ახალი ამბები
ჩხეტია ზუგდიდის პოლიციის უფროსისთვის დისციპლინური პასუხისმგებლობის დაკისრებას მოითხოვს
წვრილმანი ხულიგნობისა და პოლიციისადმი დაუმორჩილებლობის ბრალდებით დაკავებული მანუჩარ ჩხეტია, რომელსაც დღეს ჯარიმის გადახდა დაეკისრა, სასამართლოს გადაწყვეტილებას გაასაჩივრებს. მისი თქმით, ის უდანაშაულოა და მისთვის 1500 ლარიანი ჯარიმის დაკისრება უსამართლობაა.

„არ ველოდი ნამდვილად იმიტომ, რომ ეს შენობა და ეს სასამართლო გადაქცეულია გახარიას კანტორად, სადაც იღებენ უკანონო გადაწყვეტილებს და აუცილებლად გავასაჩივრებ. ვიდეოკადრებში ნათლად ჩანს, რომ არანაირი ბრალი არ მიმიძღვის“, - აღნიშნა ჩხეტიამ.

გარდა ამისა, იგი ზუგდიდის პოლიციის სამმართველოს უფროსის დისციპლინური პასუხისმგებლობას ითხოვს. ჩხეტია შესაბამისი განცხადებით გენერალური ინსპექციისთვის მიმართვას გეგმავს.

როგორც მან პროცესზე განაცხადა, მას არ დაურღვევია საზოგადოებრივი წესრიგი და არ უგინებია პოლიციის სამმართველოს უფროსის ირაკლი ფაცაციასთავის, როგორც ეს მოსარჩელე მხარის ოქმში იყო ასახული. საზოგადოებრივი წესრიგის დარღვევა არ გამოიკვეთა პირის დაკავების ოქმის შემდგენი პოლიციელის ნიკა ნინუას მიერ წარმოდგენილ ვიდეო მასალაში, თუმცა ის აცხადებდა, რომ ჩხეტიამ წინააღმდეგობა გაუწია სამართალდამცავებს და ასევე სიტყვიერი შეურაცხყოფა მიაყენა მათ უფროსს, რასაც მოპასუხე მხარე არ დაეთანხმა. ჩხეტიას ადვოკატის მირანდა გოგოხიას თქმით, მის დაცვის ქვეშ მყოფს არ დაურღვევია კანონი.

საბოლოოდ ზუგდიდის რაიონულმა მოსამართლემ მანუჩარ ცაცუამ მიიღო გადაწყვეტილება და „ნაციონალური მოძრაობის" აქტივისტი მანუჩარ ჩხეტია სამართალდამრღვევად პოლიციის დაუმორჩილებლობის მუხლით ცნო და მას 1500 ლარის ოდენობით ჯარიმის გადახდა დააკისრა. რაც შეეხება წვრილმან ხულიგნობას, მოსამართლემ აღნიშნული მუხლით იგი სამართალდამრღვევად არ ცნო.

"ერთიანი ნაციონალური მოძრაობის" პოლიტსაბჭოს წევრი და ზუგდიდის საკრებულოს ფრაქცია „ნაციონალური მოძრაობის“ ლიდერი ანა წითლიძე, პარტიის პრესსამსახურის უფროსი გიორგი პატარაია და აქტივისტი მანუჩარ ჩხეტია
11 აპრილს ნარაზენში დააკავეს, სადაც გაერთიანებული ოპოზიციის ზუგდიდის მერობის კანდიდატი სანდრა რულოვსი შეხვედრას მართავდა. სამმართველოს შენობა წითლიძემ და პატარაიამ, იმავე დღეს დატოვეს, თუმცა წინასწარი დაკავების იზოლატორში გადაიყვანეს მანუჩარ ჩხეტია. მას ბრალი ადმინისტრაციულ სამართალდარღვევათა კოდექსის 166-ე და 173-ე მუხლებით წარუდგინეს, რაც წვრილმან ხულიგნობასა და პოლიციისადმი დაუმორჩილებლობას გულისხმობს.

ზუგდიდის რაიონულმა სასამართლომ ენმ-ის პოლიტსაბჭოს წევრი ანი წითლიძე და პარტიის პრესსამსახურის უფროსი გიორგი პატარაია გუშინ, 18 აპრილს ადმინისტრაციულ სამართალდარღვევათა კოდექსის ორივე 166-ე და 173-ე მუხლით დამნაშავედ ცნო და 2000-2000 ლარიანი ჯარიმები შეუფარდა.

ამავე თემაზე:

სასამართლომ ენმ-ის აქტივისტს 1500 ლარის გადახდა დააკისრა


Print Email
FaceBook Twitter
დღის სიახლეები
24 / აგვისტო 2019
სენაკის მუნიციპალიტეტის სოფელ გეჯეთში, მდინარე ტეხურაში 24 წლის მამაკაცი დაიხრჩო. არსებული ინფორმაციით, ის მდინარეზე მეგობრებთან ერთად იყო წასული,
24 / აგვისტო 2019
ამ დროის მონაცემებით სამეგრელო-ზემო სვანეთის მუნიციპალიტეტების სკოლებში მასწავლებლის პოზიციაზე 460 ვაკანსიაა გამოცხადებული. სასწავლო დაწესებულებებში,
24 / აგვისტო 2019
25 აგვისტოს ოკუპირებული აფხაზეთის დე-ფაქტო ხელისუფლება "საპრეზიდენტო არჩევნებს" ჩაატარებს. მასში 9 კანდიდატი
საზოგადოება
{{ARTICLEIMAGE}}ანაკლიასა და განმუხურში მუსიკალურ ფესტივალ ECHOWAVES 2019-ის მოსამზადებელი სამუშაოები მიმდინარეობს.
რუსეთ-საქართველოს 2008 წლის ომიდან 11 წელი გავიდა. აგვისტოს ხუთ დღიან ომს 400-ზე მეტი ადამიანის სიცოცხლე ემსხვერპლა, მათ შორის იყო 170 სამხედრო პირი, შს სამინისტროს 19 თანამშრომელი და 244 სამოქალაქო პირი.
ივლისში საქართველოს 1,099,474 საერთაშორისო ვიზიტორი ესტუმრა, რაც გასული წლის მაჩვენებელს 5.8%-ით აღემატება. ამის შესახებ ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა ტურიზმის მე-2 კვარტლის სტატისტიკის შეჯამების და ივლისის მონაცემებზე საუბრისას განაცხადა.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 21 °C
img
სოხუმი 23 °C
img
ფოთი 23 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.