ახალი ამბები
საკრებულოს წევრი ააიპ-ების საქმიანობის შემსწავლელი ჯგუფის შექმნას ითხოვს (ვიდეო)
ზუგდიდის მუნიციპალიტეტის საკრებულოს წევრმა ფრაქცია „კონსერვატორებიდან“ კონსტანტინე კაკავამ მერიის ააიპ-ების საქმიანობის შემსწავლელი კომისიის შექმნის ინიციატივით საკრებულოს მიმართა. მისი თქმით, გაერთიანების შემდეგ ააიპ-ების საქმიანობა არაეფექტური გახდა როგორც შედეგის, ასევე, ხარჯების თვალსაზრისით.

„მე გთავაზოთ, რომ დროებით სამუშაო ჯგუფი შევქმნათ, რომელიც შეისწავლის ააიპ-ების საქმიანობას და გაერთიანების შემდეგ შექმნილი ვითარებას. ფაქტია, რომ არ მოგვცა ეფექტი, რომელსაც მოველოდით და უფრო გართულდა სიტუაცია. უმთავრესი მიზანი, რაც იყო - ნაკლები საბიუჯეტო ხარჯები და მეტი ეფექტურობა - ვერ შესრულდა. არ შეიძლება, რომ დაფინანსების 95% მიდიოდეს ხელფასებზე და 5% ააიპ-ის მიერ განსახორციელებელ ღონისძიებაზე, ამიტომ ლეგიტიმურად ჩნდება კითხვები“, - აღნიშნა კაკავამ.

გარდა ამისა, მან ხაზი გაუსვა იმასაც, რომ ფრაქცია მერიას მიმართავს რეკომენდაციებითა და შენიშვნებით, რომ აუცილებელია, ბიუჯეტის გაცილებით მეტი ხვედრითი წილი იყოს მიმართული ადამიანებისკენ და ნაკლები ადმინისტრაციული ხარჯებისკენ.




„ნაკლები საბიუჯეტო ხვედრითი წილი და მეტი საბიუჯეტო სახსრები მოქალაქეს, უნდა მოვახდინოთ სტრუქტურული რეორგანიზაცია, მაგალითად მერიაში უნდა იყოს სამსახური ან განყოფილება მაინც სოფლის მეურნეობის მიმართულებით, რაც შეიძლება მალე უნდა შემუშავდეს გენგეგმა და არქიტექტურის სამსახური უნდა იყოს ცალკე“, - დასძინა დეპუტატმა.

alt

მის ამ ინიციატივას საკრებულოს სხვა წევრები გამოეხმაურნენ. ისინი ეთანხმებიან კონსტანტინე კაკავას და საკუთარ შენიშვნებსაც დასძენენ. საკრებულოს უმრავლესობის წევრმა სანდრო სორდიამ თქვა, რომ აუცილებელია ხელფასების საკითხი გადაიხედოს, რათა პროფესიონალი კადრებისთვის მუშაობა სტიმული იყოს.

საკრებულოს თავმჯდომარის მოადგილემ ბესო ჭეჟიამ კი აღნიშნა, რომ ისინი ერთად მუშაობენ, რათა შეიქმნას სტრუქტურული რეორგანიზაციის კომისია, რომელიც შეისწავლის ააიპ-ების შენარჩუნების მიზანშეწონილობას და საშტატო ნუსხების შესახებ საკითხს.

ფრაქცია „ევროპული საქართველოს“ წევრი ბათლომე შელია ამბობს, რომ ინიციატივას მიესალმება, თუმცა იმედი არ აქვს, რომ ის შედეგს გამოიღებს.

alt

„ის, რომ ააიპ-ებში გაბერილი შტატებია და ადამიანების მიმართ საარჩევნოდ გაწეული საქმიანობებისთვის ვალდებულებები აქვთ, ახალი ამბავი არ არის. ახლა, როგორც კი სიგნალი იგრძნეს, ვითომ ცდილობენ გამოსწორებას, მაგრამ მე არ მჯერა, რომ რაღაც ეფექტურ ნაბიჯებს გადადგამენ, თუმცა, ვნახოთ“, - თქვა შელიამ.

კონსტანტინე კაკავას შეფასებით კი, ეს ის გამოწვევებია, რომელიც ამ დროისთვის ადგილობრივ ხელისუფლებას აქვს და მათ ამ კუთხით შეცდომის დაშვებული უფლება არ აქვთ.
Print Email
FaceBook Twitter
დღის სიახლეები
21 / მაისი 2019
შინაგან საქმეთა სამინისტრო საქართველოს დამოუკიდებლობისადმი მიძღვნილ საზეიმო ღონისძიებას ქალაქ ზუგდიდში გამართავს.
21 / მაისი 2019
წალენჯიხის მუნიციპალიტეტის სოფელ ეწერში ციმინტიების საცხოვრებელი სახლი მთლიანად დაიწვა. სახლის მეპატრონის ინფორმაციით, ცეცხლი გაზის ბალონის
21 / მაისი 2019
აფხაზეთში ოპოზიცია საპროტესტო მიტინგებს მართავს. მას შემდეგ რაც პარლამენტმა მათ მოთხოვნას, გადაიდოს საპრეზინენტო არჩევნები,
საზოგადოება
ეროვნულ-დემოკრატიული ინსტიტუტისა (NDI) კვლევის მიხედვით, გამოკითხულთა 90% ამბობს, რომ ევროკავშირთან უვიზო რეჟიმის
ხურჩა-ნაბაკევის ე.წ. საზღვარზე გიგა ოთხოზორიას მკვლელობიდან დღეს, 19 მაისს, სამი წელი გავიდა.
ტერაბანკმა კონკრეტულ სეგმენტზე მორგებული კიდევ ერთი ახალი პროდუქტი შექმნა. ამჯერად ბანკი მარტივად სესხით სარგებლობის შესაძლებლობას იმ მომხმარებლებს აძლევს, რომლებიც კერძო რეპეტიტორულ საქმიანობას ეწევიან.
არქივი
ამინდი
ზუგდიდი 25 °C
img
სოხუმი 23 °C
img
ფოთი 24 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.