10 მარტს დე ფაქტო რესპუბლიკის მასშტაბით კოვიდტესტირება 205 ადამიანს ჩაუტარდა და გამოვლინდა ინფიცირების 76 ახალი შემთხვევა. ინფორმაციას ოპერაციული შტაბი ავრცელებს. ამავე ცნობით, გუდაუთის ცენტრალურ საავადმყოფოში 1 პაციენტი - 73 წლის მამაკაცი გარდაიცვალა.

სულ აფხაზეთში არსებულ სამედიცინო დაწესებულებებში 65 კოვიდინფიცირებული მკურნალობს, მძიმეა 23 პაციენტის მდგომარეობა.

პანდემიის გავრცელებიდან სოხუმმა ინფიცირების 52 686 შემთხვევა აღრიცხა, გამოჯანმრთელდა 47 668 ადამიანი, 662 კი გარდაიცვალა.