ახალი ამბები
გუბერნატორი და უშგულელები პრობლემების მოსაგვარებლად საინიციატივო ჯგუფის შექმნაზე შეთანხმდნენ
უშგულში მოსახლეობა და სამეგრელო-ზემო სვანეთის გუბერნატორი ადგილობრივი პრობლემების მოსაგვარებლად საინიციატივო ჯგუფს შექმნიან. შესაბამისი შეთავაზება უშგულელებმა მხარის რწმუნებულისგან დღეს ადგილზე მიიღეს. სპეციალური ჯგუფის მიზანი უშგულში არსებული საკითხების ცენტრალურ ხელისუფლებამდე მიტანა და მისი გადაჭრა იქნება.

უშგულელები ითხოვენ კოშკებისა და მაჩუბების რეაბილიტაციას, ასევე, ზვავსაშიში ზონის აღდგენასა და უშგულისთვის გენ-გეგმის შემუშავებას.

"ეს არის ყველას პრობლემა და ყველას სატკივარი. აქ უკვე სიცოცხლისთვის საშიში ხდება ცხოვრება, რომ არაფერი ვთქვათ, კულტურული მემკვიდრეობის შენარჩუნებაზე. რაც შეეხება გენ-გეგმას, ვინაიდან არ აქვს უშგულს გენ-გეგმა, იქმნება მშენებლობების პრობლემები. აუცილებელია ამის მოგვარება", - ამბობენ ადგილობრივები.

ალექსანდრე მოწერელია დღეს უშგულის თემის სოფლებში ვითარებას ადგილზე გაეცნო. მათ შორის, დაათვალიერა კოშკები და მაჩუბები და აღნიშნა, რომ რეაბილიტაცია ხარვეზიანია.

"მოსახლეობის გულისწყრომა სამართლიანია. ეს სამუშაოები არ არის ჯეროვანი ხარისხით შესრულებული. აუციელებელია ისინი გამოსწორდნენ და გაგრძელდეს ხარისხიანად. შევთანხმდით, რომ გვექნება კომუნიკაცია და აუცილებლად მივიღებთ ზომებს ხარვეზების გამოსასწორებლად და ყველა იმ პრობლემის მოსაგვარებლად, რომელიც ადგილობრივებს აწუხებთ", - აღნიშნა მოწერელიამ.

უშგულელებმა საპროტესტო აქცია მიმდინარე თვეს უკვე ორჯერ გამართეს. აქციის მონაწილეები სოფელში არსებულ პრობლემების მოგვარებას, პირველ რიგში კი, კულტურული მემკვიდრეობის ძეგლების რეაბილიტაციას ითხოვენ. მათ მესტიის მერთან შეხვედრაზე უარი განაცხადეს და აღნიშნეს, რომ მხოლოდ ცენტრალური ხელისუფლების წარმომადგენლებთან სურდათ მოლაპარაკებები. დღეს მათ პარლამენტის თავმჯდომარე არჩილ თალაკვაძე უნდა შეხვედროდა, თუმცა, სამეგრელო-ზემო სვანეთის პრესსამსახურის ინფორმაციით, ვერტმფრენით მისი მესტიაში გამგზავრება უამინდობის გამო გადაიდო.
Print Email
FaceBook Twitter
რ ე კ ლ ა მ ა
ზუგდიდის სოფელ კახათის #1 საჯარო სკოლის მოსწავლეები მიმდინარე წლის ზაფხულში გერმანიის, ავსტრიის, თურქეთის, აზერბაიჯანის, სომხეთის და საქართველოს საერთაშორისო ბანაკებში გაემგზავრებიან.
საზოგადოება
კორონავირუსთან დაკავშირებით სასკოლო არდადეგები 9 მარტის ნაცვლად, 2 მარტიდან დაიწყება და 16 მარტამდე გაგრძელდება.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, კორონავირუსის მესამე შემთხვევა დადასტურდა.
პირველკლასელთა რეგისტრაციის ვადები ორ ეტაპად განისაზღვრა.
დღის სიახლეები
29 / თებერვალი 2020
კორონავირუსთან დაკავშირებით სასკოლო არდადეგები 9 მარტის ნაცვლად, 2 მარტიდან დაიწყება და 16 მარტამდე გაგრძელდება.
29 / თებერვალი 2020
დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, კორონავირუსის მესამე შემთხვევა დადასტურდა.
29 / თებერვალი 2020
გარემოსდაცვითი ზედამხედველობის დეპარტამენტი მოსახლეობას აფრთხილებს, რომ გადამფრენ ფრინველებზე ნადირობა პირველი მარტიდან იკრძალება.
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 17 °C
img
ფოთი 14 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.