ახალი ამბები
ქურდული სამყაროს წევრობაში ბრალდებულებს წინასწარი პატიმრობა შეეფარდათ
"ქურდული სამყაროს" წევრობის ბრალდებით დაკავებულ სამ პირს - მამუკა ლაგვილავას, ირაკლი ჩხენკელს და მანუჩარ გაბუნიას წინასწარი პატიმრობა შეეფარდა. გადაწყვეტილება მოსამართლე მანუჩარ ცაცუამ რამდენიმე წუთის წინ გამოაცხადა.

მანამდე დაცვის მხარე პროცესის ხვალამდე გადადებას ითხოვდა. ერთ-ერთი ბრალდებულის ირაკლი ჩხენკელის უფლებადამცველის ზურაბ კინტირაიას განცხადებით, დაცვის მხარეს ბრალის წარდგენის შემდეგ გადმოეცა საქმის მასალები, რომელიც რვა ტომისგან შედგება და მისი გაცნობა ვერ მოასწრეს. მათი მოთხოვნა მოსამართლე მანუჩარ ცაცუამ არ დააკმაყოფილა, თუმცა მასალების გასაცნობად საათნახევრიანი შესვენება გამოაცხადა.

პროკურატურა სასამართლოსგან აღკვეთის ღონისძიების სახით პატიმრობას ითხოვდა რამდენიმე არგუმენტით, მათ შორის იმით, რომ არსებობს ბრალდებულების მიმალვის საფრთხე.

თავის მხრივ, დაცვის მხარე ირაკლი ჩხენკელისთვის გირაოს, 50 ათასი ლარის ან უძრავი ქონებით უზრუნველყოფის შეფარდებას, დანარჩენი ორი დაკვებულისთვის კი ნახევარ-ნახევარ მილიონ ლარს ითხოვდა, რადგან მათი მტკიცებით, არ არსებობს მიმალვის, ახალი დანაშაულის ჩადენის ან მოწმეებზე ზემოქმედების საფრთხე. ადვოკატების განცხადებით, არ არსებობდა საფუძველი პატიმრობის შეფარდებისა, რადგან პროკურატურას შესაბამისი დასაბუთებული არგუმენტები არ გააჩნდა. ისინი გადაწყვეტილების გასაჩივრებას აპირებენ.

დაკავებულ ირაკლი ჩხენკელს, მამუკა ლაგვილავას და მანუჩარ გაბუნიას ბრალი დღეს წარუდგინეს. ისინი თავს დამნაშავედ არ მიიჩნევენ და ბრალს არ აღიარებენ. 

შინაგან საქმეთა სამინისტროს ინფორმაციით, სამართალდამცავებმა, გუშინ სენაკსა და ფოთში ერთდროულად ჩატარებული სპეციალური ოპერატიული ღონისძიებების შედეგად, ორგანიზებული დანაშაულებრივი ჯგუფის 3 წევრი დააკავეს. შსს-ს ინფორმაციით, ბრალდებულები "ქურდული სამყაროს" მიერ დადგენილი წესებით მოქმედებდნენ. გამოძიება ქურდული სამყაროს წევრობის ფაქტზე მიმდინარეობს, საქართველოს სისხლის სამართლის კოდექსის 223-პრიმა მუხლის 1-ლი ნაწილით მიმდინარეობს, რაც 7-დან 10 წლამდე ვადით თავისუფლების აღკვეთას ითვალისწინებს.

ამავე თემაზე:

“ქურდული სამყაროს” წევრობის ბრალდებით დაკავებული ორი პირი ბრალს არ აღიარებს


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 19 °C
img
ფოთი 17 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.