ახალი ამბები
სოხუმში ე.წ. პარლამენტი "აფხაზეთის რუსეთისა და ბელარუსის საკავშირო სახელმწიფოში გაერთიანების" საკითხს განიხილავს
16:35 / 31.10.2023
სოხუმში ოკუპირებული აფხაზეთის რუსეთისა და ბელარუსის საკავშირო სახელმწიფოში გაერთიანების იდეის განხილვას გეგმავენ. საკითხს ხვალ, 1 ნოემბერს, ე.წ. პარლამენტის სხდომაზე დააყენებენ, წერს "ნუჟნაია გაზეტა".
"აფხაზეთის რესპუბლიკის მონაწილეობის საკითხის განხილვა პოსტსაბჭოთა სივრცეში ინტეგრაციულ გაერთიანებებში, კერძოდ, აფხაზეთის მზადყოფნა შეუერთდეს საკავშირო სახელმწიფოს", - ეს არის ხვალინდელი დღის წესრიგის ერთადერთი განსახილველი თემა. გამოცემის ცობით, სხვა დეტალები, ჯერჯერობით უცნობია.
28 ოქტომბერს აფხაზური დელეგაცია, ბელარუსში ჩავიდა, "ორმხრივი უწყებათაშორისი კონსულტაციების ჩასატარებლად". "აფსნიპრესის" თანახმად, ისინი "პრეზიდენტის" ასლან ბჟანიას დავალებით, გამართავენ სამუშაო შეხვედრებს ბელარუსის რესპუბლიკის შესაბამისი უწყებების ხელმძღვანელებთან "დარგობრივი ორმხრივი პროექტების შემუშავების მიზნით".
ბოლო დროს, სოხუმში სულ უფრო ხშირად აცხადებენ, რომ ოკუპირებული აფხაზეთის რუსეთის და ბელარუსის საკავშირო რესპუბლიკასთან მიერთებას არ გამორიცხავენ. ცოტა ხნის წინ, აფხაზეთის თვითგამოცხადებული რესპუბლიკის "უშიშროების საბჭოს" მდივანმა სერგეი შამბამ, განაცხადა, რომ "აფხაზეთი რუსული სამყაროს ნაწილია".
უფრო ადრე, ოკუპირებული აფხაზეთის "საგარეო საქმეთა სამინისტროს" ხელმძღვანელმა ინალ არძინბამ განაცხადა, რომ "რუსეთთან შესაძლო ურთიერთობების ხელსაყრელი ფორმა შეიძლება იყოს ასოცირებული სახელმწიფოს მოდელი.
მანამდე, კი აფხაზმა ლიდერმა ასლან ბჟანიამ აღნიშნა, რომ სოხუმი დაინტერესებულია პოსტსაბჭოთა სივრცეში ინტეგრაციული პროცესებით და საკავშირო სახელმწიფოში მონაწილეობა რუსეთთან და ბელარუსთან ერთად "დააკმაყოფილებს რესპუბლიკის საგარეო პოლიტიკურ მიზნებს".
2022 წლის 28 სექტემბერს ბელარუსის ავტორიტარული ლიდერი ალექსანდრე ლუკაშენკო ოკუპირებულ აფხაზეთში ჩავიდა. ის ასლან ბჟანიას ბიჭვინთაში შეხვდა. ლუკაშენკომ განაცხადა, რომ მისი აფხაზეთში ჩასვლა განსაკუთრებულ ვითარებას არ უკავშირდებოდა და რომ ბელარუსი და რუსეთი ათანხმებენ თავიანთ ქმედებებს. აფხაზმა ლიდერმა კი განაცხადა, რომ ბელარუსის რესპუბლიკის მეთაურის "აფხაზეთში ვიზიტის ფაქტი ბევრზე მეტყველებს და ამ ეტაპზე ურთიერთობა ახალ ხასიათს იძენს".
საქართველოს პრეზიდენტმა, პრემიერ - მინისტრმა და საგარეო საქმეთა სამინისტრომ მაშინ განაცხადეს, რომ "მტკიცედ გმობენ ალექსანდრე ლუკაშენკოს ვიზიტს ოკუპირებულ აფხაზეთში", რაც მათი თქმით "საქართველოს ოკუპირებული ტერიტორიების შესახებ კანონის დაუშვებელი დარღვევაა. საქართველოს საგარეო საქმეთა სამინისტროში დაიბარეს ბელარუსის ელჩი, ანატოლი ლისი.
"აფხაზეთის რესპუბლიკის მონაწილეობის საკითხის განხილვა პოსტსაბჭოთა სივრცეში ინტეგრაციულ გაერთიანებებში, კერძოდ, აფხაზეთის მზადყოფნა შეუერთდეს საკავშირო სახელმწიფოს", - ეს არის ხვალინდელი დღის წესრიგის ერთადერთი განსახილველი თემა. გამოცემის ცობით, სხვა დეტალები, ჯერჯერობით უცნობია.
ბოლო დროს, სოხუმში სულ უფრო ხშირად აცხადებენ, რომ ოკუპირებული აფხაზეთის რუსეთის და ბელარუსის საკავშირო რესპუბლიკასთან მიერთებას არ გამორიცხავენ. ცოტა ხნის წინ, აფხაზეთის თვითგამოცხადებული რესპუბლიკის "უშიშროების საბჭოს" მდივანმა სერგეი შამბამ, განაცხადა, რომ "აფხაზეთი რუსული სამყაროს ნაწილია".
უფრო ადრე, ოკუპირებული აფხაზეთის "საგარეო საქმეთა სამინისტროს" ხელმძღვანელმა ინალ არძინბამ განაცხადა, რომ "რუსეთთან შესაძლო ურთიერთობების ხელსაყრელი ფორმა შეიძლება იყოს ასოცირებული სახელმწიფოს მოდელი.
მანამდე, კი აფხაზმა ლიდერმა ასლან ბჟანიამ აღნიშნა, რომ სოხუმი დაინტერესებულია პოსტსაბჭოთა სივრცეში ინტეგრაციული პროცესებით და საკავშირო სახელმწიფოში მონაწილეობა რუსეთთან და ბელარუსთან ერთად "დააკმაყოფილებს რესპუბლიკის საგარეო პოლიტიკურ მიზნებს".
2022 წლის 28 სექტემბერს ბელარუსის ავტორიტარული ლიდერი ალექსანდრე ლუკაშენკო ოკუპირებულ აფხაზეთში ჩავიდა. ის ასლან ბჟანიას ბიჭვინთაში შეხვდა. ლუკაშენკომ განაცხადა, რომ მისი აფხაზეთში ჩასვლა განსაკუთრებულ ვითარებას არ უკავშირდებოდა და რომ ბელარუსი და რუსეთი ათანხმებენ თავიანთ ქმედებებს. აფხაზმა ლიდერმა კი განაცხადა, რომ ბელარუსის რესპუბლიკის მეთაურის "აფხაზეთში ვიზიტის ფაქტი ბევრზე მეტყველებს და ამ ეტაპზე ურთიერთობა ახალ ხასიათს იძენს".
საქართველოს პრეზიდენტმა, პრემიერ - მინისტრმა და საგარეო საქმეთა სამინისტრომ მაშინ განაცხადეს, რომ "მტკიცედ გმობენ ალექსანდრე ლუკაშენკოს ვიზიტს ოკუპირებულ აფხაზეთში", რაც მათი თქმით "საქართველოს ოკუპირებული ტერიტორიების შესახებ კანონის დაუშვებელი დარღვევაა. საქართველოს საგარეო საქმეთა სამინისტროში დაიბარეს ბელარუსის ელჩი, ანატოლი ლისი.
მასალის გამოყენების პირობები