მოსახლეობას ზუგდიდის მერი გიორგი შენგელია შეხვდა. მისი თქმით, მანამ, სანამ აღნიშნულ საკითხს შეისწავლიან, სამუშაოების შემსრულებელი კომპანია უზრუნველყოფს მოსახლეობისთვის წყლის მიწოდებას.

ინფექციურ საავადმყოფოში რადიო „ათინათს“ უთხრეს, რომ ამჟამად მკურნალობას 6 პაციენტი გადის. ამავე ინფორმაციით, მათ სიცოცხლეს საფრთხე არ ემუქრება.

„თეთრი გიორგის ქუჩიდან შემოყვანილ იქნა ერთი და იგივე სიმპტომებით - გულის რევა, ფაღარათი, ცხელება და ზოგადი სისუსტით 8 ადამიანი. მათ შესაბამისი სამედიცინო დახმარება უტარდებათ და პაციენტთა სიცოცხლეს საფრთხე არ ემუქრება. ამჟამად ინფექციურ საავადმყოფოში რჩება მხოლოდ 6 პაციენტი“, - ამბობენ ინფექციურ საავადმყოფოში.

ადგილზე იმყოფებოდნენ კომპანიის წარმომადგენლებიც. მათი განმარტებით, ჭის დაბინძურება მათი ბრალი არაა, ხოლო წყალს მოსახლეობას სოლიდარობის გამო მიაწვდიან.