ახალი ამბები
„პატრიოტთა ალიანსის“ ზუგდიდელი წევრი: ლგბტ და კოლგოტიანი მამაკაცების აქციას არ ვემხრობით (ვიდეო)
ზუგდიდის ცენტრალური მოედნის მიმდებარედ „პატრიოტთა ალიანსის“ ადგილობრივი ორგანიზაციის წევრებმა ლგბტქი თემისა და "რუსთავი 2"-ის წინააღმდეგ აქცია გამართეს. შეკრებილებმა ჟურნალისტ გიორგი გაბუნიას მიერ რუსეთის ფედერაციის პრეზიდენტის ვლადიმერ პუტინის მისამართით გინება გააპროტესტეს. აქციის მონაწილეები მიიჩნევენ, რომ აღნიშნული მიმართვა ოკუპანტ ქვეყანას ომის დაწყებისკენ უბიძგებს.

„გაბუნიას მივმართავ, ომი რომ დაიწყოს და მართლა შემოვიდეს ის ოკუპანტი რუსი, თქვენ სად წახვალთ? ხომ დაიმალებათ ვირთხებივით? იმ ომს კი შეეწირებიან ახალგაზრდა ბიჭები. ჩვენ, ქართველები სტუმართმოყვარე ერი ვართ, ამით ვამაყობდით და უნდა ვიამაყოთ მომავალშიც. მტერი კი არა შვილის მკვლელი რომ იყოს, ნორმალური ვაჟკაცი არ შეურაცხყოფს მიცვალებულს და მსგავს სიწმინდეებს“, - თქვა  შავლეგ თოდუამ, რომელიც ზუგდიდის მერის ბოლო არჩევნებზე "პატრიოტთა ალიანსიდან" კენჭს იყრიდა.

რადიო „ათინათის“ კითხვაზე, ამართლებს თუ არა ის რუსი დეპუტატის სერგეი გავრილოვს საქართველოს პარლამენტში ყოფნას და თავმჯდომარის სავარძლის დაკავებას, თოდუა ამბობს, რომ მისი ჩამოყვანა ორი თვის წინ ხელისუფლების, "ევროპული საქრთველოსა" და "ერთიანი ნაციონალური მოძრაობის" მიერ დაიგეგმა.

„გავრილოვი ვინც მოიყვანა, ყველამ კარგად იცით და თქვენ ჟურნალისტებმა სწორად გააშუქეთ ეს ამბები. გავრილოვის ჩამოყვანა წინასწარ იყო დაგეგმილი. მე თქვენ გეკითხებით, ორ წუთში როგორ გაჩნდა იქ პლაკატები, როცა გავრილოვი მივიდა. პროტოკოლი ორი თვის წინ იყო გაწერილი და ყველამ კარგად იცოდა, ვინ სად უნდა ყოფილიყო განაწილებული, ეს იყო მთავრობის ორგანიზებული", - თქვა მან.

რაც შეეხება თბილისში რუთაველის გამზირზე მიმდინარე აქციებს, "პატრიოტია ალიანსის" წევრები ამბობენ, რომ  ისინი ლგბტქი და „კოლგოტიანი კაცების“ პროტესტს მხარს ვერ დაუჭერენ.

„მე ყველანაირ აქციას ვემხრობი და გვერდში ვუდგავარ, რომელიც ქართული ინტერესების დაცვას ეხება. დანარჩენი ლგბტქი და კოლგოტიანი კაცების აქციას არ ვემხრობი, არა ოკუპაციას იძახიან ერთი ხელით  და მეორე ხელით რუსებს უბიძგებენ შემოვიდეს ჯარით“, - ამბობს თოდუა.  

რამდენიმე წუთით აქციის მონაწილეებმა ცენტრალური ქუჩა გადაკეტეს. სამართალდამცავების მოთხოვნის შემდეგ შეკრებილებმა ტროტუარზე გადაინაცვლეს. 

ამავე თემაზე:
„არა რუსთავი 2“-ს, „კი ეკლესიას“ - ზუგდიდში „პატრიოტთა ალიანსის“ აქცია მიმდინარეობს
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
28 / მარტი 2024
საქართველოს ეროვნული ნაკრების გამარჯვებას და მათ მიერ ევროპის ჩემპიონატზე თამაშის უფლების მოპოვებას სოციალური ქსელების აფხაზურ სეგმენტში განიხილავენ.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 15 °C
img
ფოთი 14 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.