ახალი ამბები
მოქალაქე ზუგდიდის საავადმყოფოს მორიგე ექიმს უყურადღებობაში ადანაშაულებს
ცხრა წლის გოგონას ოჯახის წევრები ზუგდიდის რეფერალური ჰოსპიტალის მორიგე ექიმს უყურადღებობაში ადანაშაულებენ. როგორც რადიო "ათინათს" გოგონას დეიდამ მანო პაჭკორიამ უთხრა, პაციენტი ექიმმა გასინჯვის გარეშე ინფექციურ საავადმყოფოში გადაამისამართა. მან ასევე გვითხრა, რომ ადმინისტრაციას არც გოგონას სხვა საავადმყოფოში გადაყვანაზე უზრუნვია, რაც პაჭკორიას მტკიცებით, მათი მოვალეობა იყო.

„ექიმს არ გაუსინჯავს პაციენტი, სიცხის მიზეზები არ გამოუკვლევია, არც დიაგნოზი დაუსვამს, არანაირი საბუთი არ გამოაყოლა მშობელს ინფექციურში წარსადგენად და არც უზრუნველყო პაციენტის გადაყვანა, რაც წესით და რიგით, მათი პრეროგატივა იყო. ასეთი ეპიდემიური აფეთქების სეზონზე, ექიმების ამგვარი გულგრილი, არაკომპეტენტური და უდიერი დამოკიდებულება არის დანაშაული და ზუგდიდის საავადმყოფოს ექიმების მხრიდან მსგავსი ინციდენტი პირველი არ იქნება. ჩვენი მოთხოვნა არის, რომ მსგავსი უყურადღებო დამოკიდებულების გამო დაისაჯოს მორიგე ექიმი. რეალურად ბავშვის გადაყვანა ინფექციურში მშობელმა ვერ უზრუნველყო თვითონ. წუხელ მხოლოდ სასწრაფო დახმარების ექიმებმა აღმოუჩინეს პირველადი დახმარება“,- ამბობს მანო პაჭკორია.

თავის მხრივ ზუგდიდის რეფერალური ჰოსპიტალის დირექტორი ნიკოლოზ ჭეჟია ბრალდებებს უარყოფს. მისი თქმით, გოგონას, სავარაუდოდ, წითელას ნიშნები აღენიშნებოდა და ექიმმა ის ინფექციურში გადაამისამართა. რაც შეეხება მის გადაყვანას, ჭეჟია ამბობს, რომ ეს მათი პრეროგატივა არ იყო.

„როდესაც აღმოვაჩენთ, რომ პაციენტი ინფექციურია, ვეუბნებით რომ მიმართონ ინფექციურს. თუ პაციენტის მდგომარეობა არის უმძიმესი და ის თავისით ვერ წავა, მაშინ ვურეკავთ საგანგებოს, რომ პაციენტის მდგომარეობა არის რთული. გადაყვანას ან საგანგებო უზრუნველყოფს ან პაციენტი“, - აღნიშნა ჭეჟიამ.

ოჯახის წევრების ინფორმაციით, ბავშვის მდგომარეობა ამჟამად სტაბილურია და ის კერძო ექიმთან მკურნალობს.

Print Email
FaceBook Twitter
დღის სიახლეები
17 / ივლისი 2019
ტყვარჩელის რაიონის პროკურატურამ რუსლან და ვიაჩესლავ ფანცულაიების გატაცების საქმეზე სისხლის სამართლის საქმე აღძრა,
17 / ივლისი 2019
ზუგდიდში თანამედროვე ხელოვნების ფესტივალი F5-ჩატარდება, რომელზეც სტუმრებს, 20-21 ივლისს ქართველი მწერლები, პოეტები და მუსიკოსები უმასპინძლებენ.
17 / ივლისი 2019
ზუგდიდელმა გიგი სიჭინავამ, რომელიც აუტისტური სპექტრის აშლილობის მქონე ხელოვანია, საკუთარ ნახატზე ღვთისმშობელი გააღიმა. როგორც მოზარდის დედამ ნათია სახოკიამ
საზოგადოება
კლინიკა „მედი“ საქართველოში 1999 წლიდან წარმატებით ფუნქციონირებს. იგი წარმოადგენს ცნობილ ესთეტიკურ ინოვაციების საერთაშორისო კლინიკათა ქსელს - „მედი-ესთეტიკს“ საქართველოში.
{{ARTICLEIMAGE}}ზუგდიდში, საარსებო წყაროების განვითარების ცენტრში (LDC) ყოფილ მსჯავრდებულებსა და პრობაციონერებს სოციალური უნარების ოთხდღიანი ტრენინგი თემაზე
„ანაკლიის განვითარების კონსორციუმის“ დამფუძნებელი მამუკა ხაზარაძე სექტემბერში საზოგადოებრივი მოძრაობის შექმნას აანონსებს.
არქივი
«« ივლისი 2019 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 21 °C
img
სოხუმი 21 °C
img
ფოთი 19 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.