რეგიონი
ტურა, რომელმაც ოჩამჩირეში 18 წლის ახალგაზრდა დაკბინა, ცოფიანი იყო
აფხაზმა ვეტერინარებმა დაადგინეს, რომ ტურა, რომელმაც 5 დეკემბერს საღამოს 18 წლის ახალგაზრდა მამაკაცს დაესხა თავს ცოფიანი იყო. ინფორმაციას აფხაზურ მედიას დე ფაქტო რესპუბლიკის ვეტერინარული სამსახურის უფროსი რომან ჯოპუა უდასტურებს. მან აღნიშნა, რომ ჩვეულებრივ ტურები ადამიანებს თავს არ ესხმიან. მათი აგრესიული ქცევის მიზეზი შეიძლება შიმშილი ან ცოფით დაავადება გახდეს.

"იმ შემთხვევაში, თუ ტურა თავს მაინც დაესხა, ადამიანმა ყველა საჭირო სამედიცინო პროცედურა უნდა გაიაროს. ამ შემთვევაში, ეს იმუნოგლობულინი და ცოფის საწინააღდეგო ვაქცინაა», - განმარტავს ჯოპუა.

სპეციალისტი თვლის, რომ ტურების მიერ ადამიანზე თავდასხმის შემთხვევები შესაძლოა, მათი პოპულაციის ზრდასთან იყოს დაკავშირებული. მისი თქმით, აუცილებელია ძალების მობილიზაცია, რათა განადგურდეს ნადირი, რომელიც საშიშროებას წარმოადგენს და შეუძლია როგორც გარეული, ასევე შინაური ცხოველის დაინფიცირება.

მანამდე, ოჩამჩირის რაიონის ხელმძღვანელმა სლავიკ კუჩუბერიამ განაცხაა, რომ გასული კვირაში ტურების მიერ ადამიანზე თავდასხმის ორი შემთხვევა დაფიქსირდა.
მისი თქმით, რაიონში პერიოდულად მოქმედებს პროგრამა, რომლის ფარგლებში საშიშ ცხოველებზე ნადირობენ, რისთვისაც თითოეულ მოკლულ ტურაზე ოჩამჩირის ადმინისტრაცია მონადირეს 500 რუბლს უხდის, წელიწად-ნახევარში მოკლულია 1700 - მდე ნადირი. რაიონის ხელმძღვანელი ფიქრობს, რომ ტურების პოპულაციის ზრდა იმით არის გამოწვეული, რომ ოჩამჩირეში ბევრი დაცარიელებული სოფელია.

„ადრე ოჩამჩირეში 34 ათასი ადამიანი ცხოვრობდა, ახლა კი მხოლოდ 4 ათასი დარჩა. ახლა ტურებს ტყეებში საკვები არ ყოფნით და ისინი ქალაქში ჩამოდიან და ადამიანებს ესხმიან თავს. ბევრი მათგანი ნაგავსაყრელიდან მოდის, რომელიც ქალაქგარეთ მდებარეობს“, - აღნიშნა მან.

ოჩამჩირეში გასულ კვირაში ტურების მიერ ადამიანზე თავდასხმის ორი ფაქტი დაფიქსირდა, პირველი შემთხვევა სკოლა - ინტერნატის მახლობლად მოხდა, როდესაც ტურა ერთ - ერთ მოსწავლეს დაესხა თავს. მის ყვირილზე ადგილობრივმა მცხოვრებმა მოირბინა და ნადირის გაგდება შეძლო, თუმცა, ცხოველმა მოასწრო ორჯერ ეკბინა ბავშვისთვის. გოგონა მოგვიანებით სოხუმის რესპუბლიკურ საავადმყოფოში გადაიყვანეს.

მეორე შემთხვევა 5 დეკემბრის საღამოს მოხდა, ამჯერად ტურა 18 წლის ახალგაზრდა მამაკაცს დაესხა თავს და მუხლში ჩააფრინდა, რა დროსაც, ზურაბ მალანძიამ მისი დახრჩობა შეძლო. ის საავადმყოფოში გადაიყვანეს, სადაც ცოფის საწინააღმდეგო ვაქცინა გაუკეთეს.

მოკლული ცხოველი სოხუმის ლაბორატორიაში გაგზავნეს, სადაც ცოფზე შეამოწმეს.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 18 °C
img
ფოთი 16 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.