ახალი ამბები
TI: ზუგდიდის ვიცე-მერს, საკრებულოს თავმჯდომარესა და მის მოადგილეს დეკლარაციები ხარვეზით აქვთ შევსებული
"საერთაშორისო გამჭვირვალობა - საქართველოს" მიერ გამოქვეყნებული კვლევის თანახმად, სამეგრელო-ზემო სვანეთში 40-ზე მეტი დეკლარაციიდან დარღვევა 16 მათგანში გამოვლინდა.

ორგანიზაციაში აცხადებენ, რომ ადგილობრივი თვითმმართველობის წარმომადგენლებმა 12 შემთხვევაში დეკლარაცია არასწორად შეავსეს, 11 შემთხვევაში კი ამა თუ იმ კომპანიის საკუთარი წილი სხვისთვის არ გადაუფორმებიათ.

აღნიშნულ თანამდებობის პირებს შორის მოხვდნენ ზუგდიდის ვიცე-მერი გიგა ფარულავა, საკრებულოს თავმჯდომარე მამუკა წოწერია და მისი მოადგილე ბესიკ ჭეჟია.

გამოქვეყნებულ კვლევაში აღნიშნულია, რომ გიგა ფარულავას 2019 წლის თებერვალში შევსებულ დეკლარაციაში არ აქვს მითითებული, რომ მამამისი გიორგი ფარულავა შპს "როკონას" 100%-იანი წილის მფლობელი და დირექტორია. ფარულავამ რადიო "ათინათს" უთხრა, რომ კომპანია უფუნქციოდაა.

"სიმართლე გითხრათ, არც მახსოვდა, რომ ეს კომპანია, რადგან უკვე დიდი ხანია, არ ფუნქციონირებს", - აღნიშნა ფარულავამ.

შპს "ეთერზეთების კომპანიის" 100 %-იანი წილის მფლობელია მამუკა წოწერია, თუმცა საკუთარი წილი, კანონის მიუხედავად, სხვისთვის არ გადაუცია. როგორც წოწერიამ გვითხრა, აღნიშნული კომპანია, წლებია, უფუნქციოდაა, თუმცა ხარვეზს აღიარებს და მის გამოსწორებას აპირებს.

"2016 წელს ვაპირებდი სხვა პირზე ამ წილის გადაფორმებას, თუმცა საჯარო რეესტრში ხარვეზი დადგინდა, როგორც ვიცი და შემდეგ დამრჩა უყურადღებოდ. აუცილებლად გამოვასწორებ", - გვითხრა საკრებულოს თავმჯდომარემ.

მისი მოადგილის ბესიკ ჭეჟიას მტკიცებით, დაახლოებით, 15 წელია, რაც კომპანია "ლაზიკა+"-დან შემოსავალი არ აქვს, რადგან ეს კომპანია არ ფუნქციონირებს.

"არც მიფიქრია, რომ სხვისთვის უნდა გადამეცა ეს წილი, რადგან არ მუშაობს ეს კომპანია უკვე ძალიან დიდი ხანია, არც შემოსავალი მაქვს აქედან", - თქვა ჭეჟიამ.

"საერთაშორისო გამჭვირვალობა-საქართველომ", თბილისის მიღმა, საქართველოს ყველა მუნიციპალიტეტის მერების, საკრებულოს თავმჯდომარეებისა და მათი მოადგილეების 300-ზე მეტი ქონებრივი დეკლარაცია შეისწავლა.

მონიტორინგის შედეგად, 78 დეკლარაციაში 128 სხვადასხვა დარღვევა გამოვლინდა. მათ შორის: დეკლარაციის არასრულად შევსების 56 ფაქტი, კომპანიებში კუთვნილი წილის სხვა პირისთვის მინდობით გადაუცემლობის 56 შემთხვევა, თანამდებობასთან შეუთავსებელი საქმიანობის 16 ფაქტი. ამასთან, 5 თანამდებობის პირთან დაკავშირებული კომპანიები სახელმწიფო ტენდერებსა და გამარტივებულ შესყიდვებში მონაწილეობენ.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების განსახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 16 °C
img
ფოთი 16 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.