ზუგდიდის მერია მუნიციპალიტეტში დაგეგმილი სადღესასწაულო და სამგლოვიარო ღონისძიებებისთვის თაიგულებისა და ყვავილების შესასყიდად 12 460 ლარს დახარჯავს.

სატენდერო დოკუმენტაციის თანახმად, მუნიციპალიტეტის საკრებულოსთვის გათვალისწინებულია ყვავილების 4 გვირგვინი, ვარდების/ტიტების 40 და სეზონური ყვავილების 48 თაიგული.

მერიის ადმინისტრაციული სამსახურისთვის განკუთვნილია ყვავილების 17 გვირგვინი და თაიგულის 15 სასაჩუქრე კალათა.

მერიის კულტურის განყოფილება 5 გვირგვინს, ვარდის ან ტიტას 50 თაიგულს და სეზონური ყვავილების 25 თაიგულს მიიღებს, მერიის სამსახურის განათლების განყოფილება კი 1 ყვავილების გვირგვინსა და სეზონური ყვავილების 180 თაიგულს.

ტენდერში წინადადებები 24-დან 26 თებერვლის ჩათვლით მიიღება. მომსახურების გაწევის ვადად ხელშეკრულების დადებიდან 2024 წლის 31 დეკემბერი განისაზღვრება.