ახალი ამბები
გალელ აბიტურიენტებს რუსეთის უმაღლეს სასწავლებლებში ეპატიჟებიან
აფხაზეთის დე ფაქტო რესპუბლიკის მთავრობა, გალის რაიონის დამამთავრებელი კლასის მოსწავლეებს რუსეთის უმაღლეს სასწავლებლებში სთავაზობს სწავლის გაგრძელებას. ამ მიზნით, 26 ნოემბერს, გალის კულტურის სახლში "ევრაზიის სახალხო კავშირის" მიერ ორგანიზებული შეხვედრა გაიმართა, რომელსაც რაიონის სკოლების უფროსკლასელები ესწრებოდნენ.

მოსკოვის, პეტერბურგისა და როსტოვის უნივერსიტეტების წარმომადგენლები შეკრებილებს, რუსეთში სწავლის უპირატესობებზე, შეღავათებსა და უფასო საცხოვრებლის მიღების შესაძლებლობებზე ესაუბრნენ.

გალელი მოსწავლეების თქმით, აუცილებელ პირობად, რუსული ენის ცოდნა დასახელდა. სამედიცინო ფაკულტეტის არჩევის შემთხვევაში, კი მათ ქიმიის გამოცდის ჩაბარებაც მოუწევთ. ამასთან ერთად, ახალგაზრდებს განუმარტეს, რომ მათ რუსეთში გამგზავრება და გამოცდების ჩაბარება, ბინადრობის მოწმობის საფუძველზეც შეეძლებათ. შეხვედრას თითქმის ყველა საჯარო სკოლის უფროსკლასელი და მასწავლებელი ესწრებოდა. 

"ლექტორები იყვნენ, გამოვიდნენ სიტყვით, აქებდნენ თავიანთ სასწავლებლებს, პირობებს ეუბნებოდნენ ბავშვებს, უხსნიდნენ, რომ სპეციალობის ფართო არჩევანი ექნებათ", - გვითხრა გალის რაიონის მცხოვრებმა, რომელმაც ვინაობის დასახელება არ ისურვა.

მანამდე, გალის რაიონის ე.წ. ადმინისტრაციის ხელმძღვანელმა თემურ ნადარაიამ აფხაზური მედიასაშუალებებისთვის მიცემულ ინტერვიუში განაცხადა, რომ მიუხედავად "აფხაზეთის სახელმწიფო უნივერსიტეტში უფასოდ სწავლის შესაძლებლობისა", თბილისი, ყველაფერს აკეთებს, მათ შორის შეღავათებს აწესებს, რათა გალელმა აბიტურიენტებმა საქართველოს უმაღლეს სასწავლებლებში გააგრძელონ სწავლა".

მისი თქმით, ამის შედეგად 160 მოსწავლე წავიდა საქართველოში სწავლის გასაგრძელებლად და ისინი ძირითადად, ტყვარჩელის და გალის რაიონებიდან არიან, ხოლო აფხაზეთის უმაღლეს სასწავლებელში მხოლოდ 30 - მა ჩააბარა . მან აღნიშნა, რომ სიტუაციის შესაცვლელად ისინი მზად არიან სხვა ზომებს მიმართონ, მათ შორის, ერთ -ერთი იქნება ბინადრობის მოწმობის გაუქმება იმ უფროსკლასელებისა და სტუდენტებისთვის, რომლებიც "აფხაზეთის ტერიტორიას 6 თვეზე მეტი ხნით დატოვებენ".

"მათ აფხაზეთში შესვლა მხოლოდ უცხო ქვეყნის მოქალაქის სტატუსით შეეძლებათ ", - აღნიშნა მან.

ნადარაია ამბობს, რომ მეორე ზომა აფხაზურ სკოლაში ქართული ენის სწავლების აკრძალვაა, თუმცა, მისივე თქმით, ეს თემა განხილვას საჭიროებს.

Print Email
FaceBook Twitter
რ ე კ ლ ა მ ა
„ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია
,,ქართული ოცნება-დემოკრატიული საქართველოს“ ზუგდიდის ახალგაზრდული ორგანიზაციის ინიციატივით, ზუგდიდში ველოგასეირნება გაიმართა,
"ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია მარტვილის მუნიციპალიტეტის ერთ-ერთ ყველაზე დიდ სოფელში, ბანძაში მცხოვრებ მოსახლეობას შეხვდა.
კორონავირუსი
დღევანდელი მონაცემებით აფხაზეთში კორონავირუსზე ტესტირება 187 პირს ჩაუტარდა. კვლევის შედეგად ინფიცირების 43 ახალი შემთხვევა გამოვლინდა. ინფორმაციას დე ფაქტო რესპუბლიკის ოპერატიული შტაბი ავრცელებს.
ზუგდიდის ინფექციურში გასული 24 საათის განმავლობაში სულ 691 პირის ბიოლოგიური ნიმუში შევიდა, მათგან 500 კი გაიტესტა. გამოკვლეულთა შორის კორონავირუსი 9 პირს დაუდგინდა.
რუხის კლინიკაში 10 პაციენტი  კორონავირუსისგან განიკურნა. ინფორმაცია რადიო "ათინათს" კლინიკური დირექტორის მოვალეობის შემსრულებელმა მაიკო ჯანაშიამ დაუდასტურა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
დღის სიახლეები
18 / სექტემბერი 2020
დღევანდელი მონაცემებით აფხაზეთში კორონავირუსზე ტესტირება 187 პირს ჩაუტარდა. კვლევის შედეგად ინფიცირების 43 ახალი შემთხვევა გამოვლინდა. ინფორმაციას დე ფაქტო რესპუბლიკის ოპერატიული შტაბი ავრცელებს.
18 / სექტემბერი 2020
მესტიის სოფელ ბეჩოში შუახნის ქალი ცეცხლსასროლი იარაღიდან დაჭრეს. მედიკოსების ცნობით, მას გამჭოლი ჭრილობა გულ-მკერდის არეში აქვს მიყენებული.
18 / სექტემბერი 2020
მიუსაფარ ძაღლს, რომელმაც ზუგდიდში, კოსტავას ქუჩის ერთ-ერთ ჩიხში 9 ლეკვი გააჩინა, სახლი სჭირდება.
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 20 °C
img
ფოთი 21 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.