ზუგდიდში, თამარ მეფის ქუჩაზე მომხდარი ავტოსაგზაო შემთხვევის შედეგად რამდენიმე ადამიანია დაშავებული. თვითმხილველების ინფორმაციით, ერთმანეთს ორი მსუბუქი ავტომობილი შეეჯახა. დაშავებულები საავადმყოფოში გადაიყვანეს, მათ შორის მძიმეა ერთ-ერთი  ასაკოვანი ქალის მდგომარეობა, რომელსაც, სავარაუდოდ, ქუთაისის ჰოსპიტალში გადაიყვანენ.

ამ წუთებში საავტომობილო მოძრაობა გადაკეტილია. ადგილზე სამართალდამცავები მუშაობენ.