ახალი ამბები
ზუგდიდში მოქალაქეები იმ მიუსაფარ ძაღლებს ეძებენ, რომლებსაც უვლიდნენ
ზუგდიდელი ცხოველების მოყვარულები მუნიციპალიტეტის მერიის დასუფთავების სამსახურს უპატრონო ძაღლების უკანონო დაძინებასა და მათთვის გაურკვეველ ადგილზე გადაყვანაში ადანაშაულებენ. ზუგდიდში, სვანური კოშკის მიმდებარე ტერიტორიაზე არსებული ბაზრის მოვაჭრეები, რამდენიმე დღეა, 15-მდე მიუსაფარ ცხოველს ეძებენ.

რადიო „ათინათს“ ერთ-ერთმა მოქალაქემ, რომელმაც ვინაობის გამხელა არ ისურვა, უთხრა, რომ მდინარე ჩხოუშის მარჯვენა სანაპიროს მიმდებარე ტერიტორიიდან რამდენიმე დღის განმავლობაში დასუფთავების სამსახურის თანამშრომლებმა, რომლებიც ამავე სამსახურის მანქანით გადაადგილდებობდნენ და ფორმებიც ეცვათ, ძაღლები დააძინეს და გაურკვეველი მიმართულებით წაიყვანეს.

„ხუთშაბათს დილით რომ მოვედი, 6 ძაღლი იყო დაკარგული. გუშინ საღამოს რომ წავედი,
სხვა ძაღლები აქ დავტოვე და დილით დაცვამ მითხრა, ის სამი ძაღლიც გაიყვანა დასუფთავებამო. პურს უგდებდნენ რაღაცაში, რომელსაც ეს ძაღლები ჭამდნენ და მაშინვე იძინებდნენო. ასე უპასუხნიათ, თბილისში მიგვყავსო. წლებია, ერთ ძაღლს განსაკუთრებით ვუვლიდი, კოჭლი იყო და ცალი თვალი არ ჰქონდა, ძალიან დამწყდა გული“, - თქვა მან.

ცხოველების მოყვარულები კი, რომლებიც ამ ტერიტორიაზე მიუსაფარ ძაღლებს უვლიდნენ, ითხოვენ, რომ ცხოველები იმავე ადგილზე დააბრუნონ, საიდანაც აიყვანეს.

„როგორც ინფორმაცია მომაწოდეს, ღამის 3-4 საათზე ძაღლები ჩხოუშის მიმდებარე ტერიტორიიდან გაიყვანეს და ეს გააკეთეს, როგორც დაცვის თანამშრომელი აღნიშნავს, დასუფთავების სამსახურის თანამშრომლებმა. ამ საკითხის გასარკვევად მივედით დასუფთავების სამსახურში. უფროსი შვებულებაში ყოფილა გასული. მისმა თანამშრომლებმა გვითხრეს, რომ მათ გაუყვანიათ, თუმცა დაცვის თანამშრომელი დაზუსტებით მიუთითებს, რომ ისინი იყვნენ. ვითხოვ, რომ ეს ცხოველები დაუბრუნდნენ ამ ტერიტორიაზე. ვიცი, ორგანიზაცია „მერკურიც“ აპირებს ამ საქმეზე მერიას განცხადებით მიმართავს“, -თქვა მოქალაქე ნონა ნაჭყებიამ.

მისივე ინფორმაციით, ღამის საათებში მიუსაფარი ძაღლების ამ ფორმით გაყვანა ნახა კიდევ ერთმა ადამიანმა.

„იმ კაცმა მითხრა, რომ დასუფთავების მანქანასთან ერთად იყო „ჟიგულის“ მარკის წითელი ავტომობილი, რომელსაც მისაბმელი ჰქონდა“, - ამბობს ნაჭყებია.

თავის მხრივ, მოქალაქეების ბრალდებებს უარყოფენ დასუფთავების სამსახურში. მერიის აიიპ-ში ამბობენ, რომ ძაღლების ქალაქიდან გაყვანა ან ცხოველების დაძინება მათი კომპეტენცია არ არის.

რადიო „ათინათი“ ინდივიდუალურ მეწარმეს გიორგი მაღლაფერიძესაც დაუკავშირდა, რომელსაც ძაღლები ქალაქიდან ოზურგეთის თავშესაფარში გადაყავს. ის ამბობს, რომ ზუგდიდიდან 24 მიუსაფარი ძაღლი ბოლოს 27 ივლისს გაიყვანა. ამ ინფორმაციას ადასტურებს მერიის ზედამხედველობის სამსახური. ლაშა ჯაიანმა გვითხრა, რომ ქალაქიდან ოზურგეთის თავშესაფარში ცხოველები 27 ივლისის შემდეგ ნამდვილად არ გაუყვანიათ. რაც შეეხება მოქალაქეების ბრალდებებს, ჯაიანი ამბობს, რომ მსგავსი ფაქტი არ მომხდარა და დასუფთავების სამსახურს ძაღლები არსად მიჰყავს.









Print Email
FaceBook Twitter
დღის სიახლეები
24 / მარტი 2019
სამეგრელოში ხვალიდან გამოიდარებს და მომდევნო ორი დღის განმვალობაში უნალექო ამინდი შენარჩუნდება. ჰაერის მაქსიმალური ტემპერატურა 26 მარტს 11,
24 / მარტი 2019
ზუგდიდის მუნიციპალიტეტის სოფელ რუხში კაკაბაძეების ოჯახი დაკარგულ 83 წლის თალიკო პატარაიას ამ დრომდე ეძებს. ოჯახის წევრების ინფორმაციით, პატარაიას ადგილსამყოფელის
24 / მარტი 2019
მარტვილის კანიონზე სარეაბილიტაციო სამუშაოები მიმდინარეობს. ინფორმაციას დაცული ტერიტორიების სააგენტო ავრცელებს. ამავე ცნობით, ახალი ტურისტული სეზონისთვის მოეწყობა ახალი
საზოგადოება
{{ARTICLEIMAGE}}გადაცემის თემა: მოქალაქეთა ჩართულობა ადგილობრივი პოლიტიკის შემუშავებაში
სოციალურმა კაფემ "MegoBar" ბუბა სორდიას პერფორმანსს - "აკუსტიკური დაპირებები" უმასპინძლა. შეკრებილი საზოგადოებისთვის მომღერალმა თემატურად შერჩეული სიმღერები შეასრულა
29 წლის ილონა შონია წარმოშობით აფხაზეთიდანაა. ქართულ-აფხაზური კონფლიქტის დროს მისი ოჯახი საცხოვრებლად ზუგდიდში გადმოვიდა, სადაც ილონამ ბავშვობა
გამოკითხვა
ემხრობით თუ არა სკეიტ-პარკში, ყინულის სახლის ადგილზე სასტუმროს მშენებლობას?
არქივი
ამინდი
ზუგდიდი 8 °C
img
სოხუმი 3 °C
img
ფოთი 3 °C
img
მესტია -4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.