ახალი ამბები
ზუგდიდში სმენადაქვეითებული და უსინათლო პირების მხარდამჭერი კლუბი ჩამოყალიბდა (ვიდეო)
ზუგდიდში,  სმენადაქვეითებული და უსინათლო პირების მხარდამჭერი კლუბის პრეზენტაცია გაიმართა. როგორც შეხვედრაზე აღნიშნეს, აქ ერთდროულად სმენისა და მხედველობის პრობლემების მქონე ადამიანებს რეაბილიტაციის, განათლებისა და ინტეგრაციის შესაძლებლობა ექნებათ. გარდა ამისა, პროექტის განმახორციელებელი ორგანიზაციების წარმომადგენლებმა  ყრუ და უსინათლო ადამიანების და საზოგადოების სხვა წევრებთან ურთიერთობის მსოფლიოში მიღებული მეთოდის: ,,ლორმის ანბანი Geo Lorm” მნიშვნელობაზე ისაუბრეს. კლუბი ა(ა)იპ ,,მომავალი იწყება დღეს“ და პოლონური ორგანიზაცია Human Doc- ის პროექტის ,,მხედველობა - სმენის პრობლემების მქონე მხარდაჭერის სისტემის შექმნა საქართველოში“ ფარგლებში ჩამოყალიბდა.
alt
ღონისძიებას ადგილობრივი ხელისუფლების და არასამთავრობო ორგანიზაციის წარმომადგენლები ესწრებოდნენ. საკრებულოს წევრი ირუზა კაკავა, რომელიც ამ პროექტშია ჩართული, ამბობს რომ აღნიშნული კლუბის ჩამოყალიბება ქალაქისთვის მნიშვნელოვანი მოვლენაა, რადგან მსგავსი რამ აქამდე არ არსებობდა. მისივე ცნობით,  სმენადაქვეითებული და უსინათლო ადამიანების საჭიროებები მუნიციპალიტეტის მომდევნო წლის ბიუჯეტში იქნება გათვალისწინებული.
alt
"ეს არის ინოვაციური პროექტი და პირველად ხდება ამიერკავკასიაში. სანამ გავხდებოდი საჯარო მოხელე, ვმუშაობდი არასამთავრობო ორგანიზაციაში, სადაც შეხება მქონდა შშმ პირებთან. აქედან გამომდინარე სურვილი მქონდა მიმეღო მონაწილეობა ამ პროექტში. ამ პროექტის ფარგლებში ვიყავით პოლონეთში და მივიღეთ ამ მიმართულებით დიდი გამოცდილება, რასაც ჩვენს ბენეფიციარებთან მუშაობის დროს გამოვიყენებთ. საკრებულო და მერია მზად ვართ დავეხმაროთ მათ და ის პრობლემები გავითვალისწინოთ, რაც ჩვენს ბენეფიციარებს აქვთ. წლევანდელ ბიუჯეტში მათი საჭიროებების გათვალისწინება ვერ მოესწრო, თუმცა ისინი მომდევნო წლების ქალაქის ფინანსურ დოკუმენტში აუცილებლად აისახება",- თქვა ირუზა კაკავამ.
alt
პოლონეთის განვითარების პროგრამის  დეპარტამენტის ვიცე-დირექტორი  მარეკ კუბერსკის თქმით, საქართველოში ისინი სხვადასხვა პროექტებს ახორციელებენ, თუმცა ამ მიმართულებით მუშაობა ძალიან მნიშვნელოვანია.

"საქართველო არის ერთ-ერთი პრიორიტეტი პოლონეთისთვის. მანამდე საქართველოში არავის არ უმუშავია ამ მიმართულებით და ეს თემა არ იყო წინ წამოწეული. პოლონეთს ამ მიმართულებით აქვ უდიდესი გამოცდილება და გვინდა, რომ ეს საქართველოს გავუზიაროთ", - აღნიშნა კუბერსკიმ.


პროექტის ფარგლებში მოხდა  სპეცპედაგოგების გადამზადება პოლონელი ექსპერტების მიერ. ასევე, იგეგმება სასწავლო ვიზიტი ვარშავაში და სხვა მეთოდოლოგიური მხარდაჭერა. გარდა ამისა კლუბს სპეციალური აღჭურვილობა გადაეცა.



Print Email
FaceBook Twitter
დღის სიახლეები
16 / ივლისი 2019
ანაკლიის ისტორიული ციხის ტერიტორიაზე ლოტბარ პოლიკარპე ხუბულავას სახელობის მეგრული ფოლკლორის პირველი საერთაშორისო ფესტივალი მიმდინარეობს.
16 / ივლისი 2019
ზუგდიდის შალვა დადიანის სახელობის დრამატული თეატრი 19 ივლისს 20-21 ივნისის ღამით, რუსთაველის გამზირზე აქციის დარბევისას დაშავებული მსახიობის
16 / ივლისი 2019
ქალაქ ზუგდიდის მაჟორიტარი დეპუტატი მერაბ ქვარაია ამბობს, რომ ზუგდიდში ვლაქერნობის უქმე დღედ გამოცხადებაზე ახალი შრომის კოდექსის ფარგლებში იმსჯელებენ.
საზოგადოება
კლინიკა „მედი“ საქართველოში 1999 წლიდან წარმატებით ფუნქციონირებს. იგი წარმოადგენს ცნობილ ესთეტიკურ ინოვაციების საერთაშორისო კლინიკათა ქსელს - „მედი-ესთეტიკს“ საქართველოში.
{{ARTICLEIMAGE}}ზუგდიდში, საარსებო წყაროების განვითარების ცენტრში (LDC) ყოფილ მსჯავრდებულებსა და პრობაციონერებს სოციალური უნარების ოთხდღიანი ტრენინგი თემაზე
„ანაკლიის განვითარების კონსორციუმის“ დამფუძნებელი მამუკა ხაზარაძე სექტემბერში საზოგადოებრივი მოძრაობის შექმნას აანონსებს.
არქივი
«« ივლისი 2019 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 22 °C
img
სოხუმი 22 °C
img
ფოთი 22 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.