ახალი ამბები
ბარამიას ქუჩაზე გაზის გაჟონვის შემდეგ ადგილზე სპეციალისტები მუშაობენ (ფოტო)
14:27 / 25.01.2019
ზუგდიდში, ბარამიას ქუჩაზე ახალაშენებულ კორპუსში, სადაც დევნილები ცხოვრობენ, „სოკარ ჯორჯიას“ წარმომადგენლები გაზის მილებს ამოწმებენ. კომპანიის წარმომადგენლები შემოწმებებს მას შემდეგ
აწარმოებენ, რაც ერთ-ერთი კორპუსიდან გაზის გაჟონვის შესახებ შეტყობინება მიიღეს. ბარამიას ქუჩაზე მცხოვრებლებმა გვითხრეს, რომ ბუნებრივი აირის სუნი ღამის 12 საათზე იგრძნეს და ცხელ ხაზზე დარეკეს.
„ჩემს და კიდევ რამდენიმე მეზობლის ოთახში ყოფილა გაჟონვა. სუნი როგორც კი ვიგრძენი, ეგრევე დავრეკეთ. 20 წუთში მოვიდნენ. მთლიანად გადაკეტეს გაზი. იყვნენ ჩემთან სახლში შემოსული და გააკეთეს. გვითხრეს, როგორ შეგვემოწმებინა და თუ სუნს იგრძნობთ, დაგვირეკეთო“, - გვითხრა იზოლდა თარბაიამ.
ადგილზე მყოფმა სპეციალისტებმა რადიო „ათინათს“ უთხრეს, რომ რამდენიმე ბინაში გაზის გაჟონვა დაფიქსირდა, თუმცა საავარიო ჯგუფის მიერ პრობლემა უკვე აღმოფხვრილია.
„ორი დღის წინ შემოვიდა შეტყობინება აბონენტის მხრიდან. ეს იყო ღამის საათებში და აბონენტის უსაფრთხოების მიზნით, ორივე კორპუსს გაეთიშა გაზი. იყო მცირე გაჟონვა რამდენიმე აბონენტთან, რომელიც საავარიო ჯგუფის მიერ უკვე აღმოფხვრილია“, - ამბობს კომპანიის წარმომადგენელი გიორგი მიქაძე.
მისივე ინფორმაციით, გარდა სადარბაზოებისა, ისინი საცხოვრებელ სახლებსაც სპეციალური აპარატით და ემულსიის ქაფით ამოწმებენ. მიქაძის განმარტებით, ადგილზე სპეციალისტები უკვე, მეორე დღეა, მუშაობენ და ოჯახებს ინდივიდუალურად ამოწმებენ.
„შევდივართ ბინებში და ვამოწმებთ, თუ როგორ აქვთ შეყვანილი შიგნით ბუნებრივი აირი, ხშირ შემთხვევაში მილები კუსტარულად არის შეერთებული გამათბობელთან, რაც შემდგომ იწვევს გაჟონვას. ამაზე, რა თქმა უნდა, ჩვენ ვახდენთ რეაგირებას და ვაძლევთ ასევე რეკომენდაციებს, რომ თვითნებურად არ დაამონტაჟონ არანაირი მოწყობილობა. 380 აბონენტიდან 150-მდე ბინა დაკეტილია. ბინა, რომელიც დაკეტილია და ვერ გავდივართ მეპატრონესთან კონტაქტზე, ვუთიშავთ გაზს და მისი აღდგენა მხოლოდ შემოწმების შემდეგ მოხდება“, - თქვა მან.
16 იანვარს თბილისში გაზის გაჟონვის შედეგად კორპუსში მომხდარი აფეთქების შემდეგ „სოკარში“ გამოძახებებმა იმატა. ამის შესახებ რადიო „ათინათს“ კომპანიაში უთხრეს. მათივე ინფორმაციით, გამოძახებაზე გასული ჯგუფები ყველაფერს ამოწმებენ, თუმცა, ჯერჯერობით, მათი თქმით, ხარვეზი ან რაიმე ინციდენტი არ დაფიქსირებულა.
„ჩემს და კიდევ რამდენიმე მეზობლის ოთახში ყოფილა გაჟონვა. სუნი როგორც კი ვიგრძენი, ეგრევე დავრეკეთ. 20 წუთში მოვიდნენ. მთლიანად გადაკეტეს გაზი. იყვნენ ჩემთან სახლში შემოსული და გააკეთეს. გვითხრეს, როგორ შეგვემოწმებინა და თუ სუნს იგრძნობთ, დაგვირეკეთო“, - გვითხრა იზოლდა თარბაიამ.
„ორი დღის წინ შემოვიდა შეტყობინება აბონენტის მხრიდან. ეს იყო ღამის საათებში და აბონენტის უსაფრთხოების მიზნით, ორივე კორპუსს გაეთიშა გაზი. იყო მცირე გაჟონვა რამდენიმე აბონენტთან, რომელიც საავარიო ჯგუფის მიერ უკვე აღმოფხვრილია“, - ამბობს კომპანიის წარმომადგენელი გიორგი მიქაძე.
მისივე ინფორმაციით, გარდა სადარბაზოებისა, ისინი საცხოვრებელ სახლებსაც სპეციალური აპარატით და ემულსიის ქაფით ამოწმებენ. მიქაძის განმარტებით, ადგილზე სპეციალისტები უკვე, მეორე დღეა, მუშაობენ და ოჯახებს ინდივიდუალურად ამოწმებენ.
„შევდივართ ბინებში და ვამოწმებთ, თუ როგორ აქვთ შეყვანილი შიგნით ბუნებრივი აირი, ხშირ შემთხვევაში მილები კუსტარულად არის შეერთებული გამათბობელთან, რაც შემდგომ იწვევს გაჟონვას. ამაზე, რა თქმა უნდა, ჩვენ ვახდენთ რეაგირებას და ვაძლევთ ასევე რეკომენდაციებს, რომ თვითნებურად არ დაამონტაჟონ არანაირი მოწყობილობა. 380 აბონენტიდან 150-მდე ბინა დაკეტილია. ბინა, რომელიც დაკეტილია და ვერ გავდივართ მეპატრონესთან კონტაქტზე, ვუთიშავთ გაზს და მისი აღდგენა მხოლოდ შემოწმების შემდეგ მოხდება“, - თქვა მან.
16 იანვარს თბილისში გაზის გაჟონვის შედეგად კორპუსში მომხდარი აფეთქების შემდეგ „სოკარში“ გამოძახებებმა იმატა. ამის შესახებ რადიო „ათინათს“ კომპანიაში უთხრეს. მათივე ინფორმაციით, გამოძახებაზე გასული ჯგუფები ყველაფერს ამოწმებენ, თუმცა, ჯერჯერობით, მათი თქმით, ხარვეზი ან რაიმე ინციდენტი არ დაფიქსირებულა.
მასალის გამოყენების პირობები