აფხაზი მაშველები რუს კოლეგებს დახმარებისთვის მიმართავენ და სოხუმის უღელტეხილზე გაჩენილი ხანძრის ჩაქრობაში ჩართვას სთხოვენ. ცეცხლი სოფელი ფსხუს მხრიდან 150 - 200 ჰექტარზეა გავრცლებული. ამის შესახებ ინფორმაციას დე ფაქტო რესპუბლიკის საგანგებო სიტუაციების სამინისტრო ავრცელებს.

ხანძრის კერები აღნიშნულ ტერიტორიაზე 10 ნოემბერს გაჩნდა. სახანძრო - სამაშველო სამსახურის წარმომადგენლის თემურ კვიცინიას თქმით, იწვის ტყე, ხანძარი გუდაუთის რაიონისკენ ვრცელდება. მისივე ცნობით, ხანძრის მიმდებარე ტერიტორიაზე დასახლებული პუნქტები არ არის.