აფხაზეთის დე ფაქტო რესპუბლიკის პრემიერ-მინისტრი გენადი გაგულია 8 სექტემბერს, ფსოუ-სოხუმის გზის მონაკვეთზე მომხდარი ავტოსაგზაო შემთხვევის დროს დაიღუპა. "აპსნიპრესის" ინფორმაციით, შემთხვევა მაშინ მოხდა, როდესაც აფხაზეთის ე.წ. სამთავრობო დელეგაცია სირიის არაბული რესპუბლიკიდან დაბრუნდა. გაგულიას ავტომობილი, ამავე ცნობით, სამთავრობო კორტეჟის თანხლებით გადაადგილდებოდა.