რეგიონი
კორცხელის საქმეზე მიღებულ გადაწყვეტილებას მოსამართლე 40 წუთი ასაბუთებდა
ზუგდიდის რაიონულ სასამართლოში ე.წ. კორცხელის საქმის განხილვა, რომელიც, თითქმის, ორი წელი მიმდინარეობდა, დასრულდა. მოსამართლემ ბრალდებულებს ხულიგნობის მუხლი ცემის მუხლით გადაუკვალიფიცირა. შოთა ბიჭიამ გადაწყვეტილება 4 საათიანი თათბირის შემდეგ მიიღო. შედეგად,  ხუთივე ბრალდებულს ჯარიმების გადახდა მოუწევს.
განაჩენის გამოცხადებამდე შოთა ბიჭია, დაახლოებით, 40 წუთი განმარტავდა, რატომ მიიღო აღნიშნული გადაწყვეტილება. მან თქვა, რომ საქმისადმი მაღალი საზოგდოებრივი ინტერესიდან გამომდინარე რამდენიმე მნიშვნელოვან გარემოებაზე გაამახვილებდა ყურადღებას.

"სასამართლო ვალდებულია, წარდგენილი კვალიფიკაციის ფარგლებში განიხილოს საქმე და არ გახდეს დევნის ორგანო. ხელმძღვანელობს დადგენილებით, რომ კონკრეტულად უნდა იყოს ფაქტი და ქმედება, რომლებზეც საუბრობს პროკურატურა, რადგან ძიების უფლებამოსილება სასამართლოს არ გააჩნია. აქ იყო საუბარი უფრო მძიმე ბრალდებებზე, სხვა პირებზეც, იყო პოლიტიკური განცხადებებიც, თუმცა ბრალდება განიხილება მხოლოდ მათ მიმართ, ვისაც აქვთ წარდგენილი ბრალი. სასამართლო სხვა პირების მიერ ჩადენილ ქმედებებს ვერ შეაფასებს, ისევე, როგორც ვერ დააყენებს ვინმეს პოლიტიკური პასუხისმგებლობის საკითხს", - აღნიშნა ბიჭიამ.

რაც შეეხება კონკრეტულად ბრალდებას, ბიჭიამ განმარტა, რომ ხულიგნობა, რომელიც თავის თავში სამ კომპონენტს - საზოგადოების მიმართ უპატივცემლობას, საზოგადოებრივი წესრიგის დარღვევასა და ძალადობას გულისხმობს, არ იყო საკმარისად დასაბუთებული.

"პირველი ორი კომპონტეტის შემთხვევაში არ იყო კონკრეტული ფაქტები მოყვანილი, ბრალდების მხარემ ვერ წარმოადგინა საკმარისი მტკიცებულებები. არსებული მტკიცებულებებით კი დგინდება, რომ ბრალდებულები არ იგინებოდნენ უმისამართოდ, ყოველ ძალადობის ეპიზოდს ჰქონდა მიზეზი, მაგალითად, აღელვება და სიტყვიერი შეურაცხყოფის გამო შურისძიება. წარმოდგენილი მტკიცებულებებით დასტურდება მხოლოდ ძალადობა და არა ხულიგნობა. ნიკანორ მელიასთან დაპირისპირების დაწყებამდე არ ყოფილა არავითარი სიტყვიერი შეურაცხყოფაც", - დასძინა მოსამართლემ.

აღნიშნულის შემდეგ კი მან განაჩენი გამოაცხადა და თქვა, რომ ბრალდებულებს აღკვეთის სახით დაკისრებული გირაოც უნდა დაუბრუნდეთ.

გადაწყვეტილებით კმაყოფილი დარჩა დაცვის მხარე, რადგან ადვოკატის ზურაბ ბელთაძის თქმით, სპორტსმენებს ხულოგნობა არ ჩაუდენიათ.

რაც შეეხება პროკურორს, მან თქვა, რომ დასაბუთებულ გადაწყვეტილებას დაელოდება და შემდეგ გადაწყვეტს, გაასაჩივროს თუ არა.

საბოლოოდ, მოსაამართლემ გიორგი გოგიძეს 3000 ლარის გადახდა დააკისრა, გიორგი გიგაურს - 4000, ნოშრევან წურწუმიას - 5000, კობა ტყეშელაშვილს - 6000 ლარის.

ვლადიმერ გეგეშიძეს კი, რომელსაც ბრალად რამდენიმე პირის მიმართ ძალადობის განხორციელება ედება, ჯარიმის სახით 7000 ლარის გადახდა მოუწევს.

2016 წლის 22 მაისს გამართულ შუალედურ არჩევნებში კორცხელის საარჩევნო უბანთან სპორტსმენები და "ერთიანი ნაციონალური მოძრაობის" ლიდერები ერთმანეთს დაუპირისპირდნენ. რამდენიმე მათგანმა დაზიანებები მიიღო, რომელთა ნაწილიც ზუგდიდის რეფერალურ საავადმყოფოში გადაიყვანეს. აღნიშნულ საქმეზე გამოძიება სსკ-ის 239-ე მუხლის მეორე ნაწილის ,,ა"" ქვეპუნქტით და 239-ე მუხლის მესამე ნაწილით მიმდინარებდა.

ამავე თემაზე:

ზუგდიდის სასამართლომ კორცხელის ინციდენტში ბრალდებულები დამნაშავედ ცნო

Print Email
FaceBook Twitter
დღის სიახლეები
19 / მაისი 2019
#9 საარჩევნო უბანზე ერთ-ერთმა დამკვირვებელმა უბნის დახურვის შემდეგ თავი შეუძლოდ იგრძნო.
19 / მაისი 2019
გაერთიანებული ოპოზიციის ერთ-ერთ ლიდერი თინა ბოკუჩავა #9 უბნიდან სამართლადმცავებმა ძალის გამოყენებით გაიყვანეს.
19 / მაისი 2019
ონლაინ გამოცემა Presa.ge-ის დამფუძნებელი და რედაქტორი გიორგი კაპანაძე გაათავისუფლეს. მან ფოთის პოლიციის შენობა ცოტა ხნის წინ დატოვა.
საზოგადოება
ხურჩა-ნაბაკევის ე.წ. საზღვარზე გიგა ოთხოზორიას მკვლელობიდან დღეს, 19 მაისს, სამი წელი გავიდა.
ტერაბანკმა კონკრეტულ სეგმენტზე მორგებული კიდევ ერთი ახალი პროდუქტი შექმნა. ამჯერად ბანკი მარტივად სესხით სარგებლობის შესაძლებლობას იმ მომხმარებლებს აძლევს, რომლებიც კერძო რეპეტიტორულ საქმიანობას ეწევიან.
საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ზუგდიდში ზვიად გამსახურდიას სახელობის ახალგაზრდული ცენტრისა და საპრეზიდენტო ბიბლიოთეკის
გამოკითხვა
ზუგდიდის მერობის რომელ კანდიდატს მისცემთ ხმას?
არქივი
ამინდი
ზუგდიდი 20 °C
img
სოხუმი 21 °C
img
ფოთი 20 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.