ახალი ამბები
აშშ-ს ელჩის შეფასებით, კვარაცხელიას გაურკვეველ ვითარებაში გარდაცვალების ფაქტი ადამიანის უფლებების უხეში დარღვევაა
ამერიკის შეერთებული შტაბების ელჩის მოვალეობის შემსრულებელი რიჩ უილსონი შერიგებისა და სამოქალაქო თანასწორობის საკითხებში სახელმწიფო მინისტრს ქეთევან ციხელაშვილს შეხვდა. შეხვედრის ერთ-ერთი მთავარი თემა ირაკლი კვარაცხელიას ჯერჯერობით დაუდგენელ ვითარებაში გარდაცვალება იყო. ამის შესახებ რადიო „ათინათს“ სამინისტროდან აცნობეს.

„ჩვენ განვიხილეთ არსებული სიტუაცია. რა თქმა უნდა, ვისაუბრეთ იმ მძიმე, ტრაგიკულ ინციდენტზე, რომელიც ირაკლი კვარაცხელიას გარდაცვალებას უკავშირდება - ჯერჯერობით, მოწოდებული ინფორმაციით, თვითმკვლელობას, თუმცა ახლა ექსპერტიზა ტარდება და ალბათ მეტი ინფორმაცია გვექნება. ელჩისგან კიდევ ერთხელ მოვისმინე ის, რაც ამერიკის შეერთებული შტატების ძალიან მყარი პოზიციაა - საქართველოს ტერიტორიული მთლიანობისა და სუვერენიტეტის მიმართ მათი მხარდაჭერა. ასევე, სამშვიდობო პროცესის მხარდაჭერა და ამ პროცესის უალტერნატივობა. ცხადია, ის, რაც რუსეთის მხრიდან ხორციელდება, სრულიად მიუღებელია. ეს სახელმწიფო დეპარტამენტის ანგარიშშიც აისახა“,“- აღნიშნა ციხელაშვილმა.

თავი მხრივ, რიჩ უილსონი ირაკლი კვარაცხელიას ამ დროისთვის დაუდგენელ ვითარებაში გარდაცვალების ფაქტს „საშინელს“ უწოდებს და ადამიანის უფლებების უხეშ დარღვევად აფასებს.

„ამ ფაქტს ადამიანის უფლებათა შემდგომ ანგარიშში აუცილებლად ავსახავთ. ეს ფაქტი კიდევ ერთხელ წარმოაჩენს თუ რამდენად მნიშვნელოვანია ამ სამინისტროს მუშაობა“,- დასძინა მან.

გარდა ამისა, ელჩის მოვალეობის შემსრულებელმა აღნიშნა, რომ მხარდაჭერას გამოხატავს იმაზე, რასაც სახელმწიფო მინისტრი, მისი თქმით, შერიგების მიმართულებით და ქვეყანაში, მათ შორის,აფხაზეთსა და სამხრეთ ოსეთში მოქალაქეების მდგომარეობის გასაუმჯობესებლად აკეთებს.

ამავე თემაზე:

ირაკლი კვარაცხელიას ცხედარი საკუთარ სახლში გადაასვენეს (ვიდეო)
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 11 °C
img
სოხუმი 10 °C
img
ფოთი 12 °C
img
მესტია -1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.