მამაკაცის ჯანმრთელობის მდგომარეობა, რომელსაც ცაცხვში მატარებელი დაეჯახა, მძიმეა. ამის შესახებ რადიო "ათინათს" ზუგდიდის რეფერალური საავამდყოფოს სამედიცინო მენეჯერმა სულხან ორჟონიამ უთხრა. ამავე ინფორმაციით, პაციენტი მართვით სუნთქვაზეა.

“პაციენტს აღენიშნება ქალა-ტვინის ღია ტრავმა, თავის ტვინის დაჟეჟილობა, ტრავმული სუბარაქნოიდული და სუბდურული ჰემატომა, გულმკერდის დახურული ტრავმა, ნეკნების მრავლობითი მოტეხილობა. ჩაუტარდა დეკომპრესიული ტრეპანაცია,ჰემატომის ევაკუაცია, პლევრის ღრუს დრენირება”,- განმარტა ორჟონიამ.

ზუგდიდი-თბილისის მატარებელი მამაკაცს სოფელ ცაცხვში დღეს დაეჯახა. მომხდარზე გამოძიება მიმდინარეობს.

ამავე თემაზე:

სოფელ ცაცხვში 55 წლამდე მამაკაცს მატარებელი დაეჯახა