ანაკლიაში კავკასიური პოეზიის რიგით მესამე ფესტივალი გაიხსნა. მას ჩერქეზული (ადიღური) კულტურის ცენტრი, ზუგდიდის მუნიციპალიტეტის მერიის მხარდაჭერით ატარებს. ანაკლიის ფესტივალზე წარმოდგენილი არიან კავკასიაში მცხოვრები მწერლები, ლიტერატორები, მუსიკოსები და შემსრულებლები. გარდა ამისა წელს პირველად ჰარვარდისა და პრინსტონის უნივერსიტეტების პროფესორებმა, კავკასიურ თემატიკაზე საკუთარი პრეზენტაციები წარადგინეს. მოეწყო კავკასიური თავსაბურავების გამოფენაც.