რეგიონი
გიგა ოთხოზორიას დედა: პოლიტიკური ნების არარსებობამ დამნაშავის დასჯის პროცესი შეაფერხა
ხურჩა-ნაბაკევის ე.წ. საზღვარზე გიგა ოთხოზორიას მკვლელობიდან ორი წელი გავიდა, თუმცა მკვლელობაში ბრალდებული რაშინ კანჯი ოღლი სასჯელს არ იხდის. ოთხოზორიების ოჯახში ამბობენ, რომ დამნაშავის დასჯის ასე გაჭიანებურებას არ ელოდნენ. მოკლულის დედა ჯულიეტა ჭანტურია ფიქრობს, რომ, მიუხედავად ქართული მხარის მიერ გადადგმული ნაბიჯებისა, ქართულმა სახელმწიფომ თავიდანვე არ გამოიჩინა ნება და საკითხი სათანადო სიმაღლეზე არ აიყვანა.

„ველოდებოდი, რომ ყველაფერი გაკეთდებოდა, რომ დამნაშავისა და მისი დამქაშებისთვის ეჩვენებინათ, რომ უდანაშაულო ადამიანის მკვლელობა არავის შერჩებოდა. უმადურობა იქნება, რომ ვთქვა, სახელმწიფომ არაფერი გააკეთა, თუმცა არანაირი შედეგი არ დანდგარა“, - უთხრა რადიო „ათინათს“ ჭანტურიამ.

ფიქრობს, რომ ხელისფლების პოლიტიკური ნების არარსებობამ დამნაშავის დასჯის პროცესი შეაფერხა.

„არ იყო ნება იმისა, რომ ამ მკვლელობას მისცემოდა პოლიტიკური სარჩული, არ იყო ამის არავითარი სურვილი. კი ბატონო, პაატა ზაქარეიშვილმა მომიხადა ბოდიში მეც, ქართველებსაც... თუმცა ამის შემდეგ არაფერი შეცვლილა“, - თქვა ჭანტურიამ.



თვლის, მკვლელობის ამსახველი ვიდეოკადრების არარსებობის შემთხვევაში ამბავი სხვა ინტერპრეტაციით გავრცელდებოდა .

„განაჩენში წერია, რომ ტვირთვის გადაზიდვასთან შელაპარაკების ნაიდაგზე დაკავშირებით მოხდა მკვლელობა. სინამდვილეში მკვლელობა ქართველის და ქართული პასპორტის გამო მოხდა. როგორც მითხრეს, ჩემი შვილი ქართველ ახალგაზრდას გამოესარჩლა, რომელიც აბუჩად აიგდეს და ქართულ პასპორტს შეურაცხყოფა მიაყენეს. გიგას უთქვამს: ჩვენს მიწაზე ხართ და რას ბედავთო? სწორედ ამას მოყვა ის, რაც მოხდა. ჩემს შვილს დაჩაგრულის გვერდის აქცევა და გასაჭირში ადამიანის დატოვება არ შეეძლო“, - აღნიშნა გიგა ოთხოზორიას დედამ.




ჯულიეტა ჭანტურია ამბობს, რომ უშუალო მკვლელზე არანაკლებ დამნაშავეა სამი პირი, ვინც კანჯი ოღლის თან ახლდა. მისი თქმით, მათ მიმართ ქართულ საგამოძიებო უწყებას არანაირი კითხვა არ ჰქონია.

„ერთი მათგანი დაჭრილ გიგას წიხლებით შედგა. ის ნაკლებად დამნაშავეა? არ ვიცი, ვის ინტერესებს ემსახურებოდა, მაგრამ ის კადრები რომ არ ყოფილიყო, მგონია, რომ ეს საკითხი საერთოდ სხვანაირად გახმაურდებოდა. შინაურულ საქმეში რომ ყველამ ჩაიხედოს, რა თქმა უნდა, არ აწყობს სახელმწიფოს. არც ვადანაშაულებ, მაგრამ კომპეტენტურმა პირებმა მაშინ თქვეს, არ იყო ერთი ადამიანის მკვლელობა ასეთ დონეზე ასაყვანიო“, - თქვა ჭანტურიამ.

ოთხოზორიების ოჯახმა საქართველოს ახალგაზრდა იურისტთა ასოციაციის დახმარებით სარჩელი  რუსეთის ფედერაციის წინააღმდეგ სტრასბურგის სასამართლოში შეიტანა. ამის მთავარი მოტივი კი მათი თქმით, ორი წლის წინ ჩადენილ დანაშაულში რუსული ოკუპაციის აშკარა კვალია.

„გამოძიებისას არსად იყო ხაზგასმული, რომ ჩემი შვილი რუსული ოკუპაციის მსხვერპლია მაშინ, როდესაც შესაძლებელი იყო ეს სამართლებრივად დამტკიცებულიყო და გამოძიება შეიძლებოდა სხვა კუთხით წასულიყო. ქართულ სახელმწიფოს რომ წარედგინა ეს სარჩელი, თავიდანვე რომ ყველაფერი თავის დონეზე გაკეთებულიყო, იმიტომ კი არა, რომ ჩემი შვილია, იმიტომ რომ ქართველია, რომელიც ყველას თვალწინ მოკლეს, ყველასთვის ხმა რომ მიეწვდინათ და დაეყენებინათ სათანადო დონეზე, სხვანაირად დადგებოდა საკითხი“, - გვითხრა ჯულიეტა ჭანტურიამ.



რადიო „ათინათთან“ ოთხოზიას დედამ გალის შერეულ შეხვედრებზეც ისუბრა. ის მიიჩნევს, რომ სახელმწიფოს წარმომადგენელი მსგავს შეხვედრაზე კონკრეტული კითხვებით უნდა წავიდეს და კონკრეტული პასუხით დაბრუნდეს. სხვა შემთხვვაში კი, მისი აზრით, საკითხის დაყენებას შეხვედრებზე აზრი არ აქვს.

ტატუნაშვილი-ოთხოზორიას სიის არსებობას მიესალმება. მისთვის გაუგებარია, რატომ შეიძლებოდა ეს სია პოლიტიკური კინკლაობის საგანი გამხდარიყო და ამბობს, რომ ხელისფლებამ საკუთარი ძალაუფლება უნდა გამოიყენოს, რათა დაზარალებულ ოჯახს ეჭვები არ გაუჩნდეს. ის მიიჩნევს, რომ ე.წ. ტატუნაშვილი-ოთხოზორიას სიაში არამხოლოდ კანჯი ოღლი, არამედ ხურჩის ე.წ. საგუშაგოს ხელმძღვანელი პირებიც უნდა შევიდნენ და დამნაშავე მაღალ ეშელონებში უნდა ეძებონ.

ამბობს, რომ მკვლელობიდან ორი წლის შემდეგ ხელისფლების წარმომადგენლებს ოჯახთან სულ უფრო ნაკლები კონტაქტი და კომუნიკაცია აქვთ.

„ახლა, როცა ორი წელი მიიწურა და ალბათ გამოჩნდებიან, კიდევ ერთხელ მოგვისამძიმრებენ, მაგრამ გაკეთებული საქმე, არ ვიცი, რა იქნება“, - დასძინა ჩვენმა რესპონდენტმა.

გიგა ოთხოზორიას მკვლელობიდან ორი წლის შემდეგ მის დედას ერთადერთი სურვილი აქვს. უნდა, რომ დამნაშავემ დროულად დაისაჯოს და მის შვილიშვილს არ გაუჩნდეს სურვილი, მამის მკვლელობისთვის ვინმეს პასუხი აგებინოს.



გიგა ოთხოზორია ე.წ. მესაზღვრემ 19 მაისს, დაახლოებით, 15:00 საათზე, ხურჩა-ნაბაკევის საზღვართან, საქართველოს მიერ კონტროლირებად ტერიტორიაზე ცეცხლსასროლი იარაღიდან გასროლით მოკლა. ზუგდიდის რაიონულმა სასამართლომ მკვლელობაში ბრალდებული რაშიდ კანჯი-ოღლი დამნაშავედ ცნო და მას 12 წლით თავისუფლების აღკვეთა დაუსწრებლად მიესაჯა. ქუთაისის სააპელაციო სასამართლოს გადაწყვეტილებით კი, მას სასჯელის ზომად 14 წლით თავისუფლების აღკვეთა განესაზღვრა.

დე ფაქტო აფხაზეთის მთავრობამ კი მის მიმართ სისხლის სამართლებრივი დევნა შეწყვიტა.

ამავე თემაზე:

საიამ ოთხოზორიას საქმეზე რუსეთის წინააღმდეგ ევროსასამართლოში სარჩელი შეიტანა

გიგა ოთხოზორიას დედა: იმედი მაქვს ეს რეზოლუცია სხვის შვილებს დაიცავს


Print E-mail
FaceBook Twitter Google
ამავე კატეგორიაში
გარემოსა დაცვისა და სოფლის მეურნეობის სამინისტროს ინფორმაციით,
ნადირობის სეზონი 2018 წლის 18 აგვისტოდან დაიწყება.
13:48 / 14.08.2018
გარემოსა დაცვისა და სოფლის მეურნეობის სამინისტროს ინფორმაციით, ნადირობის სეზონი 2018 წლის 18 აგვისტოდან დაიწყება.
შემოდგომაზე გასამართი საპრეზიდენტო არჩევნებისთვის სტენდების და
მასზე გასაკრავი პლაკატებისთვის სპეციალური
13:16 / 14.08.2018
შემოდგომაზე გასამართი საპრეზიდენტო არჩევნებისთვის სტენდების და მასზე გასაკრავი პლაკატებისთვის სპეციალური
სამეგრელო-ზემო სვანეთის სამხარეო ადმინისტრაციის შენობაში, სადაც
საკრებულოც არის განთავსებული, შესაძლოა, ბავშვებისთვის სპეციალური
12:49 / 14.08.2018
სამეგრელო-ზემო სვანეთის სამხარეო ადმინისტრაციის შენობაში, სადაც საკრებულოც არის განთავსებული, შესაძლოა, ბავშვებისთვის სპეციალური
26 წლის წინ, 1992 წლის 14 აგვისტოს, საქართველოს სახელმწიფო საბჭოს
გადაწყვეტილებით, რომელსაც ედუარდ შევარდნაძე ხელმძღვანელობდა,
10:47 / 14.08.2018
26 წლის წინ, 1992 წლის 14 აგვისტოს, საქართველოს სახელმწიფო საბჭოს გადაწყვეტილებით, რომელსაც ედუარდ შევარდნაძე ხელმძღვანელობდა,
წალენჯიხის მუნიციპალიტეტის დაბა ჯვარში, კარიერზე მიმდინარე
სამუშაოების დროს მამაკაცი დაიღუპა. არსებული ინფორმაციით, ის
ტრაქტორის
21:45 / 13.08.2018
წალენჯიხის მუნიციპალიტეტის დაბა ჯვარში, კარიერზე მიმდინარე სამუშაოების დროს მამაკაცი დაიღუპა. არსებული ინფორმაციით, ის ტრაქტორის
ზუგდიდის მუნიციპალიტეტის სოფლები ძლიერმა წვიმამ დააზარალა.
განსაკუთრებული ზიანი მიადგა
18:21 / 13.08.2018
ზუგდიდის მუნიციპალიტეტის სოფლები ძლიერმა წვიმამ დააზარალა. განსაკუთრებული ზიანი მიადგა
მესტიის მუნიციპალიტეტის სოფელ ჭუბერში სამთავრობო უწყებებისა და
ადგილობრივების შეხვედრა,
17:41 / 13.08.2018
მესტიის მუნიციპალიტეტის სოფელ ჭუბერში სამთავრობო უწყებებისა და ადგილობრივების შეხვედრა,
საქართველოს მთელ ტერიტორიაზე ფერმათა და ფერმერთა რეგისტრაციის
პროექტი დაიწყო. ინფორმაციას მთავრობის ადმინისტრაცია ავრცელებს.
16:12 / 13.08.2018
საქართველოს მთელ ტერიტორიაზე ფერმათა და ფერმერთა რეგისტრაციის პროექტი დაიწყო. ინფორმაციას მთავრობის ადმინისტრაცია ავრცელებს.
ზუგდიდში თხილის ფასი ხარისხის მიხედვით განისაზღვრება და ამ ეტაპზე
მისი ღირებულება 1-და 4 ლარამდე მერყეობს. თხილის ჩამბარებელ
16:09 / 13.08.2018
ზუგდიდში თხილის ფასი ხარისხის მიხედვით განისაზღვრება და ამ ეტაპზე მისი ღირებულება 1-და 4 ლარამდე მერყეობს. თხილის ჩამბარებელ
ზემო სვანეთში, მესტიის მუნიციპალიტეტის სოფელ ჭუბერში ამ წუთებში
ადგილობრივ მოსახლეობასთან შეხვედრა
15:41 / 13.08.2018
ზემო სვანეთში, მესტიის მუნიციპალიტეტის სოფელ ჭუბერში ამ წუთებში ადგილობრივ მოსახლეობასთან შეხვედრა
მოქალაქეების აზრი
რა უნდა გაკეთდეს ახალგაზრდებისთვის ზუგდიდში - გამოკითხვა (ვიდეო)
29 / ივლისი 2018
რა უნდა გაკეთდეს ახალგაზრდებისთვის - ამ კითხვით რადიო „ათინათმა“ ზუგდიდელებს მიმართა. გამოკითხულთა უმეტესობა
როგორ მოიქცევით, თუ გახდებით ოჯახში ძალადობის მომსწრე - გამოკითხვა (ვიდეო)
13 / ივლისი 2018
როგორ მოიქცევით, თუ გახდებით ოჯახში ძალადობის მომსწრე, ამ კითხვით რადიო „ათინათმა“ ზუგდიდელებს მიმართა.
დღის სიახლეები
14 / აგვისტო 2018
მას შემდეგ, რაც რადიო "ათინათის" ვებგვერდზე მოქალაქის მიერ გადაღებული სოხუმისა და რიწის ტბის ფოტოები გამოქვეყნდა, ფეისბუკ მომხმარებელმა ახალი
14 / აგვისტო 2018
გარემოსა დაცვისა და სოფლის მეურნეობის სამინისტროს ინფორმაციით, ნადირობის სეზონი 2018 წლის 18 აგვისტოდან დაიწყება.
14 / აგვისტო 2018
შემოდგომაზე გასამართი საპრეზიდენტო არჩევნებისთვის სტენდების და მასზე გასაკრავი პლაკატებისთვის სპეციალური
კოლხური ეთნოგრაფიული ვარიაციები
გამოკითხვა
როგორ აფასებთ სამეგრელო-ზემო სვანეთის ყოფილი გუბერნატორის საქმიანობას?
შენი გვარის ისტორია
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.