ახალი ამბები
პირველი ახალგაზრდული ფორუმი ზუგდიდში (ვიდეო)
სამეგრელო-ზემო სვანეთის სამხარეო ადმინისტრაციის შენობაში პირველი ახალგაზრდული ფორუმი ჩატარდა. ღონისძიება გაეროს მოსახლეობის ფონდის (UNFPA) და ასოციაცია „ათინათის“ პარტნიორობითა და ადგილობრივ ხელისუფლებასთან თანამშრომლობით შედგა. შეხვედრის ორგანიზატორების თქმით, ფორუმის მიზანია სამეგრელო-ზემო სვანეთის რეგიონის ახალგაზრდული პოლიტიკის დოკუმენტის შემუშავების ხელშეწყობა და ამ პროცესში სამოქალაქო ორგანიზაციებისა ჩართვა. 


„ეს არის ახალგაზრდების გაძლიერებისკენ მიმართული ღონისძიება, რომელიც ითვალისწინებს ახალგაზრდების აღჭურვას შესაბამისი ცოდნითა და უნარებით, რომ იყვნენ გათვითცნობიერებულები მნიშვნელოვან საკითხებზე და თვითმმართველობამდე მიიტანონ ისინი“, - თქვა გაეროს მოსახლეობის ფონდის პროექტის მენეჯერმა მარიამ ბანძელაძემ.

alt

ასოციაცია „ათინათის“ აღმასრულებელმა დირექტორმა რუსუდან ყალიჩავამ აღნიშნა, რომ დღეს გამართული ღონისძიება ამ ტიპის პირველი ახალგაზრდული ფორუმია და შესაბამისად, დღევანდელი დღე განსაკუთრებულ მნიშვნელობას იძენს.

„ზოგადად ახალგაზრული პოლიტიკის დოკუმენტის შემუშავება ძალიან მნიშვნელოვანია და ჩვენი მუშაობაც მიმართულია იმისკენ, რომ მუნიციპალიტეტთან თანამშრომლობით შევძლოთ ახალგაზრდების განვითარება, ახალგაზრული პოლიტიკის დოკუმენტის, სტრატეგიის გეგმის შექმნა და შესრულება“, - აღნიშნა რუსუდან ყალიჩავამ. 

ფორუმზე ახალგაზრდული პოლიტიკის დოკუმენტის შექმნასთან დაკავშირებულ საკითხებზე იმსჯელეს.

alt

„ერთ-ერთი გზა, რითაც შევძლებთ, რომ გავააქტიუროთ და ჩავრთოთ გადაწყვეტილების მიღების პროცესში ახალგაზრდები, არის გეგმის შემუშავება. სწორედ ამას ემსახურება  დოკუმენტი, სადაც გარკვევით წერია, რა უნდა გააკეთოს მუნიციპალიტეტმა ჩართულობის გასაძლიერებლად,“ - თქვა ექსეპრტმა ახალგაზრულ საკითხებში ნინა გოგოლაძემ.

alt

ზუგდიდის მუნიციპალიტეტის მერიის ახალგაზრდულ და გენდერული თანასწორობის განყოფილების უფროსმა დავით შამათავამ კვლევის ,,ახალგაზრდების საჭიროებებისა და ინტერესების მოკვლევა ზუგდიდის მუნიციპალიტეტში“ პრეზენტაცია წარადგინა და ახალგაზრდული პოლიტიკის დოკუმენტის სტრატეგიულ მიზნებსა და ამოცანებზე ისაუბრა. შეხვედრაზე საკრებულოს თავმჯდომარე მამუკა წოწერიამ აღნიშნა, რომ ახალგაზრდების ჩართთულობა, გაძლიერება და განვითარება მათი ერთ-ერთი გაცხადებული პრიორიტეტია და მუნიციპალიტეტი ამაზე აქტიურად მუშაობს.




„მჯერა, რომ ფორუმი ძალიან წარმატებული და ნაყოფიერი იქნება, მივიღებთ დოკუმენტს, რომელიც ამ მიმართულებით, ფაქტობრივად, სამოქმედეო გეგმა იქნება ჩვენთვის“, - ამბობს საკრებულოს თავმჯდომარე.

შეხვედრას ახალგაზრდები, საკრებულოს წევრები, სამოქალაქო საზოგადოებისა და ადგილობრივი ხელისუფლების წარმომადგნლები დაესწრნენ.

ფორუმი გაეროს ერთობლივი პროგრამის „გენდერული თანასწორობისთვის“ ფარგლებში ჩატარდა, რომელიც შვედეთის მთავრობის ფინანსური მხარდაჭერით ხორციელდება.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 19 °C
img
ფოთი 18 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.