ახალი ამბები
ზედამხედველობისა და არქიტექტურის სამსახურის უფროსად ვლადიმერ გვილია დაინიშნა
ზუგდიდის მერიის ზედამხედველობისა და არქიტექტურის სამსახურის ვაკანტურ თანამდებობაზე ამავე სამსახურის ყოფილი თანამშრომელი ვლადიმერ გვილია დაინიშნა. ამ პოსტზე მან ლაშა ჯაიანი შეცვალა, რომელიც თანამდებობიდან გასული წლის ბოლოს გადადგა. შესაბამის ბრძანებას ხელი მერის მოვალეობის შემსრულებელმა უკვე მოაწერა. რადიო „ათინათს“ მერიის ადამიანური რესურსების მართვის სამსახურის უფროსმა ირაკლი ამანათიძემ უთხრა, რომ გვილია მოვალეობის შესრულებას გუშინ შეუდგა.

„გვილიას მოადგილედ ლეონტი ფაჟავა დაინიშნა, რომელიც მანამდე ამავე სამსახურის განყოფილებაში მუშაობდა. მან ნუკრი ესართიას პოსტი დაიკავა“, - გვითხრა ამანათიძემ.

რაც შეეხება რუხის გამგებელს, თანამდებობა ამ დრომდე ვაკანტურია, რადგან, როგორც ამანთიძემ აღნიშნა, კონკურსანტს შესაბამისი საბუთები, ჯერჯერობით, არ წარმოუდგენია.

ღია და დახურული კონკურსები სულ ოთხ ვაკანტურ თანამდებობაზე იყო გამოცხადებული, მათ შორის, ზედამხედველობისა და არქიტექტურის სამსახურის უფროსისა და მისი მოადგილის პოსტებზე, ასევე, III რანგის III კატეგორიის დარჩელის ადმინისტრაციულ ერთეულში უფროსი სპეციალისტისა და ზუგდიდის მუნიციპალიტეტის სოფელ რუხში მერის წარმომადგენლის თანამდებობებზე.

ზუგდიდის მერიის ცნობით, მსურველებს HR.GOV.GE-ზე ელექტრონული განაცხადი უნდა შეეტანათ. სულ ასეთი 42 განაცხადი შევიდა, რომელთაგან საკვალიფიკაციო მოთხოვნებს, ამავე ინფორმაციით, 17 კანდიდატი შეესაბამებოდა. სწორედ მათგან შეირჩა გასაუბრებით 4 კანდიდატი, რომელსაც კომისიას საშუალოდ ყველაზე მაღალი ქულათა ჯამი მიანიჭა.

ამავე თემაზე:

ზედამხედველობისა და არქიტექტურის სამსახურის უფროსად ვლადიმერ გვილიას კანდიდატურა განიხილება





Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 18 °C
img
ფოთი 16 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.