ახალი ამბები
ზუგდიდის მერია ყინულის სასახლის ტერიტორიას ყიდის
ზუგდიდის საკრებულომ სკეიტ პარკში მდებარე ყინულის სასახლის ტერიტორიის  საპრივატიზაციო ნუსხაში შეტანის გადაწყვეტილება მიიღო. აღნიშნული საკითხის განხილვას სხდომაზე ხმაური მოჰყვა. გადაწყვეტილების მიღებამდე სხდომა „ერთიანი ნაციონალური მოძრაობის“, „ევროპული საქართველოს“ წევრებმა და მოქალაქე აქტივისტების ნაწილმა დატოვა. მანამდე საკრებულოს წევრმა ენმ-დან ანა წითლიძემ აღნიშნა,  რომ გადაწყვეტილების მიღება მერის გიორგი შენგელიას ლობირებით ხდება, რაზეც საკრებულოს თავმჯდომარემ მამუკა წოწერიამ უპასუხა, რომ ტერიტორიას აუქციონზე გაიტანენ და იყიდის თუ არა მას კომპანია m², ჯერ უცნობია.

„მოწესრიგებულ ინფრასტრუქტურასთან ერთად ეს იქნება ადგილი, რომელიც ქალაქს აქცევს მიზიდულობის ცენტრად. ამ შინაგანი რწმენით მივდივართ ამ გადაწყვეტილებამდე. როცა აქ ცნობილი ბრენდი შემოვა, ეს სხვა ინვესტორებისთვის იქნება სიგნალი. m² ნამდვილად არ არის გადაწყვეტილი. არ გამოვრიცხავ, ის გახდეს გამრჯვებილი, თუმცა არც სხვა გამოირიცხება“, - აღნიშნა წოწერიამ.

საკრებულოს გადაწყვეტილების თანახმად, ტერიტორია 7 მილიონზე მეტ ლარად გაიყიდება, ხოლო ინვესტორს, რომელიც შეიძენს მას, ექნება ვალდებულება, 8 მილიონი დოლარის ინვესტიცია განახორციელოს. რაც შეეხება ყინულის სახლს, მას შემდეგ, რაც ინვესტორი 200 000 ლარს გადაიხდის, მერია კონსტრუქციას სხვა ადგილას თავად გადაიტანს.

აღნიშნულ ტერიტორიაზე, აუქციონში გამარჯვებულმა 80 ნომრიანი, საერთაშორისო სტანდარტების, ბრენდული სასტუმრო უნდა ააშენოს.

ყინულის სასახლის ადგილას კომპანია m² სამსართულიანი სასტუმროს აშენება სურდა. ამის შესახებ კომპანიის გენერალურმა დირექტორმა ირაკლი ბურდილაძემ სასტუმროს პროექტის პრეზენტაციაზე 25 ნოემბერს ისაუბრა. მან აღნიშნა, რომ ამ საკითხზე ზუგდიდელების აზრი და შეფასებები აინტერესებს. მისი თქმით, სასტუმრო იქნება საერთაშორისო ბრენდის და ის ხელს არ შეუშლის დადიანების სასახლის ხედს. ადგილობრივების ნაწილი სკეიტ პარკის მიმდებარედ ყინულის სასახლის ადგილას სასტუმროს აშენების წინააღმდეგია. ისინი თვლიან, რომ რეკრეაციულ ზონაში მსგავსი მშენებლობა მიზანშეწონილი არ არის.

სკეიტ პარკში, ყინულის სახლის ადგილას სასტუმროს მშენებლობის კონცეფციაზე საჯარო განხილვა ზუგდიდში, სამხარეო ადმინისტრაციის შენობაში, 19 თებერვალს გაიმართა. შეხვედრას საზოგადოების ნაწილი, ადგილობრივი ხელისუფლების და m²-ის წარმომადგენლები ესწრებოდნენ. დამსწრეების ნაწილს ყინულის სახლის ადგილზე სასტუმროს აშენება არ სურდა.

სკეიტ პარკის მიმდებარე ტერიტორიაზე 120 ნომრიანი სასტუმროს მშენებლობის წინააღმდეგ 16 თებერვალს ზუგდიდში აქცია გაიმართა. აქციის მონაწილეები ადგილობრივი მთავრობის წარმომადგენლებთან შეხვედრას და ამ საკითხის განხილვას ითხოვდნენ.

ამავე თემაზე:

ზუგდიდის საკრებულოს სხდომა მოქალაქეების ნაწილმა პროტესტის ნიშნად დატოვა
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 15 °C
img
სოხუმი 11 °C
img
ფოთი 13 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.