რეგიონი
"ივანიშვილისა და ბახტაძის პატარა სცენარი ზუგდიდში" - ოპოზიციის შეფასება მერის გადადგომაზე (ვიდეო)
ზუგდიდის მუნიციპალიტეტის საკრებულომ დღევანდელ სხდომაზე ზუგდიდის მერის ლაშა გოგიას გადადგომის შესახებ განცხადება ცნობად მიიღო. შესაბამისად, გოგიას მერის უფლებამოსილება შეუწყდა. მერთან დაკავშირებულმა საკითხმა ზუგდიდის საკრებულოში ხმაური და დაპირისპირება გამოიწვია. ერთმანეთს „ქართული ოცნებისა“ და ოპოზიციური ფრაქციების დეპუტატები დაუპირისპირდნენ. ხმაური ანა წითლიძის განცხადებამ გამოწივია. მან საკრებულოს თავმჯდომარეს მიმართა და უთხრა, რომ პოლიტიკური პასუხისმგებლობა უნდა აიღოს, რადგან მერის მიერ შემოთავაზებული საკითხები სხდომაზე სწორედ მას გაჰქონდა.

„იმ კორუფციული სკანდალში, რომელშიც გარეული არიან ყოფილი მაღალჩინოსნები, მონაწილე არის მამუკა წოწერიაც. მას აკისრია პოლიტიკური პასუხიმგებლობა და უნდა გადადგეს, რადგან მერის ყველა გადაწყვეტილება მას გამოჰქონდა საკრებულოზე და იცავდა უპირობოდ“, - თქვა წითლიძემ.

მის მსგავსად მმართველი გუნდის წევრების პასუხისმგებლობის საკითხზე საუბრობს ფრაქცია „ევროპული საქართველოს“ თავმჯდომარე ბათლომე შელიაც. მისი თქმით, პასუხისმგებლობის აღების ნაცვლად „ქართულ ოცნებაში“ გადაჯგუფება მოხოდა.

„ყოველივე იმის შემდეგ, რაც წინა კვირას ვიხილეთ, ნაცვლად იმისა, რომ პასუხისმგებლობა აეღოთ, მივიღეთ გადაჯგუფება. გვაქვს ბიძინა ივანიშვილისა და ბახტაძის პატარა სცენარი ზუგდიდში. ეს არის უპასუხისმგებლო დამოკიდებულება და საზოგადოების დაცინვა „ქართული ოცნების“ მხრიდან“, - თქვა შელიამ სხდომაზე.

მან ასევე დაუსვა კითხვა საკრებულოს წევრებს, რატომ არ დაუჭირეს პირველად მხარი გულუას პარკთან დაკავშირებულ საკითხს და რატომ შეცვალეს გადაწყვეტილება მეორე სხდომისთვის. მას „ქართული ოცნების“ ერთ-ერთმა დეპუტატმა ირაკლი ლაგვილავამ უპასუხა, რომ საკითხი პოლიტიკურ ჭრილში გადაჰქონდა.

რაც შეეხება მამუკა წოწერიას, მან განმარტა, რომ აღნიშნული საკითხების მიღების დროს ის არ თავმჯდომარეობდა სხდომებს და მის მოვალეობას მოადგილე ასრულებდა. რაც შეეხება პოლიტიკურ პასუხისმგებლობას, წოწერია ამბობს, რომ გადაწყვეტილებას გამოძიების დასრულების შემდეგ მიიღებენ.

„ემოციური განცხადებებისგან, ჯერჯერობით, თავს ვიკავებთ. არ უნდა გამოვიდეთ სამართლებრივი ჩარჩოებიდან და არ დავარღვიოთ უდანაშაულობის პრეზუმცია. მერმა აიღო პოლიტიკური პასუხიმგებლობა. ველოდებით გამოძიების შედეგებს. გამოძიების დასრულების შემდეგ ყველა მივიღებთ ჩვენს პოლიტიკურ გადაწყვეტილებას. კორუფციული სქემები კი ჯერ კიდევ დასადგენია“, - აღნიშნა წოწერიამ.

ზუგდიდის მერმა ლაშა გოგიამ გადადგომის შესახებ განცხადება ოფიციალურად გუშინ დაწერა.

ამავე თემაზე:

ზუგდიდის მერს უფლებამოსილება შეუწყდა







Print Email
FaceBook Twitter
დღის სიახლეები
20 / აგვისტო 2019
„ანაკლიის განვითარების კონსორციუმის“ დამფუძნებელი მამუკა ხაზარაძე ამბობს, რომ მას და ბადრი ჯაფარიძეს პროკურატურის მოთხოვნითა და სასამართლოს განჩინებით
20 / აგვისტო 2019
ზუგდიდის მუნიციპალიტეტის სოფელ განმუხურში ბიძინა ივანიშვილმა 2016 წელს დაანონსებული სასტუმროს მშენებლობა დაიწყო.
20 / აგვისტო 2019
უშგულში ადგილობრივებმა საპროტესტო აქცია დროებით შეწყვიტეს.
საზოგადოება
{{ARTICLEIMAGE}}ანაკლიასა და განმუხურში მუსიკალურ ფესტივალ ECHOWAVES 2019-ის მოსამზადებელი სამუშაოები მიმდინარეობს.
რუსეთ-საქართველოს 2008 წლის ომიდან 11 წელი გავიდა. აგვისტოს ხუთ დღიან ომს 400-ზე მეტი ადამიანის სიცოცხლე ემსხვერპლა, მათ შორის იყო 170 სამხედრო პირი, შს სამინისტროს 19 თანამშრომელი და 244 სამოქალაქო პირი.
ივლისში საქართველოს 1,099,474 საერთაშორისო ვიზიტორი ესტუმრა, რაც გასული წლის მაჩვენებელს 5.8%-ით აღემატება. ამის შესახებ ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა ტურიზმის მე-2 კვარტლის სტატისტიკის შეჯამების და ივლისის მონაცემებზე საუბრისას განაცხადა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 22 °C
img
სოხუმი 24 °C
img
ფოთი 24 °C
img
მესტია 17 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.