ახალი ამბები
საკრებულოს თავმჯდომარე:"თაუნ პარკს" უფლება არ აქვს, მოქალაქეებს პარკირების საფასური გადაახდევინოს
ზუგდიდის მერია "თაუნ პარკთან" ხელშეკრულების გაწყვეტის აქტის შეჩერებასთან დაკავშირებული გადაწყვეტილების მიმღებ მოსამართლეს განმარტებას მოსთხოვს. ამის შესახებ მერიის იურისტმა ნათია ჩიტაიამ საკრებულოს სხდომაზე ისაუბრა. მისი მტკიცებით, მოსამართლეს ადმინისტრაციული კანონის შესაბამისად, არ ჰქონდა უფლება, რომ უკვე აღსრულებული სამართლებრივი აქტი შეეჩერებინა.

"ეს ბრძანება ხელშეკრულების შეწყვეტის შესახებ აღსრულდა და ძალაში შევიდა ჯერ კიდევ 3 იანვარს, მოსამართლემ კი პირველ თებერვალს მიიღო მისი შეჩერების გადაწყვეტილება, რისი უფლებაც არ ჰქონდა და სამართლებრივად უსაფუძვლოა. ჩვენ გვაქვს ამის უფლება და მოვთხოვთ მოსამართლეს, განგვიმარტოს მისი გადაწყვეტილების საფუძველი", - თქვა ჩიტაიამ.

აღნიშნული საკითხი სხდომაზე ფრაქცია "ევროპული საქართველოს" თავმჯდომარემ ბათლომე შელიამ დასვა. მისი შეფასებით, "თაუნ პარკსა" და მერიას შორის არსებული დავა კითხვის ნიშნებს ბადებს და შესაძლოა, ამის გამო ზუგდიდის ბიუჯეტმა იზარალოს.

"ჯერ მერის მოადგილემ ხალხს მოუწოდა, არ გადაეხადათ პარკირების საფასური, მერე სასამართლომ გადაწყვიტა, რომ ხელშეკრულების გაწყვეტის გადაწყვეტილება კანონიერი არ იყო, მერია კი ახლა ამბობს, რომ სასამართლომ მიიღო არასწორი გადაწყვეტილება. მე ვერ დამაკმაყოფილა მათმა პასუხმა და გაურკვეველი სიტუაციაა. არ გამოვრიცხავ, რომ სასამართლოს წაგების შემთხვევაში ბიუჯეტსაც ვაზარალებთ იმით, რომ არ შემოსულა გადასახადები ამ პერიოდში და ასევე მერიას დაეკისროს ჯარიმა", - განმარტა შელიამ.

საკრებულოს თავმჯდომარე მამუკა წოწერია კი ამბობს, რომ სამართლებრივი ჩარჩოებიდან გამომდინარე, "თაუნ პარკს" ამ ეტაპზე უფლება არ აქვს, პარკირების საფასურის მოსთხოვოს მოქალაქეებს.

"იურისტების განმარტებით, მერიის მიერ მიღებული სამართლებრივი აქტი იყო აღსრულებული, როცა ზუგდიდის სასამართლომ მიიღო შეჩერების გადაწყვეტილება. "თაუნ პარკს" არ აქვს მოსახლეობისგან თანხის აკრეფის უფლება, იქიდან გამომდინარე, რომ კომპანიას არ აქვს ოპერირების უფლება, შესაბამისად, მოსახლეობას აქვს უფლება არ გადაიხადოს ეს თანხები. საბოლოოდ კი, არსებითი განხილვის შემდეგ გადაწყდება ამ სამართლებრივი აქტის კანონიერება", - განაცხადა წოწერიამ.

ქუთაისის სააპელაციო სასამართლომ ძალაში დატოვა ზუგდიდის რაიონული სასამართლოს გადაწყვეტილება მერიასა და „თაუნ პარკს“ შორის დადებული ხელშეკრულების გაწყვეტის განკარგულების შეჩერების შესახებ. 




Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 19 °C
img
ფოთი 17 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.