ახალი ამბები
ზუგდიდის საკრებულოში ააიპ-ების შემსწავლელი კომისია შეიქმნა
ზუგდიდის მუნიციპალიტეტის საკრებულოში მერიის ააიპ-ების შემსწავლელი ჯგუფის შექმნას მხარი დეპუტატებმა ერთხმად დაუჭირეს. ზუგდიდის საკრებულოს თავმჯდომარის მამუკა წოწერიას ინფორმაციით, ეს იქნება სამუშაო ჯგუფი, რომლის მიზანი ააიპ-ების სტრუქტურული ოპტიმიზაციაა.

„ახლა სხვადასხვა ორგანიზაციული საკითხებია მოსაწერიგებელი. ცხადია, ეს იქნება ინტერფრაქციული ჯგუფი, რომლის შემადგენლობაში შევლენ როგორს საკრებულოს, ასევე მერიის წარმომადგენლები. ასევე, მოვიწვევთ ექსპერტებსაც“,- თქვა წოწერიამ.

ჯგუფის მუშაობაში მონაწილეობას მიიღებს ოპოზიციაც. ფრაქცია ენმ-ის თავმჯდომარის ანა წითლიძის თქმით, მათ ააიპ-ებთან დაკავშირებით არაერთი რეკომენდაცია აქვთ გაცემული.

„იმ ფორმით, რა ფორმითაც არსებობს ეს ააიპ-ები, არის ზედმეტი ხარჯები და არავითარი შედეგი მუნიციპალიტეტისთვის არ მოაქვს. ახლა მიხვდა ამას საკრებულო, მაგრამ იმას, რომ ერთი წლის განმავლობაში გაბერილ შტატებში დასაქმებულებს ხელფასი ვუხადეთ, ამაზე ვინ არის პასუხისმგებელი? ჩვენ გვექნება კონკრეტული რეკომენდაციები და მკაცრად გავაკონტროლებთ, როგორი იქნება ამაზე უმრავლესობის პოზიცია“, - აღნიშნა წითლიძემ.

ზუგდიდის მუნიციპალიტეტის საკრებულოს წევრმა ფრაქცია „კონსერვატორებიდან“ კონსტანტინე კაკავამ მერიის ააიპ-ების საქმიანობის შემსწავლელი კომისიის შექმნის ინიციატივით საკრებულოს 7 დეკემბერს მიმართა. მისი თქმით, გაერთიანების შემდეგ ააიპ-ების საქმიანობა არაეფექტური გახდა როგორც შედეგის, ასევე, ხარჯების თვალსაზრისით. მის ამ ინიციატივას საკრებულოს სხვა წევრებიც დაეთანხმნენ.

ამავე თემაზე:

საკრებულოს წევრი ააიპ-ების საქმიანობის შემსწავლელი ჯგუფის შექმნას ითხოვს (ვიდეო)
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 16 °C
img
სოხუმი 17 °C
img
ფოთი 15 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.