ახალი ამბები
TI: სამეგრელო-ზემო სვანეთის საკრებულოებში 54 ფრაქციიდან ინიციატივა მხოლოდ სამს ჰქონდა
სამეგრელო-ზემო სვანეთის 2017 წლის მოწვევის საკრებულოების 54 ფრაქციიდან 51-ს რეგისტრაციის დღიდან 2018 წლის 1 ნოემბრის ჩათვლით, არცერთი საკითხის ინიცირება არ მოუხდენია, ამავე პერიოდში კი ფრაქციების თანამდებობის პირების შრომის ანაზღაურებისთვის და სხვა ხარჯებისთვის 1.6 მილიონ ლარზე მეტი დაიხარჯა. ამის შესახებ „საერთაშორისო გამჭვირვალობა-საქართველო საუბრობს“. მათ მოამზადეს კვლევა, რომელშიც მოცემულია ფრაქციების შრომის ანაზღაურებაზე გაწეული ხარჯები და ინიციატივები.

გამოქვეყნებულ ინფორმაციაში აღნიშნულია, რომ საკრებულოს წევრებისათვის ფრაქციის შექმნა ხელფასის მიღების საშუალებას იძლევა, რადგანაც ზოგადად საკრებულს წევრობა არაანაზღაურებადი საქმიანობაა, რასაც, TI-ის შეფასებით, ერთგვარი მანკიერი პრაქტიკის სახე აქვს მიღებული, „ფრაქციათა აქტივობები და მათზე გაწეული ხარჯები კი შეუსაბამოა”, - მიიჩნევენ ორგანიზაციაში.

„საერთაშორისო გამჭვირვალობა - საქართველოს“ კვლევის მიხედვით, 54 ფრაქციიდან ინიციატივები ზუგდიდის საკრებულოს 3 ფრაქციას (“ქართული ოცნება-დემოკრატიული საქართველო”, “კონსერვატორები” და “ერთიანი ნაციონალური მოძრაობა”) ჰქონდა.

„ზუგდიდის საკრებულოს ფრაქცია “ერთიანი ნაციონალური მოძრაობის” მიერ ინიცირებული საკითხების უმრავლესობა იყო შუამდგომლობები კონკრეტული მოქალაქეებისათვის სოციალური დახმარების გაწევის თაობაზე. როგორც ფრაქციის თავმჯდომარემ ანა წითლიძემ ჩვენთან საუბრისას განაცხადა, შუამდგომლობების უმეტესი ნაწილი არ დაკმაყოფილდა, მუნიციპალიტეტის პოზიციით მიზეზი იყო ის, რომ მოქალაქეთა ნაწილი შესაბამის კრიტერიუმებს არ აკმაყოფილებდა. რაც შეეხება ზუგდიდის სარებულოს ფრაქციების “ქართული ოცნება-დემოკრატიული საქართველო” და “კონსერვატრები” ინიციატივებს, მათ მიერ წარდგენილი სამართლებრივი აქტების პროექტები საკრებულომ მიიღო“, - აღნიშნულია კვლევაში.


რაც შეეხება ფრაქციების მიერ გაწეულ ხარჯებს, ამავე ცნობით, ფრაქციების წევრთა სახელფასო ანაზღაურებაზე, საკვლევი პერიოდის განმავლობაში, ჯამში 1,543,736 ლარია დახარჯული.

alt

ორგანიზაციაში ამბობენ. რომ საწვავის ღირებულების შესახებ ინფორმაცია მათ არ მიაწოდეს მესტიის, წალენჯიხისა და ხობის საკრებულოებმა, ამიტომაც აღნიშნული მონაცემი კვლევაში არ არის სრულად წარმოდგენილი. ჯამში კი, TI-ის ინფორმაციით, ფრაქციების მიერ 55150 ლიტრი საწვავი გაიხარჯა, რომლის ღირებულებამაც 89913 ლარი შეადგინა.

alt

გამოქვეყნებულ მასალაში ასევე ნათქვამია, რომ სამეგრელო-ზემო სვანეთის საკრებულოების ფრაქციების მიერ სატელეფონო კომუნიკაციაზე საკვლევი პერიოდის განმავლობაში 20 443 ლარი, სამივლინებო ხარჯებზე კი 7 837 ლარი დაიხარჯა.

alt

„საერთაშორისო გამჭვირვალობა - საქართველო“ განმარტავს, რომ მოქმედი კანონმდებლობით საკრებულოებს ფრაქციების რაოდენობის ზედა ზღვარი, საქმიანობის რაიმე, განსაკუთრებული წესები არ აქვთ განსაზღვრული. და ის საკრებულოს დადგენილებით რეგულირდება.

„ყველა საკრებულოში ფრაქციების მაქსიმლაური რაოდენობაა შექმნილი, მათ საქმიანობაზე გასაწევი ხარჯი კი მნიშვნელოვან საბიუჯეტო ტვირთს წარმოადგენს. აღსანიშნავია, რომ 2017 წლის დეკემბრიდან ახალი თანამდებობა - ფრაქციის თავმჯდომარის მოადგილე იქნა შემოღებული, რამაც სახელფასო ტვირთი კიდევ უფრო გაზარდა. აღნიშნული საკანონმდებლო ცვლილებების განმარტებით ბარათშიმითითებული მოლოდინი, რომ ახალი თანამდებობა ფრაქციის საქმიანობის ეფექტურობას გაზრდიდა, არ გამართლდა, როგორც ეს ჩვენი კვლევით დასტურდება“, - ნათქვამია კვლევაში.

ორგანიზაციის რეკომენდაციით, აუცილებელი და მნიშვნელოვანია, რომ ფრაქციის საქმიანობა სარგებლის მომტანი იყოს შესაბამისი თვითმმართველობისათვის, იგი ორიენტირებული უნდა იყოს მუნიციპალური სერვისების ხელმისაწვდომობის და ხარისხის გაზრდაზე. TI მიიჩნევს, რომ ფრაქციები მნიშვნელოვანი კომპონენტია თვითმმართველობაში მოქალაქეთა ჩართულობის ხარისხის გასაზრდელად, ადგილობრივი ინიციატივების მხარდასაჭერად და მოქალაქეთა საჭიროებებისა და პრობლემების ადვოკატირებისთვის, შესაბამისად, არასამთავრობო ფრაქციებს მოუწოდებს, აღნიშნული ინსტრუმენტები აქტიურად გამოიყენონ.

ფოტოსქრინები: საერთაშორისო გამჭვირვალობა - საქართველო
Print Email
FaceBook Twitter
დღის სიახლეები
27 / ივნისი 2019
ბათუმის „რაგბი არენაზე“ საქართველოს სასკოლო ჩემპიონატის, „კოკა-კოლას თასის“ საიუბილეო, 25-ე გათამაშების ფინალური მატჩები ჩატარდა და 2019 წლის გამარჯვებული გამოვლინდა.
27 / ივნისი 2019
ზუგდიდის მუნიციპალიტეტის მერიამ პოლიკარპე ხუბულავას სახელობის მეგრული ფოლკლორის პირველი საერთაშორისო ფესტივალის „კოლხი და...“ ორგანიზებისთვის ტენდერი გამოაცხადა, რომლის შესყიდვის ღირებულება 32 308 ლარია.
27 / ივნისი 2019
ანაკლიის პორტის მხარდასაჭერად მოქალაქე ალექსანდრე ყულოშვილის ავტორობით manifest-ge-ზე პეტიცია გამოქვეყნდა. მის აღწერაში ნათქვამია, რომ საქართველოს მოსახლეობა კარგად აცნობიერებს ქვეყნის ეკონომიკურ და პოლიტიკურ კრახთან სიახლოვეს.
საზოგადოება
საქართველოს პრემიერ-მინისტრი მამუკა ბახტაძე ამბობს, რომ 20 ივნისის ღამით, ანტისაოკუპაციიო აქციის დაშლისას დაშავებულების ნებისმიერი სახის მკურნალობას
არასამთავრობო ორგანიზაციების „ბრიჯ-ინოვაცია და განვითარება“ და ჩეხური „ფიფლ ინ ნიიდის“ ორგანიზებით თბილისში ფერმერთა კონგრესი გაიმართა.
{{ARTICLEIMAGE}}ქართველი სპორტსმენები 20 ივნისის აქციის მონაწილეებს საკუთარ მხარდაჭერასა და სოლიდარობას უცხადებენ.
გამოკითხვა
ვინ უნდა აგოს პასუხი დუმის დეპუტატების პარლამენტში ყოფნაზე?
არქივი
ამინდი
ზუგდიდი 27 °C
img
სოხუმი 26 °C
img
ფოთი 25 °C
img
მესტია 17 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.