2023 წლის ოქტომბრიდან დღემდე აფხაზეთის თვითაღიარებული რესპუბლიკიდან რუსეთში 20 ათასი ტონა მანდარინი გავიდა "ექსპორტზე", წერს "აფსნიპრესი", ადლერის საბაჟოს მონაცემებზე დაყრდნობით.

ამავე ცნობით, სადღესასწაულოდ, დღე - ღამეში, ე.წ. საზღვარზე, 700 ტონამდე ციტრუსი გააქვთ, გარდა ამისა, "საბაჟო კონტროლს", საშუალოდ, სასოფლო - სამეურნეო პროდუქციით დატვირთული 500 - მდე სატვირთო მანქანა გადის.

რუსეთის ფედერაციის ფედერალური საბაჟო სამსახურის სამხრეთ საბაჟო სამმართველოს პრესსამსახური იუწყება, რომ მანდარინი, ფორთოხალი და ლიმონი ძირითადად, რუსეთის ცენტრალურ ნაწილში იგზავნება: მოსკოვში, სანქტ-პეტერბურგსა და სხვა ქალაქებში.

გამოცემის თანახმად, მთლიანობაში, მიმდინარე სეზონზე (2023 წლის ოქტომბერი – 2024 წლის მარტი), რუსეთში დაახლოებით, 30 ათასი ტონა მანდარინის გატანა იგეგმება.