ჯვარის სასწრაფო სამედიცინო დახმარების ბრიგადამ დღეს 29 წლის ქალი მანქანაში ამშობიარა. როგორც ექიმმა ირინა სამუშიამ რადიო „ათინათს“ უთხრა, მათ მშობიარობა პირველად მიიღეს.

„დაიბადა გოგონა, 3 კგ და 300 გრამი. ბარჯაში იყო გამოძახება და დაახლოებით, ერთი კმ-ის გავლის შემდეგ დაიწყო ფიზიოლოგიური მშობიარობა. კარგად გრძნობს თავს დედა-შვილი. ძალიან ემოციური იყო ეს ყველაფერი, აღმოჩნდა, რომ მეხუთე შვილია“, - გვითხრა ექიმმა.

დედა-შვილი სასწრაფომ ზუგდიდის რეფერალურ ჰოსპიტალში გადაიყვანა.