ახალი ამბები
ოკუპირებულ გალში ენგურის ხიდზე გადმოსვლის მსურველ სტუდენტებს გამოკითხვებს უტარებენ
ოკუპირებულ გალში, სახელმწიფო უსაფრთხოების სამსახურის შენობაში მისულ სტუდენტებს, რომლებიც საქართველოს მიერ კონტროლირებად ტერიტორიაზე სწავლობენ, გამოკითხვებს უტარებენ. ამის შესახებ რადიო „ათინათს“ ერთ-ერთმა სტუდენტმა უთხრა. მისი თქმით, სტუდენტები უწყებაში ე.წ. საზღვარზე გადასვლის ნებართვის თხოვნით მიდიან, თუმცა, ამ დრომდე, უშედეგოდ. ადგილზე მისულებს კი, სამართალდამცავები კითხვებს მათი სამომავლო გეგმების შესახებ  უსვამენ.

„დაკითხვა იყო თუ გასაუბრება, ვერ გავიგე. სანამ შევიდოდი, მითხრეს რომ სულ ერთი წუთით გამესაუბრებოდნენ, მაგრამ გასაუბრებას სულაც არ ჰგავდა. თითქოს, აინტერესებდათ ჩემი სამომავლო გეგმები, დავბრუნდებოდი თუ არა ისევ აფხაზეთში სწავლის დამთავრების შემდეგ. ასევე, დიდ ყურადღებას ამახვილებდნენ იმაზე, თუ რატომ ვსწავლობ თბილისში და არა სოხუმში. ამაზე პასუხი კი მარტივად გავეცი. ვუთხარი, რომ თბილისში პირობები უკეთესია, არ მაქვს არანაირი შიშის გრძნობა და თავი სახლში მგონია და არა ტყვეობაში. ასევე მკითხეს, ჩავაბარე თუ არა ახალი პასპორტის აღებისთვის საბუთები, როდის ჩავაბარე, თბილისში სად ვსწავლობ, სად ვცხოვრობ. მკითხეს, სად არიან და რას საქმიანობენ ჩემი მშობლები. მართალია, ზეწოლა არ მიგრძვნია, მაგრამ ეს გასაუბრებაზე მეტად დაკითხვას ჰგავდა“, - გვითხრა სტუდენტმა, რომელმაც ვინაობის გამხელა არ ისურვა.

გარდა ამისა, მისი ინფორმაციით, აფხაზური მხარე ყველაფერს აკეთებს, რომ მოსახლეობას „ბინადრობის უფლების“, მანამდე კი შესაბამისი ცნობის აღება აიძულოს.

ოკუპირებული აფხაზეთის ე.წ უსაფრთხოების სამსახურმა შეზღუდვები 10 იანვარს, ორი თვით, დააწესა. ამის მიზეზად საქართველოს ტერიტორიაზე არასახარბიელო ეპიდემიოლოგიური სიტუაცია დასახელდა. ენგურის ხიდზე გადმოსვლას ამ დროისთვის მხოლოდ ენერგეტიკოსები და ის ადამიანები ახერხებენ, ვისაც ექიმის ცნობა აქვს. გარდა ამისა, რამდენიმე რესპოდენტმა გვითხრა, რომ ე.წ. საზღვარზე გარკვეული თანხის სანაცვლოდაც გადმოდიან.

ამავე თემაზე:

თემურ ნადარაია გალელების მოთხოვნაზე: საქართველოსთან ორმაგ მოქალაქეობას არ დავუშვებთ
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 13 °C
img
სოხუმი 15 °C
img
ფოთი 13 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.