ზუგდიდის ერთ-ერთ სკოლაში პირველკლასელები მამებმა მიიყვანეს (ვიდეო)
14:00 / 16.09.2019
ზუგდიდის სოფელ ახალაბასთუმანში ახალი სასწავლო წლის დაწყება პერფორმანსით აღნიშნეს. პირველკლასელები საბავშვო ბაღიდან სკოლამდე აღმზრდელებმა მიიყვანეს და მამებს ჩააბარეს.
თავის მხრივ, მამებმა შვილები დამამთავრებელი კლასის მოსწავლებთან მიიყვანეს, რომლებმაც ისინი სასკოლო ოთახამდე მიაცილეს. პერფორმანსის იდეა დაწყებითი კლასის მასწავლებელს ცირა გულუას ეკუთვნის. ღონისძიების მიზანი ბავშვების აღზრდის პროცესში მამების როლის გაზრდა და სასკოლო ცხოვრებაში მათი ჩართულობა იყო. აღნიშნულ სკოლას წელს 21 პირველკლასელი ჰყავს.
"წლევანდელი წელი მამების წლად გამოვაცხადეთ. პირველი დღე საზეიმო შეხვედრით დავიწყეთ და იმედი მაქვს, რომ მამების გული მოვაბრუნე სკოლისკენ. ჩვენ, მამებთან ერთად, ბევრ სასიკეთო და კარგ საქმეს გავაკეთებთ სკოლის ცხოვრებისთვის, რაც მისაბაძი იქნება ბავშვებისთვის", - თქვა პედაგოგმა ცირა გულუამ.
მამები დღევანდელი დღით კმაყოფილები დარჩნენ და თქვეს, რომ ისინი სკოლის ცხოვრებაში აქტიურად ჩაერთვებიან.
"ყველანი გახარებულები ვართ, რომ ასე ლამაზად ჩაიარა ამ ცერემონიამ. მინდა ყველა პირველკლასელს მივულოცო ეს დღე და წარმატებები ვუსურვო მათ", - აღნიშნა ერთ-ერთი პირველკლასელის, ნიაკოს მამამ იოსებ ჯანაშიამ.
ზუგდიდის საგანმანათლებლო რესურს ცენტრის ინფორმაციით, მუნიციპალიტეტში სულ 1 437 პირველკლასელია
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ზუგდიდში ე.წ აგენტების კანონთან დაკავშირებით "ერთიანი ნაციონალური მოძრაობის" ლიდერი ლევან ხაბეიშვილი, ასევე "სტრატეგია აღმაშენებლის" თავმჯდომარე გიორგი ვაშაძე, საზოგადოების სხვადასხვა წარმომადგენელთან ერთად,
გარემოს ეროვნული სააგენტოს ინფორმაციით, 26 აპრილს სამეგრელოში მოსალოდნელია ცხელი და უმეტესად უნალექო ამინდი, 27-29 აპრილს კი სითბოს ფონზე ზოგან ხანმოკლე წვიმა იქნება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები