ახალი ამბები
უმრავლესობის წევრის განმარტება - უმადურებში ოპოზიციური პოლიტიკური პარტიები ვიგულისხმე
ყულიშკარის მაჟორიტარი დეპუტატი ზაზა პროკოპენკო ამბობს, რომ მას უმადურ ხალხში ზუგდიდის მოსახლეობა არ უგულისხმია. უმრავლესობის დეპუტატის მტკიცებით, მან ის ოპოზიციური პოლიტიკური პარტიები იგულისხმა, რომლებიც, მისივე თქმით, მუდმივად უკმაყოფილოები არიან.

„საფინანსო სამსახურის უფროსმა ბატონმა მურთაზ ბოკუჩავამ თქვა, რომ 62 ათას 500 ადამიანს შეეხო ესა თუ ის ინფრასტრუქტურული პროექტი, რომელიც ზუგდიდში გაკეთდა. ამ დროს გავიხედე ბათლომე შელიასკენ და ვთქვი, რომ ხალხი მაინც უკმაყოფილოა და აქ ვიგულისხმე პოლიტიკური პარტიები, რომლებიც ძალიან შავ ფერებში ხედავენ ყველაფერს, რაც ჩვენ ქალაქში კეთდება. მე არ მიგულისხმია არავითარ შემთხვევაში ზუგდიდის მოსახლეობა, რომელიც ძალიან კარგად ხედავს, რა კეთდება და რა არ კეთდება . მე პირდაპირ ვიგულისხმე ის პოლიტიკური პარტიები, რომლებიც ყოველთვის გვეყოლება, ესე იგი ოპოზიციურად არიან განწყობილნი ყველაფრის მიმართ, რაც კი კარგი კეთდება თუ ცუდი“, - უთხრა სხდომის დასრულების შემდეგ ჟურნალისტებს პროკოპენკომ.

მისი რეპლიკა სხდომაზევე გააპროტესტა ფრაქცია „ევროპული საქართველოს“ ლიდერმა ბათლომე შელიამ. ის თვლის, რომ მსგავსი მიდგომა ხელისუფლების „ნარცისიზმის“ მაჩვენებელია. შელია თვლის, რომ ეს მხოლოდ პროკოპენკოს პრობლემა კი არა, მთელი „ქართული ოცნების“ პრობლემაა.

"რა თქმა უნდა, ცუდი მესიჯია და ეს მარტო ზაზას პრობლემა კი არ არის. სამწუხაროდ, მთელი ხელისუფლება ფიქრობს მართლა, რომ ძალიან კარგები არიან და ესეთი სახელისუფლებო ნარცისიზმი სჭირთ. თვლიან, რომ ისინი კარგები არიან, მაგრამ ჩვენ ვერ ვხედავთ და მხოლოდ „რუსთავი 2“ და სერიალები აშავებენ ამას. ბიძინა ივანიშვილი - მათი ლიდერიც ასე თვლის და ავტომატურ რეჟიმში მთელი ხელისუფლება ფიქრობს, რომ მართლა კარგები არიან და ხალხია დაუნახავი“, - აღნიშნა შელიამ.

ზუგდიდის მუნიციპალიტეტის სოფელ ყულიშკარის მაჟორიტარი დეპუტატისა და ზუგდიდის საკრებულოს უმრავლესობის წევრის თქმით, ადგილობრივი ხელისუფლება მოსახლეობისთვის ბევრს აკეთებს და ხალხი მაინც უმადურია. ამის შესახებ მან საკრებულოში 2018 წლის ბიუჯეტის ანგარიშის შესრულების მოსმენისას თქვა.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 17 °C
img
სოხუმი 14 °C
img
ფოთი 16 °C
img
მესტია 9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.