რეგიონი
ჩხორიელი და ფახულანელი მოსწავლეები ტურისტებს საკუთარ სოფლებში ეპატიჟებიან (ფოტო)
სამეგრელოს მუნიციპალიტეტების სკოლების სამოქალაქო კლუბების წევრებმა გადაწყვიტეს, ტურისტებისთვის მათ სოფლებში საინტერესო ადგილები მოენიშნათ და მნიშვნელოვან ადგილებზე შესაბამისი ბანერები დაედგათ. ინიციატივა ამჯერად ფახულანისა და ჩხორიის საჯარო სკოლების სამოქალაქო კლუბების წევრებს ეკუთვნით. ბანერების დამზადებაში მათ პროგრამა „მომავლის თაობა“ დაეხმარა.

ანანო ხარებავა, რომელიც სამოქალაქო კლუბ „ნიკეს“ ლიდერია, ამბობს, რომ მეგობრებთან და მასწავლებელთან ერთად, ჩხორიაში მდებარე ადგილების შესახებ ინფორმაცია მოიძიეს, ფოტოები გადაიღეს და ბანერისთვის მოამზადეს. ჩხორიელი მოსწავლეები მათი სოფლის სტუმრებს უნიკალური ხევის, დედათა მონასტრის, კოლხური ოდა სახლების, სისატურას, წმინდა გიორგის სახელობის „ნაოხვამუსა“ და ხარებავების კარმიდამოს მონახულებას ურჩევენ. ბანერზე, რომელიც მალე სოფლის ცენტრში დამონტაჟდება, რუკით ჩხორიის ადგილმდებარეობა, ღირსშესანიშნაობები ფოტოები და მოკლე ინფორმაციაა აღბეჭდილი.


„საკლასო პროექტი „ჩემი სოფელი ტურისტულ რუკაზე“ შევიმუშავეთ თვითონ და ამ პროექტის ფარგლებში ჩვენ შევისწავლეთ ჩვენს სოფელში არსებული ღირსესანიშნაობები. ვითანამშრომლეთ ტურისტულ სააგენტოსთან და დავამზადეთ ორენოვანი ბუკლეტი, რის შემდეგაც გადავწყვიტეთ ბანერის დამზადება, რათა ტურისტებისთვის უკეთ ყოფილიყო  წარმოდგენილი ჩვენს სოფელში არსებული ღირსესანიშნაობები“, - უთხრა რადიო „ათინათს“ ანანომ.


ჩანჩქერების - ოგორგინჯუ და ოხვილეშის მონახულებას ურჩევენ წალენჯიხის სტუმრებს ფახულანის სკოლის სამოქალაქო კლუბ „ვექტორის“ მოსწავლეები. მათ ექსკურსია მოაწყეს, ფოტოები გადაიღეს და ინფორმაცია სოციალურ გვერდზე გააზიარეს. ამის შემდეგ ფახულანს სკოლის მოსწავლეები წალენჯიხის სხვა სოფლებიდანაც ესტუმრნენ.

„ისეთ ადგილას დავდგით ბანერები, რომელიც გზის გასაყარზეა და ვუთითებთ, რომელი მიმართულებით რომელი მდინარეა. ორივე მათგანი ძალიან ლამაზია. ძალიან გვინდა, უფრო მეტი ტურისტი მოვიდეს ჩვენს სოფელში“, - გვითხრა ფახულანის სამოქალაქო კლუბის ლიდერმა თამთა გერგედავამ.

მოსწავლეები მზად არიან, დაინტერესების შემთხვევაში, ადგილობრივ და უცხოელ სტუმრებს უმასპინძლონ და გიდობა გაუწიონ.

2018 წლიდან სამოქალაქო განათლების პროგრამა „მომავლის თაობა“ ახალ 230 სკოლას უწევს დახმარებას. მის ფარგლებში ასოციაცია ,,ათინათი“ სამეგრელო-ზემო სვანეთის რეგიონის 32 სკოლაში მუშაობს. „მომავლის თაობა“ ხელს უწყობს სამოქალაქო განათლების სწავლების ხარისხის ამაღლებას სკოლებში და მოსწავლეების მიერ სამოქალაქო განათლების გაკვეთილზე მიღებული ცოდნის პრაქტიკაში გამოყენებას, ინფორმირებული და პასუხისმგებლობის მქონე მოქალაქეების აღზრდას.

პროგრამას ახორციელებს ამერიკული ორგანიზაცია PH International ამერიკის შეერთებული შტატების საერთაშორისო განვითარების სააგენტოს (USAID) დაფინანსებით და საქართველოს განათლებისა და მეცნიერების სამინისტროს მხარდაჭერით. პროგრამა ხორციელდება სამოქალაქო განათლების პედაგოგთა ფორუმთან და რეგიონულ პარტნიორ ორგანიზაციებთან თანამშრომლობით. სამეგრელო-ზემო სვანეთის რეგიონში პროგრამის პარტნიორია ასოციაცია "ათინათი".


















Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 10 °C
img
სოხუმი 11 °C
img
ფოთი 12 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.