ახალი ამბები
9 აპრილის მემორიალი ნაბაკევში, რომელიც ოკუპანტებმა გადააკეთეს (ფოტო)
ნაბაკევის ცენტრში 1989 წლის მიწურულს აღმართული 9 აპრილის მემორიალი რუსმა ოკუპანტებმა გადააკეთეს, სახე შეუცვალეს და გადაღებეს. მემორიალს, რომელიც წლების წინ ცხრა აპრილს დაღუპულთა სიმბოლო იყო, ახლა ,,აფხაზეთის თავისუფლებისათვის დაცემული მეომრების უკვდავსაყოფად" აწერია. ის 30 წლის წინ ხურჩაში მცხოვრებმა „ეროვნული მოძრაობის“ წევრმა ჯამბულ ეხვაიამ და ადგილობრივმა მოსახლეობამ მოაწყეს. ჯამბულ ეხვაია რადიო „ათინათს“ უყვება, რომ ამ იდეის განხორციელებაში მან დიდი ენერგია და შრომა დახარჯა. 

ფოტო: ჯამბულ ეხვაია და მისი ქალიშვილი ჯინა

„ენა მამული სარწმუნოება“ სიმბოლოდ იყო აღმართული ცხრა აპრილის დღის აღსანიშნავად. პირველ სვეტზე იყო დედა ენის გამოსახულება. ცენტრში იყო საქართველოს კონტურული რუკა, მესამე ფლიგელზე იყო წმინდა გიორგის ხატი. მას ჰქონდა გუმბათის ფორმა და ჯვარი იყო აღმართული. გვერდით კი ზარი ჰქონდა ჩამოკიდებული. აქ ახლად დაქორწინებულები 21 სანთელს ანთებდნენ და იყო ხელმოწერის ცერემონიალიც. იმდენი შანდალი იყო, რამდენი ადამიანიც დაიღუპა 9 აპრილს თბილისში. 1989 წელს ეს მემორიალი ჩემი ნახაზით და  ხელმძღვანელობით გაკეთდა. სიმბოლურად იყო ნიჩაბი და მის წინ აღმართული მტევნები, რომელიც უპირისპირდებოდა ამ ძალადობას. მაშინ ეს იდეა კოლმეურნეობამ დააფინანსა. მარმარილოთი იყო თავიდან ბოლომდე. ღობე და ეზოც მოვაწყეთ. პომპეზური გახსნა გვქონდა, მღვდელიც ჩამოვიყვანეთ ილორიდან და აკურთხა“, - გვითხრა ჯამბულ ეხვაიამ.

ეხვაია წუხს, რომ მემორიალი, რომელიც ცხრა აპრილს დაღუპულთა ხსოვნის სიმბოლოა, დღეს გადაკეთებულია და  მოხსნილია ქართული წარწერები.

„რამდენი ენერგია, შრომა და მხარდაჭერა გახდა საჭირო იმისთვის, რომ ეს მემორიალი აღმართულიყო ნაბაკევის ცენტრში. მასში გავაერთიანეთ ენა, მამულის და სარწმუნოების მთლიანობის აზრი. მემორიალის კვარცხლბეკზე შემართული მარჯვენა კი უარს ამბობდა რუსული ხელნიჩაბის ძალმომრეობაზე. ეს იყო ყველაზე წმინდა ადგილი ნაბაკევში. წლები გავიდა... დღეს კი ეს მემორიალი ოკუპანტებმა გადააკეთეს, სახე შეუცვალეს, გუმბათი და ზარი მოხსნეს, გადაღებეს და ზედ დააწერეს ,,აფხაზეთის თავისუფლებისათვის დაცემული მეომრების უკვდავსაყოფად".  მემორიალის სახეცვალებაც ამას ჰქვია. ეხებიან ყველაზე წმინდას, ცვლიან ისტორიას, ცდილობენ ყველგან და ყველაფერში წაშალონ ქართული კვალი“, - ამბობს ჯამბულ ეხვაია. 

1989 წლის 9 აპრილს თბილისში, რუსთაველის გამზირზე მომხდარი ტრაგედიიდან 30 წელი შესრულდა.



Print Email
FaceBook Twitter
დღის სიახლეები
18 / ოქტომბერი 2019
ზუგდიდის სოფელ რუხში კარიერზე მინერალური ქვა იპოვეს. ის დაახლოებით 10-15 კილოგრამს იწონის.
18 / ოქტომბერი 2019
თბილისში, სამი მეგობრის მიერ შექმნილ გალერეაში, ზუგდიდელი მხატვრის ბექა სვირავას ნამუშევრების გამოფენა-გაყიდვა მოეწყობა.
18 / ოქტომბერი 2019
მარტვილის კანიონის განვითარების პროექტი ევროპის საბჭოს ევროპის ლანდშაფტებშია კონვენციის ფარგლებში ჩატარებული კონკურსის გამარჯვებული გახდა.
საზოგადოება
ქართული სამშენებლო კომპანია „პრაიმ ბეტონი“ (Prime Concrete) ფოთის პორტში ახალ „პეის ტერმინალს“ (Pace Terminal) აშენებს, რომლის სამშენებლო სამუშაოების საერთო ღირებულება 20 მლნ აშშ დოლარს შეადგენს.
დადიანების სასახლეთა ისტორიულ-არქიტექტურული მუზეუმის ეზოში მატერიალური მხარდაჭერის კონკურსში გამარჯვებულები დაჯილდოეს. ღონისძიება საერთაშორისო ორგანიზაცია
სამეგრელოში მომდევნო ხუთი დღის განმავლობაში უნალექო ამინდები შენარჩუნდება.
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 22 °C
img
ფოთი 22 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.