ზუგდიდის სოფელ ცაიშის ყოფილი ბალნეოლოგიური კურორტის ტერიტორია და რეზერვუარების შენობები შპს "ცაიშის კურორტმა" 346 000 ლარად შეიძინა. შესაბამისი ელექტრონული აუქციონი გუშინ დასრულდა. სახელმწიფო ქონების ეროვნულმა სააგენტომ 20 094 კვ.მ-ზე მდებარე რეზერვუარები და მიწის ნაკვეთი გასაყიდად 10 მაისს გაიტანა.

ელექტრონული აუქციონის პირობებით, ნასყიდობის ხელშეკრულების გაფორმებიდან არაუმეტეს 3 წლის ვადაში გამარჯვებულმა აღნიშნულ ტერიტორიაზე არანაკლებ 1 მილიონი ლარის ოდენობის ინვესტიცია უნდა განახორციელოს.

2018 წელს დაფუძნებული "ცაიშის კურორტის" დირექტორი ბიზნესმენი მამუკა კვირკვიაა. შპს-ის 90% წილს "ლაზეთი გრუპი", ხოლო 10% წილს დავით ქირია ფლობს. თავის მხრივ, "ლაზეთი გრუპის" 51% მამუკა კვირკვიას, ხოლო 49% რუსეთის მოქალაქე ლალიტა შარვაშიძეს მფლობელობაშია. სწორედ აღნიშნული შპს-ის საკუთრებაშია დადიანების სასახლის ეზოში არსებული ქონებასაც. გარდა ამისა, კვირკვია და მის მიერ დაფუძნებული "ლაზეთი გრუპი" წილებს ფლობენ შემდეგ შპს-ებში: "ლაზეთი 2017", "ენგური 2017" და "შპს ლაზეთი".


ამავე თემაზე: 

ცაიშის ყოფილი სანატორიუმის შენობა და მიწის ნაკვეთი აუქციონზე იყიდება

ეკონომიკის სამინისტრო ცაიშის ბალნეოლოგიურ კურორტს გაყიდის

სათბურების სოფელი (ვიდეო)

გეოლოგები: ცაიშის თერმული წყლები საკმარისია მთელი ზუგდიდის გასათბობად (ვიდეო)