ახალი ამბები
მირანდა მესხი ენმ-ის ბრალდებებზე: ეს არის მიზანმიმართული დისკრედიტაცია (ვიდეო)
ზუგდიდის 67-ე საოლქო საარჩევნო კომისიის თავმჯდომარე მირანდა მესხი „ერთიანი ნაციონალური მოძრაობის“ ბრალდებებს არჩევნების გასაყალბებლად მზადებასთან დაკავშირებით უარყოფს და მათ მიზანმიმართულ დისკრედიტაციას უწოდებს. ამასთან, მესხი ამბობს, რომ მის მიმართ ზეწოლები არ ხორციელდება.

„ჩემზე არავითარი ზეწოლა არ არის, თვითონ ახდენენ ზეწოლას საკუთარ წევრებზე, რომ წერონ საჩივრები. ამიტომაც არის უშინაარსო, ზოგჯერ წინასწარ დაწერილი საჩივრები. ეს არის საარჩევნო ადმინისტრაციის მიზანმიმართული დისკრედიტაცია. ჩვენ მზად ვართ თითოეული ამომრჩევლისთვის შევქმნათ უსაფრთხო და კომფორტული გარემო“, - უთხრა ჟურნალისტებს მესხმა.

რაც შეეხება საჩივრების რაოდენობასა და საუბნო საარჩევნო კომისიებში მდივნებისა და თავმჯდომარეების დანიშვნას, მესხის ინფორმაციით, სულ ამ დრომდე 30 საჩივარია რეგისტრირებული. მისი თქმით, ყველა საარჩევნო უბანი კი უფლებამოსილების შესრულებას შეუდგა.

„ყველა უბანი გახსნილია და საუბნო კომისიები უფლებამოსილია. ერთი უბანია მხოლოდ, რომელშიც მდივანი არ არის არჩეული და თავმჯდომარე ასრულებს მის მოვალეობას, თუმცა დამატებითი სხდომა დაინიშნება. მათი საჩივრები არის უსაფუძვლო და გადაცდომად თვლიან დაგვიანებასაც, რაც არ არის დარღვევა“, - თქვა მესხმა.

„ერთიანი ნაციონალური მოძრაობა“ კი ზუგდიდის საოლქო საარჩევნო კომისიის თავმჯდომარის მირანდა მესხის გადადგომას მოითხოვს. პარტიის სამეგრელო-ზემო სვანეთის ორგანიზაციის თავმჯდომარის მურთაზ ზოდელავას თქმით, ამ დროის განმავლობაში ოლქსა და უბნებზე 140-ზე მეტი საჩივარი დაიწერა და საარჩევნო პროცესები არაორგანიზებულად მიმდინარეობს.


ამავე თემაზე:

ენმ ზუგდიდში საოლქო კომისიის თავმჯდომარის გადადგომას ითხოვს 
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 11 °C
img
ფოთი 16 °C
img
მესტია -1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.