მეთოთხმეტე საუკუნეში ბიზანტიელი ხატმწერის მიერ არის მოხატული.



„წმინდა ნინოს ფრესკები საქართველოს ტაძრებში 12-ე, 13-ე საუკუნეებამდე არ გვხვდება. დადასტურებულად აქედან მხოლოდ ორი შემთხვევაა, დანარჩენი კი ვარაუდები. ამ შემთხვევაში დანამდვილებით შეგვიძლია ვთქვათ, რომ ფრესკა ბიზანტიელი ხატმწერის კირ მანუელ ევგენიკოსის მიერ 1384-96 წლებში არის შესრულებული. ასევე, წმინდა დედები, სადაც მე მინახავს, არსად არ არის გამოსახული წიგნით ხელში, წმინდა ნინო კი წიგნითაა, რაც ნიშნავს, რომ ის ქართველთა განმანათლებელია და რაც ასევე მნიშვნელოვანია, ეს არ არის ვარაუდი, რასაც ნათლად ადასტურებს ასომთავრულით შემორჩენილი წარწერა „წმინდა ნინო“, - უთხრა ჟურნალისტებს ბუჩუკურმა.



მაცხოვრის ფერიცვალების ტაძარში კედლის მხატვრობის რესტავრაცია კულტურული მემკვიდრეობის ეროვნული სააგენტოს ინიციატივით მიმდინარეობს. მასში სასულიერო აკადემიის პროფესორები და სტუდენტები მონაწილეობენ. პირველი ეტაპი რამდენიმე დღის წინ დასრულდა.





ექვთიმე თაყაიშვილის კვლევის მიხედვით, წალენჯიხის ეკლესია აგებულია X-XI საუკუნეებში, ხოლო ეკლესიისთვის გარშემორტყმული შტოები შემოუვლია ვამეყ I დადიანს (1384-1396). მარი ბროსეს მიხედვით კი, მთელი ეკლესია ვამეყ I დადიანის მიერაა აშენებული.




ეკლესიაში შემორჩენილი ქართული და ბერძნული წარწერებიდან ირკვევა, რომ ვამეყ I დადიანის ბრძანებით ტაძარი მოუხატავთ კონსტანტინეპოლიდან მოსულ მანუელ ევგენიკოსს.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 11 °C
img
ფოთი 12 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.