ახალი ამბები
სასამართლომ მესტიის მერიის ააიპ-ს ყოფილი თანამშრომლის სამსახურში აღდგენა დაავალა
ზუგდიდის რაიონულმა სასამართლომ მესტიის მუნიციპალიტეტის მერიის ააიპ კულტურისა და ხელოვნების ცენტრის დირექტორის ბრძანება თანამშრომლის მანანა საღლიანის სამსახურიდან გათავისუფლების შესახებ ბათილად ცნო. მოსამართლის გადაწყვეტილებით, ააიპ-ის ხელმძღვანელს დაევალა საღლიანი სამსახურში იმავე თანამდებობაზე აღადგინოს და განაცდური აუნაზღაუროს.

საღლიანის ინტერესებს „ადამიანის უფლებების სწავლებისა და მონიტორინგის ცენტრი“ იცავდა.

მან რადიო „ათინათს“ უთხრა, რომ ის შესაბამისი სამართლებრივი პროცედურების დასრულების შემდეგ სამსახურში მისვლას და მუშაობის გაგრძელებას აპირებს. მოპასუხე მხარე მას უდისციპლინობას ედავებოდა.

"ჩემი ჯანმრთელობის მდგომარეობის გამო ვერ დავდიოდი სამსახურში და ამის შესახებ წერილობით მქონდა ინფორმაცია მათთვის გადაცემული. თუ მათ არ გაასაჩივრეს გადაწყვეტილება, უახლოეს ხანებში სააღსრულებო ფურცლით მივალ სამსახურში", - აღნიშნა საღლიანმა.

რაც შეეხება მოპასუხე მხარეს, ააიპ-ის დირექტორმა გეგი ფალიანმა გვითხრა, რომ გადაწყვეტილება პირადად არ ჩაბარებია და საკითხზე კომენტარს ამ ეტაპზე არ აკეთებს.

მესტიის მუნიციპალიტეტის ორი ააიპ-ის ხელმძღვანელი და ერთ-ერთის თანამშრომელი პოსტებიდან გასული წელს გაუშვეს. ისინი მერს სამსახურიდან პოლიტიკური ნიშნით გათავისუფლებაში ადანაშაულებენ. სახელოვნებო სკოლის ყოფილი დირექტორის მაია კახიანის, ააიპ კულტურის სამსახურის ყოფილი უფროსის ნარგიზ ნიგურიანისა და ააიპ კულტურის სამსახურის თანამშრომლის მანანა საღლიანის მტკიცებით, ისინი პოსტებიდან იმის გამო გაუშვეს, რომ ჰესების საწინააღმდეგო აქციებზე გამოდიოდნენ და საკუთარ პოზიციას გამოხატავდნენ.

მათ საპასუხოდ ბრალდებებს კატეგორიულად უარყოფდა მესტიის მუნიციპალიტეტის მერი. კაპიტონ ჟორჟოლიანის თქმით, აღნიშნული გადაწყვეტილების შესახებ მათთვის ცნობილი იყო და ეს ჰესების საწინააღმდეგო აქციებს არ უკავშირდება. მერიის ინფორმაციით, მათი გათავისუფლება რეორგანიზაციას (სამი ააიპ-ის გაერთიანებას) უკავშირდებოდა.  ზუგდიდის სასამართლო ნიგურიანისა და კახიანის საქმეებსაც განიხილავს.

ამავე თემაზე:

მესტიის აიპების ხელმძღვანელები მერს პოლიტიკური ნიშნით გათავისუფლებაში ადანაშაულებენ

Print Email
FaceBook Twitter
რ ე კ ლ ა მ ა
ზუგდიდის სოფელ კახათის #1 საჯარო სკოლის მოსწავლეები მიმდინარე წლის ზაფხულში გერმანიის, ავსტრიის, თურქეთის, აზერბაიჯანის, სომხეთის და საქართველოს საერთაშორისო ბანაკებში გაემგზავრებიან.
საზოგადოება
პირველკლასელთა რეგისტრაციის ვადები ორ ეტაპად განისაზღვრა.
„ანაკლიის განვითარების კონსორციუმი“ საქართველოს მთავრობის წინააღმდეგ ჟენევაში საარბიტრაჟო დავის დაწყებას აპირებს.
ზუგდიდის ბაღის ლოგოს კონკურში მონაწილეობის მიღება მსურველებს 10 თებერვლიდან შეეძლებათ. საკონკურსო პირობებზე ლოგოს შესარჩევად დაკომპლექტებულმა  სპეციალურმა კომისიამ დღეს იმსჯელა.
დღის სიახლეები
29 / თებერვალი 2020
გარემოსდაცვითი ზედამხედველობის დეპარტამენტი მოსახლეობას აფრთხილებს, რომ გადამფრენ ფრინველებზე ნადირობა პირველი მარტიდან იკრძალება.
29 / თებერვალი 2020
სამეგრელო-ზემო სვანეთის პოლიციის დეპარტამენტის თანამშრომლებმა უკრაინის მოქალაქე, 1981 წელს დაბადებული ვ.შ. თბილისში ნარკოდანაშაულისთვის დააკავეს.
28 / თებერვალი 2020
ზუგდიდში ახალგაზრდა მამაკაცი დაჭრეს. მას ჭრილობები მუცლის და გულ-მკერდის არეში აღენიშნება.
მთავარი საინფორმაციო გამოშვება
არქივი
ამინდი
ზუგდიდი 17 °C
img
სოხუმი 16 °C
img
ფოთი 13 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.