სოხუმის რაიონში გაჩენილი ხანძრის შედეგად ერთი ადამიანი დაიღუპა. ინფორმაციას აფხაზეთის დე ფაქტო რესპუბლიკის საგანგებო სიტუაციების სამინისტრო ავრცელებს.
მათვე ცნობით, ცეცხლი გაჩნდა სოფელ ქვემო ეშერის ერთ - ერთ საცხოვრებელ სახლში, რომელშიც 85 წლის მამაკაცი იმყოფებოდა. მისი გადარჩენა ვერ მოხერხდა.

სახანძრო-სამაშველო ბრიგადების მისვლამდე ცეცხლმა შენობა მთლიანად მოიცვა. სახლი დაიწვა.

ინციდენტის გამომწვევი მიზეზები დგინდება.