მესტიის მუნიციპალიტეტში, იდლიანის თემში, უბედური შემთხვევის შედეგად შუახნის მამაკაცი დაიღუპა. მას თავის არეში საკუთარი შვილის, 12 წლის გოგოს მიერ, შემთხვევით გასროლილი ტყვია მოხვდა.

სოფლის გამგებლის ბეჟან ჭკადუას ინფორმაციით, მამა-შვილი მამის სამუშაო ადგილას იმყოფებოდნენ, სადაც, შემთხვევა მოხდა.

"გაურკვეველია, საიდან მოხვდა ცეცხლსასროლი იარაღი, გადაჭრილი ფოთი აღნიშნულ ადგილას. ტყვია მოხვდა თავის არეში, ადგილზე დაიღუპა", - უთხრა რადიო "ათინათს" ჭკადუამ.

მისივე ინფორმაციით, სამართალდამცავებმა შესაბამისი საგამოძიებო მოქმედებები განახორციელეს, მათ შორის, გოგონაც დაკითხეს.

შს სამინისტრომ მომხდარზე გამოძიება 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.