„საერთაშორისო გამჭვირვალობა-საქართველომ“ ზუგდიდის 67-ე ოლქის  #15 უბანზე საჩივარი დაწერა. ორგანიზაციის ინფორმაციით, კომისიის წევრმა მათ დამკვირვებელს არ მისცა უფლება პირადობის მოწმობების და სამაგიდო სიის  შესაბამისობა შეემოწმებინა.

ამ დროისთვის, აღნიშნულ ოლქში ეს TI-ის პირველი საჩივარია. ორგანიზაციას აქ სულ 6 დამკვირვებელი ჰყავს.

შეგახსენებთ, ზუგდიდში 109 საარჩევნო უბანია გახსნილი. მუნიციპალიტეტის მასშტაბით, ამომრჩევლების საერთო რაოდენობა 119  849 შეადგენს.