ახალი ამბები
„ქალები რეგიონების განვითარებისათვის“ ზღვისპირეთის ენდემური სახეობის მცენარეების გადარჩენას ითხოვენ
სამეგრელო–ზემო სვანეთის სამხარეო ადმინისტრაციის სააქტო დარბაზში პროექტის „გადავარჩინოთ ზღვის შროშანი, ყვითელი ყაყაჩურა, ჰართვისის მუხა“ შედეგების პრეზენტაცია გაიმართა. პროექტს ასოციაცია „ქალები რეგიონების განვითარებისათვის“ ახორციელებდა, რომელიც გაეროს განვითარების პროგრამის (UNDP) მიერ, გლობალური გარემოსდაცვითი ფონდის (GEF) დაფინანსებით განხორციელდა. მისი მიზანია ანაკლია-მდინარე ჭურიის ზოლის ტერიტორიის დაცვისა და აღდგენის ხელშეწყობა, ზღვის შროშანისა და ყვითელი ყაყაჩურას გენოფონდის შენარჩუნება და ჰართვისის (კოლხური) მუხის გაშენება. როგორც ასოციაციის პრეზიდენტმა მაკა ხეცურიანმა აღნიშნა, პროექტის ფარგლებში ანაკლიისა და ყულევის ზღვისპირა ზოლზე ზღვის შროშანის 500 ერთეული, 300-მდე ყვითელი ყაყაჩურას ბოლქვი და სოფელ ჭალადიდში სპეციალურად შერჩეულ ადგილას 700-მდე ძირი ჰართვისის მუხა დარგეს. მისივე თქმით, აღნიშნული ენდემური ჯიშის მცენარეების გადარჩენას დიდი მნიშვნელობა აქვს, რადგან მათ საფრთხე შეიძლება ანაკლიის პორტამდე მისასვლელი გზის მშენებლობამ შეუქმნას. ასოციაციის პრეზიდენტი ამბობს, რომ მათ უკვე მიმართეს საავტომობილო გზების დეპარტამენტს თხოვნით, რომ აღნიშნული გზის საფარის დაგების შემთხვევაში ანაკილია-ჭურიის ის მონაკვეთი გაითვალისწინონ, სადაც ეს ენდემური სახეობები ხარობს.

alt
„პროექტის ფარგლებში მნიშვნელოვანი ღონისძიებები განხორციელდა. გარდა ენდემური ჯიშების გამოყვანის და დარგვისა, შედგა საინფორმაციო შეხვედრები, დასუფთავების კამპანია და ეკოცნობიერების ამაღლების მიზნით ჩატარდა ტრენინგ-სემინარები. მინდა გითხრათ, რომ წითელ წიგნში შეტანილი ყვითელი ყაყაჩურა, ზღვის შროშანი და ჰართვისის მუხა საჭიროებს გადარჩენას, მათ გარკვეული საფრთხე ემუქრება ანაკლიის პორტთან მისასვლელი გზის მშენებლობის გამო. რამდენჯერ მივწერეთ გზების დეპარტამენტს, გაივლის თუ არა ეს გზა აღნიშნულ მონაკვეთს, მაგრამ მათგან ჯერ პასუხი არ მიგვიღია“, - ხეცურიანი.

ენდემური ჯიშების გადარჩენის აუცილებლობაზე საუბრობს კოლხეთის ეროვნული პარკის ბუნებრივი რესურსების მთავარი სპეციალისტი მანანა ჩიქოვანიც.




„თავისებურება ამ მცენარის მდგომარეობს იმაში, რომ ფესვთა სისტემა არც ისე ღრმად აქვთ და გამრავლებისას მის თესლებს აუცილებლად ზღვის შხეფი უნდა მოხვდეს. დამტვრევას კი მხოლოდ ერთი სახეობის პეპელა ახდენს. აქედან გამომდინარე, შეიძლება ათასი თესლიდან ერთიც არ აღმოცენდეს. ბუნებამ უფრო კარგად იცის როდის მოხდება მას ზღვის შხეფი და მისი ხელოვნურ პირობებში გადმოტანა არის ძალიან რთული. თუ აქ იქნება გზა გაყვანილი, ორივე მცენარეს ემუქრება გაქრობა... რიგითი ადამიანებისთვის შეიძლება ეს მცენარეები არ წარმოადგენდეს არაფერს, მაგრამ მეცნიერებისთვის ეს ფასდაუდებელია. ასეთ პატარა ტერიტორიაზე გვხდება უნიკალური მცენარეები. მუხის ძალიან ბევრი სახეობა არსებობს, მაგრამ ჰართვისის მუხა ანუ კოლხური მუხა განსაკუთრებულია იმით, რომ ის ხარობს ჭარბტენიან ადგილას და განსხვავებულია მისი ფოთოლიც და რკოც“,- თქვა ჩიქოვანმა.

პრეზენტაციას სამთავრობო და არასამთავრობო ორგანიზაციების, საგანმანათლებლო დაწესებულებებისა და „გლობალური გარემოსდაცვითი ფონდის“ წარმომადგენლები დაესწრნენ.



Print Email
FaceBook Twitter
დღის სიახლეები
18 / ივლისი 2019
ზუგდიდელი ახალგაზრდა მომღერალი თამარ ლილუაშვილი ამერიკაში, კალიფორნიის შტატში მიმდინარე საერთაშორისო მუსიკის ფესტივალის ფინალშია.
17 / ივლისი 2019
ტყვარჩელის რაიონის პროკურატურამ რუსლან და ვიაჩესლავ ფანცულაიების გატაცების საქმეზე სისხლის სამართლის საქმე აღძრა,
17 / ივლისი 2019
ზუგდიდში თანამედროვე ხელოვნების ფესტივალი F5-ჩატარდება, რომელზეც სტუმრებს, 20-21 ივლისს ქართველი მწერლები, პოეტები და მუსიკოსები უმასპინძლებენ.
საზოგადოება
კლინიკა „მედი“ საქართველოში 1999 წლიდან წარმატებით ფუნქციონირებს. იგი წარმოადგენს ცნობილ ესთეტიკურ ინოვაციების საერთაშორისო კლინიკათა ქსელს - „მედი-ესთეტიკს“ საქართველოში.
{{ARTICLEIMAGE}}ზუგდიდში, საარსებო წყაროების განვითარების ცენტრში (LDC) ყოფილ მსჯავრდებულებსა და პრობაციონერებს სოციალური უნარების ოთხდღიანი ტრენინგი თემაზე
„ანაკლიის განვითარების კონსორციუმის“ დამფუძნებელი მამუკა ხაზარაძე სექტემბერში საზოგადოებრივი მოძრაობის შექმნას აანონსებს.
არქივი
ამინდი
ზუგდიდი 24 °C
img
სოხუმი 24 °C
img
ფოთი 25 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.