ახალი ამბები
პრეზიდენტი: რუხის საავადმყოფოს სწრაფად ამოქმედება ძალიან მნიშვნელოვანია
საქართველოს პრეზიდენტის სალომე ზურაბიშვილის თქმით, რუხში მრავალპროფილური საუნივერსიტეტო კლინიკის სწრაფად ამოქმედება რეგიონისთვის და ნდობის გარღმავებისთვის მნიშვნელოვანია. ამის შესახებ ზურაბიშვილმა დღეს გამართულ პრესკონფერენციაზე განაცხადა.

„მნიშვნელოვანია, რომ სამეგრელოში იყო პირველი გასვლა, საახალწლო ღონისძიება, რომელიც თბილისიდან ზუგდიდში გადავიტანეთ. მეორე მხრივ, ენგურის ხიდზე ვიყავი და რაც ყველაზე ნიშანდობლივი და მნიშვნელოვანია, რუხის საავადმყოფო დავათვალიერეთ, რაც შთამბეჭდავია, მაგრამ არაა მოქმედი. მიმაჩნია, რომ უთუოდ უნდა იყოს პრიორიტეტი, რომ ამოქმედდეს ჩქარა, რამეთუ რეგიონისთვის ძალიან საჭიროა და ასევე ნდობის აწევისთვის ძალიან მნიშვნელოვანი იქნება მისი სრული და სწრაფი ამოქმედება“, - აღნიშნა პრეზიდენტმა.

რუხის მრავალპროფილური საუნივერსიტეტო კლინიკის მშენებლობა 2014 წელს დაიწყო. კლინიკის ამოქმედების თარიღად ჯერ 2016 წლის ბოლოს ვარაუდობდნენ. მოგვიანებით, 2016 წლის თებერვალში სამშენებლო სამუშაოები პრემიერმა გიორგი კვირიკაშვილმა, ჯანდაცვის მინისტრმა და მთავრობის სხვა წევრებმა დაათვალიერეს, რის შემდეგაც მთავრობის ადმინისტრაციის ცნობით, კლინიკა 2017 წლის დასაწყისში უნდა გახსნილიყო. მშენებლობის გაჭიანურების მიზეზად რეგიონული განვითარებისა და ინფრასტრუქტურის უკვე ყოფილმა მინისტრმა ზურაბ ალავიძემ მიმდინარე წლის ზაფხულში ვენტილაციის პრობლემა დაასახელა, რაც, ამ დროისთვის მოგვარებულია. გასული წლის ნოემბერში ჯანდაცვის სამინისტროში რადიო „ათინათს“ განუცხადეს, რომ კლინიკის სამშენებლო სამუშაოები 2018 წლის ზაფხულში დასრულდება, თუმცა, როდიდან დაიწყებს კლინიკა პაციენტების მიღებას, უცნობია.

სამშენებლო სამუშაოებს "სახელმწიფო სამშენებლო კომპანია" ახორციელებს. კომპლექსი 7 ბლოკისა და სხვადასხვა ტიპის საინჟინრო-ტექნიკური ნაგებობებისგან შედგება და პროექტის ღირებულება 41 მილიონ ლარზე მეტს შეადგენს.

საავადმყოფო რეგიონისა და აფხაზეთიდან ჩამოსულ პაციენტებს მოემსახურება.

ამავე თემაზე:

პრეზიდენტმა რუხში საუნივერსიტეტო კლინიკა დაათვალიერა

რუხის მშენებარე საუნივერსიტეტო კლინიკაში ჩასატარებელ სამუშაოებზე ტენდერი გამოცხადდა
Print Email
FaceBook Twitter
დღის სიახლეები
26 / ივნისი 2019
ზედაეწერის საბავშვო ბაღში  ხუთი წლის აღსაზრდელზე ფიზიკურ ძალადობაში ბრალდებულ ინგა ვეკუას საქმეზე არსებითი განხილვა დაიწყო. ზუგდიდის რაიონულ სასამართლოში არასრულწლოვნის დედა და ბრალდებული დაიკითხნენ.
26 / ივნისი 2019
მესტიის მუნიციპალიტეტში, იდლიანის თემში, უბედური შემთხვევის შედეგად შუახნის მამაკაცი დაიღუპა. მას თავის არეში საკუთარი შვილის, 12 წლის გოგოს მიერ, შემთხვევით გასროლილი ტყვია მოხვდა.
26 / ივნისი 2019
აფხაზეთის დე ფაქტო რესპუბლიკის პარლამენტის დეპუტატმა დიმიტრი დბარმა „პრეზიდენტს მიმართა თხოვნით, მხარი დაუჭირონ რუსეთს
საზოგადოება
საქართველოს პრემიერ-მინისტრი მამუკა ბახტაძე ამბობს, რომ 20 ივნისის ღამით, ანტისაოკუპაციიო აქციის დაშლისას დაშავებულების ნებისმიერი სახის მკურნალობას
არასამთავრობო ორგანიზაციების „ბრიჯ-ინოვაცია და განვითარება“ და ჩეხური „ფიფლ ინ ნიიდის“ ორგანიზებით თბილისში ფერმერთა კონგრესი გაიმართა.
{{ARTICLEIMAGE}}ქართველი სპორტსმენები 20 ივნისის აქციის მონაწილეებს საკუთარ მხარდაჭერასა და სოლიდარობას უცხადებენ.
გამოკითხვა
ვინ უნდა აგოს პასუხი დუმის დეპუტატების პარლამენტში ყოფნაზე?
არქივი
ამინდი
ზუგდიდი 21 °C
img
სოხუმი 23 °C
img
ფოთი 21 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.