ჩხოროწყუს მერთან, დავით გოგუასთან ფიზიკური დაპირისპირების გამო, მერიის სპორტის განყოფილების ყოფილი უფროსი ედემ კვარაცხელია დააკავეს. ინფორმაცია რადიო "ათინათს" შინაგან საქმეთა სამინისტროს პრესსამსახურმა დაუდასტურა. 

მათივე განმარტებით, გამოძიება მიმდინარეობს 353-ე პრიმა მუხლის პირველი ნაწილით, რაც საზოგადოებრივი წესრიგის დამცველი ან ხელისუფლების სხვა წარმომადგენლების მიმართ წინააღმდეგობას, მუქარას ან ძალადობას გულისხმობს.

აღნიშნული ინციდენტი რამდენიმე დღის წინ მოხდა, გამოძიება კი, თავდაპირველად,  სს კოდექსის 126-ე, ძალადობის მუხლით დაიწყო.