ახალი ამბები
TI: ზუგდიდს მუნიციპალური იურიდიული პირების შენახვა წელიწადში 14 მილიონ ლარამდე უჯდება
„საერთაშორისო გამჭვირვალობა - საქართველო“ ზუგდიდის მუნიციპალიტეტში არსებულ 9 ა(ა)იპ-სა და 2 შპს-ში დასაქმებულთა სტატისტიკას და წლიური ხარჯების მიმოხილვა გამოაქვეყნა, რომელიც მიმდინარე წლის მონაცემებს მოიცავს. ინფორმაციაში აღნიშნულია, რომ ა(ა)იპ-ებსა (2 052 თანამშრომელი) და შპს-ებში (46 თანამშრომელი) ყოველთვიური ჯამური შრომის ანაზღაურება 1 140 338 ლარია, რაც წელიწადში დაახლოებით 13 684 000 ლარს შეადგენს.

ამავე მონაცემების მიხედვით, ზუგდიდის მერიისა და საკრებულოს და
ა(ა)იპ-ებისა და შპს-ების თანამშრომელთა შრომის ანაზღაურების ჯამური მოცულობა მიმდინარე წელს 19 მილიონ ლარზე მეტია, რაც ზუგდიდის მუნიციპალიტეტის 2018 წლის ბიუჯეტის (42,082.6 00 ლარი) თითქმის ნახევარს აღწევს (45%).

ა(ა)იპ-ებს შორის ყველაზე მეტი თანამშრომელი (679) ჰყავს „სკოლამდელ სააღმზრდელო დაწესებულებათა ცენტრს”, საიდანაც 47(მათ შორის დირექტორის 3 მოადგილე), უშუალოდ ცენტრის ადმინისტრაციაშია დასაქმებული.

„ზუგდიდდასუფთავების ცენტრში” მომუშავე 459 თანამშრომლიდან 91 მმართველობით რგოლშია, მათ შორის, 28 ბრიგადირი და 30 კონტროლიორი, 368 თანამშრომელი კი (მძღოლები, მუშები, მეველეები და ა.შ.) შრომითი ხელშეკრულებითაა აყვანილი.

„კეთილმოწყობის მართვის ცენტრის” (298 თანამშრომელი) საშტატო ნუსხა ორ ძირითად კატეგორიად იყოფა: ადმინისტრაციული პერსონალი - 60 თანამშრომელი და ტექნიკური პერსონალი - 238 თანამშრომელი.

136 ადამიანია დასაქმებული „სპორტულ დაწესებულებათა მართვის ცენტრში”, რომლის ოთხი განყოფილება და ადმინისტრაცია (ჯამში 30 თანამშრომლით) ა(ა)იპ-ის მმართველ რგოლს წარმოადგენს, დანარჩენი 6 განყოფილება კი სხვადასხვა სპორტული მიმართულებებია, მათ შორის,  „ყინულის სასახლესთან არსებული ფიგურული სრიალისა და ჰოკეის განყოფილება”.  ამ განყოფილებაში 11 საშტატო ერთეულია.

"აღსანიშნავია, რომ „ყინულის სახლის” მშენებლობა ჯერაც არ დასრულებულა, შესაბამისად ფიგურული სრიალისა და ჰოკეის წრეები ამ დრომდე არ ფუნქციონირებს. 209 თანამშრომელი ჰყავს “ხელოვნებისა და კულტურის განვითარების ცენტრს”, სადაც ყველაზე მეტი - 33 პირია დასაქმებული ინფრასტრუქტურისა და მატერიალურ-ტექნიკური უზრუნველყოფის განყოფილებაში. 149 ადამიანი მუშაობს „მოსწავლე ახალგაზრდობის განვითარების სასახლეში”, მათ შორის 21 შტატგარეშე თანამშრომელია, 16კი მმართველობით რგოლშია დასაქმებული", - ნათქვამია კვლევაში.

ამავე ინფორმაციაში აღნიშნულია, რომ ასევე ა(ა)იპ-ის ხელმძღვანელი საკადრო გადაწყვეტილებებს პრაქტიკულად ერთპიროვნულად იღებს, რაც არ იძლევა შესაძლებლობას ვაკანტურ პოზიციაზე თავისუფალი კონკურენციის პირობებში შერჩეულ იქნას უფრო მაღალი კვალიფიკაციის სპეციალისტი. ამასთან, ეჭვქვეშ დგას საკითხი, თუ რამდენად შეესაბამება კონკურსის გარეშე, ერთპიროვნული გადაწყვეტილებით დასაქმებულთა კვალიფიკაცია მათ მიერ დაკავებულ პოზიციებს.

ორგანიზაციაში ამბობენ, რომ 14 მილიონი ლარის ხარჯვა მუნიციპალური იურიდიული პირების შენახვაზე გაუმართლებელია იმ პირობებში, როდესაც საზოგადოებრივი ტრანსპორტის, სოციალური და სხვა ელემენტარული პრობლემები ვერ გვარდება.

“საერთაშორისო გამჭვირვალობა-საქართველო” ზუგდიდის მუნიციპალიტეტს მოუწოდებს:

2019 წლის ბიუჯეტის პროექტის მუშაობის პარალელურად შეისწავლოს საქმიანობის ის მიმართულებები, რომელთა ჯეროვნად შესრულებას მერიის სამსახურები ვერ შეძლებენ და ამისთვის ცალკე შპს-ს ან ა(ა)იპ-ის შექმნაა საჭირო;

ზუგდიდის მერიამ იმ სფეროების იდენტიფიცირება უნდა მოხდინოსს, სადაც ა(ა)იპ-ის, შპს-ის და მერიის სამსახურების საქმიანობებს შორის უფლებამოსილებები დუბლირებულია;

ზემოაღნიშნული ეტაპების გავლის შემდგომ, მნიშვნელოვანია, რომ აუცილებელ მინიმუმამდე შემცირდეს როგორც იურიდული პირების, ასევე დასაქმებულთა რაოდენობაც;

მნიშვნელოვანია, რომ დამკვიდრდეს მუნიციპალურ ა(ა)იპ-ებში თანამშრომელთა აყვანის გამჭვირვალე პრაქტიკა, კადრების შერჩევა მხოლოდ საჯარო კონკურსების მეშვეობით უნდა იყოს შესაძლებელი, ასევე გამოირიცხოს ნეპოტიზმის შემთხვევებიც.

ამასთან, არასამთავრობო ორგანიზაციაში აცხადებენ, რომ მერიამ მაქსიმალურად უზრუნველყოს გარკვეული მუნიციპალური სფეროების მოსაწესრიგებლად და მოსახლეობისთვის სერვისის მისაწოდებლად კერძო კომპანიების დაინტერესება, რასაც დასჭირდება გარკვეული მუნიციპალური ქონების საჯარო ელექტრონულ აუქციონზე გატანა და კონკრეტული მომსახურების შესაძენად ელექტრონული ტენდერის გამოცხადება.
Print Email
FaceBook Twitter Google
ამავე კატეგორიაში
{{ARTICLEIMAGE}}ზუგდიდის მუნიციპალიტეტის სოფელ რუხში, დიდი ბრიტანეთის და ჩრდილოეთ ირლანდიის გაერთიანებული სამეფოს მთავრობის ფინანსური მხარდაჭერით, ინგლისური ენის,პირველი, კლუბი
16:36 / 15.12.2018
{{ARTICLEIMAGE}}ზუგდიდის მუნიციპალიტეტის სოფელ რუხში, დიდი ბრიტანეთის და ჩრდილოეთ ირლანდიის გაერთიანებული სამეფოს მთავრობის ფინანსური მხარდაჭერით, ინგლისური ენის,პირველი, კლუბი
ზუგდიდში ნიკოსეული სასახლის რეკონსტრუქცია დასრულდა და მისი ოფიციალურად გახსნა 2019 წლის იანვარში იგეგმება. ამის შესხებ რადიო „ათინათს“კულტურული მემკვიდრეობის
15:52 / 15.12.2018
ზუგდიდში ნიკოსეული სასახლის რეკონსტრუქცია დასრულდა და მისი ოფიციალურად გახსნა 2019 წლის იანვარში იგეგმება. ამის შესხებ რადიო „ათინათს“კულტურული მემკვიდრეობის
{{ARTICLEIMAGE}}ზუგდიდისა და მიმდებარე რაიონების მე-12 კლასელებისათვის  სან დიეგოს სახელმწიფო უნივერსიტეტის სტემ აკადემია ჩატარდა. შეხვედრა, რომელიც ზუგდიდის ტექნოპარკში გაიმართა, უნივერსიტეტში
13:08 / 15.12.2018
{{ARTICLEIMAGE}}ზუგდიდისა და მიმდებარე რაიონების მე-12 კლასელებისათვის  სან დიეგოს სახელმწიფო უნივერსიტეტის სტემ აკადემია ჩატარდა. შეხვედრა, რომელიც ზუგდიდის ტექნოპარკში გაიმართა, უნივერსიტეტში
ზუგდიდის მე-6 საჯარო სკოლის დირექტორს ია კერზაიას, რომელიც პოლიტიკურ ზეწოლაზე საუბრობდა,  დღეს დაკრძალავენ. კერზაია ქუთაისის ინტერვენციული მედიცინის კლინიკაში
11:36 / 15.12.2018
ზუგდიდის მე-6 საჯარო სკოლის დირექტორს ია კერზაიას, რომელიც პოლიტიკურ ზეწოლაზე საუბრობდა,  დღეს დაკრძალავენ. კერზაია ქუთაისის ინტერვენციული მედიცინის კლინიკაში
ზუგდიდის ყოფილი მერი ლაშა გოგია და გია გულორდავა თბილისის საქალაქო სასამართლომ წინასწარ პატიმრობაში დატოვა. გოგიას ინტერესების დამცველმა ზურაბ ბელთაძემ რადიო
20:17 / 14.12.2018
ზუგდიდის ყოფილი მერი ლაშა გოგია და გია გულორდავა თბილისის საქალაქო სასამართლომ წინასწარ პატიმრობაში დატოვა. გოგიას ინტერესების დამცველმა ზურაბ ბელთაძემ რადიო "ათინათს" უთხრა,
გაერთიანებული ოპოზიცია „ძალა ერთობაშია“ სალომე ზურაბიშვილის ინაუგურაციის დღს აქცია პერფორმანსს ზუგდიდში, სამხარეო ადმინისტრაციის
16:43 / 14.12.2018
გაერთიანებული ოპოზიცია „ძალა ერთობაშია“ სალომე ზურაბიშვილის ინაუგურაციის დღს აქცია პერფორმანსს ზუგდიდში, სამხარეო ადმინისტრაციის
საქართველოს პირველი პრეზიდენტის შვილები კონსტანტინე და ცოტნე გამსახურდიები მამის მკვლელობის გამოძიების მოთხოვნით პროკურატურის წინ შიმშილობას იწყებენ.
15:42 / 14.12.2018
საქართველოს პირველი პრეზიდენტის შვილები კონსტანტინე და ცოტნე გამსახურდიები მამის მკვლელობის გამოძიების მოთხოვნით პროკურატურის წინ შიმშილობას იწყებენ.
მოძრაობის
14:28 / 14.12.2018
მოძრაობის "სამეგრელოს ხმა" ხელმძღვანელი და ყოფილი დეპუტატი თენგიზ ჯგუშია ზუგდიდის მეექვსე საჯარო სკოლის დირექტორის ია კერზაიას გარდაცვალების ფაქტს ეხმაურება.
{{ARTICLEIMAGE}}ზუგდიდში,  სმენადაქვეითებული და უსინათლო პირების მხარდამჭერი კლუბის პრეზენტაცია გაიმართა. როგორც შეხვედრაზე აღნიშნეს, აქ ერთდროულად
13:19 / 14.12.2018
{{ARTICLEIMAGE}}ზუგდიდში,  სმენადაქვეითებული და უსინათლო პირების მხარდამჭერი კლუბის პრეზენტაცია გაიმართა. როგორც შეხვედრაზე აღნიშნეს, აქ ერთდროულად
ზუგდიდში, რუსთაველის ქუჩაზე ორი მსუბუქი ავტომობილი ერთმანეთს შეეჯახა. შედეგად ერთი ადამიანი მსუბუქად დაშავდა. რადიო
21:44 / 13.12.2018
ზუგდიდში, რუსთაველის ქუჩაზე ორი მსუბუქი ავტომობილი ერთმანეთს შეეჯახა. შედეგად ერთი ადამიანი მსუბუქად დაშავდა. რადიო "ათინათს" შინაგან საქმეთა სამინისტროში უთხრეს,
არჩევნები
კავკასიის მუსლიმთა სასულიერო სამმართველოს თავმჯდომარემ სალომე ზურაბიშვილს საქართველოს პრეზიდენტად არჩევა მიულოცა ®️
01 / დეკემბერი 2018
კავკასიის მუსლიმთა სასულიერო სამმართველოს თავმჯდომარემ, შეიხ-ულ-ისლამ ალაჰ შუქურ ფაშა-ზადემ,
სალომე ზურაბიშვილის ინიციატივით საქართველოს უნიკალური საგანძური დაუბრუნდა®️
01 / დეკემბერი 2018
საქართველოს არჩეული პრეზიდენტის სალომე ზურაბიშვილის ინიციატივით საქართველოს უნიკალური საგანძური დაუბრუნდა.
მოქალაქეების აზრი
როგორ აფასებენ ზუგდიდელები მეორე ტურის წინ მთავრობის მიერ გაცემულ დაპირებებს? (ვიდეო)
07 / ნოემბერი 2018
მთავრობამ ახალ პროგრამებზე მუშაობა დაიწყო, რომელიც მრავალშვილიან ოჯახებზე სოციალური დახმარებების გაზრდას და სოციალურად
ხვალ რომ საპრეზიდენტო არჩევნები იყოს, ვის მისცემდით ხმას - გამოკითხვა ზუგდიდში (ვიდეო)
04 / ოქტომბერი 2018
საქართველოში საპრეზიდენტო არჩევნების გამართვამდე ერთ თვეზე ნაკლები დარჩა. რადიო "ათინათი" დაინტერესდა, აქვთ
დღის სიახლეები
15 / დეკემბერი 2018
{{ARTICLEIMAGE}}ზუგდიდის მუნიციპალიტეტის სოფელ რუხში, დიდი ბრიტანეთის და ჩრდილოეთ ირლანდიის გაერთიანებული სამეფოს მთავრობის ფინანსური მხარდაჭერით, ინგლისური ენის,პირველი, კლუბი
15 / დეკემბერი 2018
ზუგდიდში ნიკოსეული სასახლის რეკონსტრუქცია დასრულდა და მისი ოფიციალურად გახსნა 2019 წლის იანვარში იგეგმება. ამის შესხებ რადიო „ათინათს“კულტურული მემკვიდრეობის
15 / დეკემბერი 2018
{{ARTICLEIMAGE}}ზუგდიდისა და მიმდებარე რაიონების მე-12 კლასელებისათვის  სან დიეგოს სახელმწიფო უნივერსიტეტის სტემ აკადემია ჩატარდა. შეხვედრა, რომელიც ზუგდიდის ტექნოპარკში გაიმართა, უნივერსიტეტში
კოლხური ეთნოგრაფიული ვარიაციები
ევროპერსპექტივა
არქივი
«« დეკემბერი 2018 »»
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
გამოკითხვა
როგორ შეაფასებთ ჩატარებულ არჩევნებს?
ჩვენი კუთხის ისტორია
შენი გვარის ისტორია
ვეფხისტყაოსანი მეგრულად
დილის ჩართვა
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.